User:Yuetzong

大家好。我嘅母語係廣東話（粵語）。但我仲識講其它語言。目前仲算係維基百科嘅編輯新手。如果有任何需要同我反饋或者討論嘅歡迎喺討論欄目同我傾偈。

（2020年1月24號）最近我想分享下喺維吾爾族種族滅絕文章加咗啲內容而且啱啱加入維基百科編輯社區嘅個人諗法。我比較慶幸我哋粵語嘅維基百科社羣理智啲。因為你哋如果去中文維基百科同樣嘅文章嗰度，就會發現嗰度嘅文章內容都喺度畀人『批鬥』緊，間唔中就會有編輯戰，討論區一堆人喺度攻擊任何對政府有批判性嘅內容。主要係宜家中文維基百科嘅中國大陸（無點翻過牆）嘅愛國思想用户開始多咗。所以內容就自然多咗自我審查嘅現象。譬如嗰篇文章總共有20語言，每種語言嘅題目都有『種族滅絕/genocide』呢個字眼，但偏偏中文維基要加個『指控』喺頭條中。但個人感覺一去到粵語維基度就好似另外一個世界一樣，冇人陰陽怪氣，清淨咗唔少。淨喺呢個現象都令粵語百科成為咗同其他語言一樣都擁有一個比較理智嘅羣體。

我希望粵語維基百科可以繼續維持落去呢種好"chill"嘅心態。我明呢啲議題比較敏感，需要多啲考慮各種複雜嘅因素。但我對粵語嘅前途保持住希望。只要願意將多方面嘅角度同真相公開，粵語百科就可以達到國際(『wiki社區際』)認可嘅標準。