Talk:鄂荷次克海

重訂粵版譯名

我認爲「鄂霍次克海」係普通話譯名，其中「霍」嘅粵音（fok3）點都對唔上俄文嘅хо（kho），所以有必要重訂譯名。

普通話所譯嘅「鄂霍次克」對噉樣分別對應俄文音：鄂（e）對應О（o），霍（huo）對應хо（kho），次（ci）對應тс（ts），克（ke）對應к（k）。呢四隻字，我認爲粵版譯名可取嘅只有「次」字。

粵版譯名應該用四字對應俄文，即係О-хо-тс-к，對嘅音標係[ɐ - xo - ts - k]。

О唔重讀時發[ɐ]，啱好有對應粵音，即係粵拼a，但粵音a唔會單獨出現，要有韻尾，所以我揀ak呢個音，用粵拼輸入打出嘅可用譯字有：厄、渥，相對「渥」好聽啲。

хо係重音所在，對出粵音ho，可用譯字有：可、賀、荷、何。其實我有些少疑心呢個音節應該係хот，因爲-ск係俄文常用詞尾，表示城鎮（Okhotsk海名出自海邊同名城鎮，查英文維基得知），俄文真係要表示[t͡s]，有字母ц。所以我又諗，或者可以譯粵音hot，搵出譯字有：渴、褐、喝、曷。

тс部份用返「次」，出入唔大，用得就用。

к係比較麻煩嘅事。我點唔同意用「克」──呢種夾普嘅及第式譯名算乜嘢粵版譯名？我諗住用粵音kak譯，搵出譯字只有「喀」。

綜上，我會譯成「渥賀次喀海」或者「渥曷次喀海」。

希望Cedric先生過來指點下，小弟只係初習俄文，畀啲意見同睇法。--S7w4j9 (傾偈) 2015年11月17號 (二) 12:45 (UTC)

反對，依兩個譯名有啲翹口。--User:plkdsa231　2015年11月14號(二)21:44(UTC)

拗口唔係理由，「鄂霍次克海」何嘗唔拗口？如果係理由，噉可以講粵維要禁絕一批同俄文相關嘅文章，俄文嘅音韻特性注定佢點譯都好拗口，兼且啲名長漏漏。如果要反對，可唔可以自己都提返個名出來討論下，得個反對好冇建設喎。--S7w4j9 (傾偈) 2015年11月18號 (三) 10:13 (UTC)

翻譯界嘅其中一個做法係「如果太出名就唔好改，就算係改都祇應該細改而唔應該大改」，因此我會建議用「鄂荷次克海」。至於個「喀」字，其他俄文譯名（例如「喀山」同「喀秋莎」）用過來對應第個音節，所以唔建議用。其他俄文人名可以再討論。 至於「拗口」爾個問題，基本上凡係音譯外語人名地名都會出現拗口現象，好多時候係避唔到嘅。【粵語文學大使殘陽孤侠】支持全面中止IP用戶編輯權 2015年11月18號 (三) 17:44 (UTC)

關於「鄂荷次克海」：基本贊同。講到出名，Okhotsk海喺世界上唔算出名，起碼唔係受關注嘅海域，所以冇法講「太出名」；但講到俄國地理，呢個海多多少少會提到下，應該處於「小有名氣」嘅狀態。「鄂」我係當重讀狀態，至於「克」我係因爲佢同「k」有類近嘅發音部位先勉強接受。

關於「喀」：俄文音韻之中，輔音有好突出嘅地位，音譯時要遷就輔音，所以喺其他情況同我講用「克」去對應「к」，我係點都反對，相反如果係音譯「х」，用「克」完全應該。至於對應音節，上述兩例都係親蘇時期嘅遺留，其中嘅「喀」對應嘅係「ка（拉丁：ka）」（喀山-Каза́нь；喀秋莎-Катю́ша），完全可以用「卡」來對應，我反而建議除咗舊時遺留，「卡」留畀「ка」，「喀」留畀「к」。--S7w4j9 (傾偈) 2015年11月19號 (四) 10:21 (UTC)