跳去內容

Talk:陀斯卡拿

頁面內容唔支援其他語言。
出自維基百科，自由嘅百科全書

建議搬去「圖斯卡那」

[編輯]

呢個譯名係普通話譯名，目前國語有兩種譯法，內地根據意文Toscana譯成「托斯卡納」，臺灣根據英文Tuscany譯成「托斯卡尼」。既然係意國，噉就唔應該按英文譯。意文嘅發音係[toˈskana]，譯成廣東話應該係四字四音節，亦即對應到意文爲 to-s-ca-na。

由於意文淸塞音唔送氣，所以其實有幾個方案可以揀，完全按聽感，可以譯爲「多斯嘉拿」，to可以譯爲「多」，寬鬆啲可以譯成「杜」，s建議譯爲「斯」，ca可以譯成「嘉、加」，na可以譯成「拿、那」。

若然想區分意文嘅清濁塞音，睇佢嘅音韻結構來譯，to對應嘅係白話嘅tou，因爲標準意文中t同d係清濁對立嘅塞音，o有開合之分，唔重讀嘅音節都係讀合口，粵語中對應到嘅只有ou，因爲粵語o嘅音標對應嘅係意文嘅開口o。另外就係ca對應嘅係kaa。

詞尾嘅「大區」甩咗佢，粵維寫政區一般唔需要後綴。--S7w4j9 (傾偈) 2015年5月28號 (四) 12:06 (UTC)[回覆]

  1. 「圖」字有/tu/爾個音要用，因為粵語無字發/tʰu/音或者/tu/音，另外，o雖然有開合之分，但係唔會構成語義差別；
  2. 末尾改用「拿」或者「那」我唔反對，不過我跟內地用返「托斯卡納」係為徂避免原創，而且「托斯卡納」同原文發音唔算相差十萬八千里；
  3. 托斯卡納歷史上（直到文藝復興早期都）係地理名詞，直到托斯卡納大公國建國之後先至成為政治名詞，所以我會強烈建議保留後綴。 — 【粵語文學大使殘陽孤侠】支持全面中止IP用戶編輯權 2015年5月28號 (四) 20:19 (UTC)[回覆]
馬其頓地區（虛線裡邊嘅地區）。綠色地區屬保加利亞，橙色地區屬馬其頓共和國，黃色地區屬希臘。
  1. 第一點我同意，標準講要分開合，但半數意大利人唔分，就似過半中國人嘅普通話無捲脷噉。噉「to」譯成「陀、妥」點樣？能夠用嘅譯字係呢兩個。
  2. 喂，你都講有啲字要對特定嘅音啦，托、納 就留番畀長輔音呢。而且我自己學過意文，真唔覺話無咩相差。
  3. 政區同地理從來密不可分，有時正因爲有噉嘅地理，先造就噉嘅政區劃分。如果篇文章講嘅係歷史上嘅國家，噉加後綴我唔反對，但而家講嘅係一個地方，無論政治點變，作爲地名及其附帶嘅地域認同都唔會跟住變。起碼意文版都係直接以地名作爲題目。就好似「廣東」，無論佢嘅政區建置點變，都係廣東，同樣廣西民國時係省，共和國時係自治區，噉又點呢？地重係嗰笪地，名重係噉叫。又唔係有重名，加政區後綴實在唔符合粵維標題習慣。--S7w4j9 (傾偈) 2015年5月29號 (五) 09:22 (UTC)[回覆]
結合以上討論，我會建議譯成「陀斯卡拿」（不過保留「托斯卡納」做跳轉），但係閣下嘅第三點我就都係唔同意。
舉個例：歐洲有個馬其頓共和國，但係爾個國家所在嘅地區歷史上（直到南斯拉夫王國滅亡都係）叫做「發達河省」（爾個名稱來自流經嗰個地區嘅「發達河」）。而「馬其頓」爾個名指嘅地區，從亞歷山大大帝登基開始，就包括馬其頓共和國全境同一啲週邊地區、保加利亞西南端同埋最重要嘅組成部份——希臘嘅馬其頓尼亞嘅。而馬其頓帝國係希臘人嘅國家，斯拉夫人係亞歷山大死徂好耐之後先至遷入發達河流域嘅。所以南斯拉夫聯邦解體之後，希臘人（特別係馬其頓尼亞人）一路都強烈反對馬其頓共和國用「馬其頓」做國名，最後搞到馬其頓共和國好多時候要用「前南斯拉夫馬其頓共和國」（Poranešna Jugoslovenska Republika Makedonija）先至加入到國際組織。睇下，同一個名嘅地域認同，可以天翻地覆成恁，兩個地區都話自己先係正宗，你唔承認我，我唔承認你。
另一方面我等可以睇下西藏：中原同西藏合併徂之後，中原先後將西藏東北部嘅一啲地區劃徂入青海省；中華民國建國之後又將西藏東南部割徂出去，建立徂西康省；後來中華人民共和國又廢除徂西康省，將原屬西康省嘅地區分別劃歸徂四川、西藏自治區同寧夏。短短幾十年間，原本嘅地理認同就被動盪嘅政治打到亂七八糟。今日去到青海－西藏邊境嘅藏區問下，當地嘅藏人可能都未必認同自己所在嘅地區係西藏。所以加政區後綴唔係無必要嘅。— 【粵語文學大使殘陽孤侠】支持全面中止IP用戶編輯權 2015年5月29號 (五) 23:55 (UTC)[回覆]
  1. 「陀斯卡拿」我同意。
  2. 你講嘅兩個例子我亦都知道。我嘅睇法係，除非有糾紛、或者要搞清楚、抑或有無後綴會影響文章主題，呢個政區後綴按照粵維習慣，免得就免（我無話唔加得，而係有條件。我本身反對寧願加括號、都唔用後綴嘅做法）。所以需要具體問題具體討論。既然Toscana無類似希臘同馬其頓之間嘅糾紛，亦唔係有遞個好出名嘅Toscana，講嘅係現時嘅政區，而唔係古時嘅公國，噉按粵維習慣，呢個後綴係可免嘅。--S7w4j9 (傾偈) 2015年5月30號 (六) 08:29 (UTC)[回覆]
老實講，我係好反對「免得就免」爾種做法嘅。因為恁樣隨時有可能導致有啲大區有後綴，有啲就無，唔明箇中原因嘅人就會話我等搞「大細超」，到時又要再解釋。所以我開關於大區/省級政區嘅文章嘅時候全部加澌後綴。不過我係唔會下下都搞到條標題水蛇膥咁長嘅。【粵語文學大使殘陽孤侠】支持全面中止IP用戶編輯權 2015年6月3號 (三) 16:27 (UTC)[回覆]
你講嘅情況其實毋須點擔心。我睇法係，會造成誤會，係因爲篇文章無乜內容，讀者得到嘅信息消少，自然對啲做法唔理解，我認爲解決呢個問題，唔應該犧牲粵語對政區、地名嘅語言習慣，而係努力加深成部維基百科嘅文章量以及深度，做好邏輯分類，呢個先係正路。唯有提供足夠嘅信息，先可以令讀者理解我哋。否則，靠住淺薄嘅資訊，爲咗個標題家嘈屋閉，永遠都討論唔出結果，亦損害成部百科嘅進展。就噉樣，努力寫文。--S7w4j9 (傾偈) 2015年6月4號 (四) 06:28 (UTC)[回覆]
其他語言命名方式雖然唔係非跟不可，但亦有一定參考價值。107種語言版本入面，幾乎無一個加政區後綴，唯一我認到有加就得日文（就連習慣絕多數情況都加政區後綴嘅中文版，今次一樣都無加）。--Jason6698 (傾偈) 2015年6月4號 (四) 15:07 (UTC)[回覆]
既然宜家有多數人支持唔加後綴，我都唔再反對，不過可唔可以等我爾幾日加埋陀斯卡拿嘅歷史先？到時再改名就唔怕「讀者得到嘅信息消少」。 【粵語文學大使殘陽孤侠】支持全面中止IP用戶編輯權 2015年6月4號 (四) 22:16 (UTC)[回覆]
我自己嘅做法，最後一次回應後，過一禮拜，先再搬版。之後我會慢慢經營篇文章，主要都係譯外文。--S7w4j9 (傾偈) 2015年6月5號 (五) 06:06 (UTC)[回覆]

對外連結有變 (2019年2月)

[編輯]

各位編輯仝人：

我啱啱救返陀斯卡拿上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年2月17號 (日) 08:55 (UTC)[回覆]

對外連結有變 (2019年8月)

[編輯]

各位編輯仝人：

我啱啱救返陀斯卡拿上面嘅 6 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年8月27號 (二) 23:05 (UTC)[回覆]

對外連結有變 (2020年3月)

[編輯]

各位編輯仝人：

我啱啱救返陀斯卡拿上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2020年3月28號 (六) 10:08 (UTC)[回覆]

對外連結有變 (2020年12月)

[編輯]

各位編輯仝人：

我啱啱救返陀斯卡拿上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2020年12月30號 (三) 11:25 (UTC)[回覆]

對外連結有變 (2021年12月)

[編輯]

各位編輯仝人：

我啱啱救返陀斯卡拿上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2021年12月29號 (三) 03:44 (UTC)[回覆]

由「https://zh-yue.wikipedia.org/w/index.php?title=Talk:陀斯卡拿&oldid=1749411」收