Wikipedia:城市論壇 (消息)/歸檔/2017年6月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2017年7月15號 (六) 14:42 (UTC)做嘅。

《維基粵刊》

參照en:Wikipedia:Wikipedia Signpost同m:Tech/News格式嘅《維基粵刊》已經初步成立，測試版《試刊號》將會響3月頭出版，內容將涵蓋成個2月入面粵維發生過嘅大小事，以及有資深維基友專訪。歡迎大家訂閱同加入編輯團隊。由於官方訂閱區同加入編輯團隊區重未啟用，請有意訂閱或者做《維刊》編輯嘅人士響我嘅用戶傾偈頁留低訊息，唔該。LC 年尾趕五萬大關！ 2017年2月11號 (六) 14:39 (UTC)

粵維文章數嘅一個好消息、一個壞消息

粵維文章數今日經已超越海地文維基百科，升到第76位，再創粵維史上新高，係個好消息。但壞消息就係「更上一層樓」嘅難度亦係前所未有咁高，因為第75位嘅舊白俄羅斯文維基百科經已有超過六萬篇文，同我哋相差超過九千篇文，係我哋文數嘅近18%。過去一個月，我哋每日平均多22.9篇文，佢哋每日平均多6.3篇文，假設大家速度唔變，我哋都要545日（超過18個月）先至追過佢哋。

雖然名次短期唔可以再衝上去，但希望大家都繼續努力寫多啲文。--Kowlooner (傾偈) 2017年2月19號 (日) 11:47 (UTC)

多謝鼓勵，大家加油！翹仔 (傾偈) 2017年3月1號 (三) 15:58 (UTC)

聽日伺服器搬屋

維基百科嘅主機將於5月3號協調世界時下午兩點(東八區時間夜晚十點)搬屋，到時維基百科會有大概20至30分鐘只准睇，唔畀改。多謝大家留意。詳情請睇維基元相關資訊。翹仔 (傾偈) 2017年5月2號 (二) 17:09 (UTC)

已經喺呢度有譯本。 Shinjiman ⇔ ♨ 2017年5月3號 (三) 01:41 (UTC)