User:WikiteamTK/Sunday President

出自維基百科,自由嘅百科全書

星期日总统

星期日總統 2012年3月11日[編輯]

星期日總統,講起世事唔好頭懵懵!!哈哈~又係一個美好嘅星期日,正值春天,廣州地重係喺濛濛細雨嘅滋潤之下……我係成員新奇,初來報到,大家咪見怪啊哈 以後我哋就向呢度分享最近嘅新嘢啦、、有乜新知或者言論都可以嚟分享㗎 睇翻維基嘅用戶頁,睇嚟今個星期我哋TK組都update咗唔少啊,哈全靠馬仔啦緊係~好啦,第一次嚟到,緊係要發起個話題啦,不如我哋討論下關於粵語口語裏面嘅「講粗口」嘅一尐問題啦。 首先,有人話「講粗口係一種唔文明嘅行為,從一個人講嘢就可以知道佢嘅文化素質」,而有尐人就認為「粗口都係粵語文化嘅一部分,講粗口唔代表就係唔文明,而且重可以表現出我哋唔會有嘢收埋收埋,有嗰句講嗰句」,而我個人覺得呢,身為一個粵人,我緊知呢尐詞都係我哋粵語文化嘅一部分,而唔講粗口就係對人哋一個最基本嘅尊重囉~有嗰句講嗰句固然係好,但係我覺得都要分場合,如果係遇到高人,好心指導你,你冇理由句句粗口答人哋㗎嘛係唔係?? 好啦~是日話題就係噉,如果大家覺得無聊嘅,我哋可以change個topic~ --菓C魚 (傾偈) 2012年3月11號 (日) 07:15 (UTC)

星期日總統 2012年3月18日[編輯]

星期日總統,講起世事唔好頭懵懵!!是日話題:當今口頭上漸漸消失嘅粵語詞彙
引用:文沾:「以前,广州人去买米就话去「糴米」(糴:dek9)。而家,「糴米」呢个词都好少人提啦。我真系希望呢尐地道嘅广州话唔好失传。」
係呀,而今我哋80後,90後好多都將「五」讀成 m5,而唔系ng5,好多詞彙 譬如話「南風窗」等等嘅詞彙好多本土人都唔知係乜意思,所以呢,我諗我哋係時候搵翻尐以前嘅嘢,唔好畀佢咁快消失。--菓C魚 (傾偈) 2012年3月18號 (日) 06:41 (廣州時間午後 兩點九個字正 十二鐘制)