User talk:219.77.233.207

如果你係咁認為嘅，我只能夠我尊重你嘅講法囉，不過我想講，日文主題曲啲資料我唔熟，我仲查過套作品（火影忍者）根本就未有攞過其他啲咩獎，如果吓吓啲你哋（119.237.176.41 應該唔係你嚟？）認為重要嘅資料未加住，就唔俾其他人進行編輯加入其他資料嘅話，就唔怪之得呢個粵語維基嘅編輯量會低得咁緊要。

仲有，首你所講嘅"一隻日文片頭曲嘅香港改篇歌"事實上係曾經係由政府發牌嘅電台所舉辦嘅頒獎禮所頒嘅獎項，維基百科都有記載同類資料，即使嗰邊嘅"主要"（其實喺我眼中，只要資料係事實就係事實，唔關咩"主要"同"次要"事，而家唔係求其有個網民頒個獎，然後我照加上去）資料係比較多，但係而家我加咗呢個當時有唔少現場觀眾親眼睇住人哋頒嘅獎，仲要俾你話"係咪就要加載先?"，咁我真係唔知你咩意思。

其實我本身冇咩惡意，一開始我都話尊重你嘅講法，不過連只係加一項已經當年連主流媒體都報道埋嘅獎項資料，都要俾人咁樣刪法，真係難免唔對呢度感到有啲失望。Server2017 (傾偈) 2017年10月7號 (六) 06:24 (UTC)