User talk:Deryck Chan

出自維基百科,自由嘅百科全書
Jump to navigation Jump to search
本頁存檔:
  1. 如果你喺我個傾偈版道搵我,我會喺道覆,並{{yo}}一聲通知你。
  2. 如果我喺你個傾偈版道留言畀你,你可以喺你個傾偈版道覆我,加個{{yo}}通知返我就得。

--翹仔 (傾偈)

覆:人物明細[編輯]

技術啲嘢我唔係好識喎……呢啲維基技術我都係半路出家嘅,而家都只係做到啲溼碎簡單嘅編寫,維基數據?感覺工程複雜……--S7w4j9 (傾偈) 2018年2月8號 (四) 14:12 (UTC)

覆:禮貌[編輯]

我唔想承認佢做呢啲用戶,佢啲行徑我非常之厭惡,佢嘅品行令我非常之唔信佢所做嘅一切,睇唔起佢,就噉樣。我見一次佢整屎整尿我都會鬧佢一次。--S7w4j9 (傾偈) 2018年2月23號 (五) 16:31 (UTC)

多謝Deryck Chan善意提醒[編輯]

我都知道下s7w4j9啲口氣同態度喇。若果佢下次再鬧人嘅話,到時一張紅牌落場搞掂。--PQ77wd (傾偈) 2018年2月23號 (五) 16:44 (UTC)

@PQ77wdS7w4j9 你哋兩個都同我醒醒定定。你哋之間有咩牙齒印唔關我事。邊個爛口、人身攻擊都係唔啱。而家算係警告晒你哋兩個,一旦搞到其他人就會罰封戶。翹仔 (傾偈) 2018年2月23號 (五) 16:48 (UTC)

滾攪[編輯]

打攪管理,希望警戒下PQ77同另外某啲朋友極為情緒化、晤理會其他資料編輯、一味攬住唔放嘅行為,長久落去會干擾資料翻譯互通,甚至阻滯資訊傳達、減低粵維知識水準,但願唔會造成更壞嘅影響。謝謝——Longway22 (傾偈) 2018年2月24號 (六) 15:06 (UTC)

關於呢啲喺Talk:廣州有軌電車Wikipedia:頭版/錯誤度都係寫低咗,廣州民國日報經已採編提供到嘅資料畀渠清完又清,而且係撈亂抄埋廣州無軌電車啲料當埋有軌啲料用,所講嘅理據九唔搭八,做出嘅行為經係干擾咗正當翻譯編輯。——Longway22 (傾偈) 2018年2月25號 (日) 13:43 (UTC)
佢講應該係圍繞「初期計劃搞,結果搞唔成」呢個段落有問題,其它地方基本上都冇乜問題。--PQ77wd (傾偈) 2018年2月25號 (日) 15:03 (UTC)
多謝你哋兩個同我傾呢篇文嘅嘢。我哋過去Talk:廣州有軌電車繼續講。翹仔 (傾偈) 2018年2月25號 (日) 19:44 (UTC)

舉報兩單嘢[編輯]

最近幾日個粵維發生咗疑似有人袒護侵權噉嘅事,唔該請睇下嗰邊發生咩事。重有個提醒:呢次有個嗌Lo***y22嘅人喺度起人底同埋阿Roy喺嗰篇討論頁玩穗(廣州)鵬(深圳)矛盾,噉嘅挑釁言論恐怕會影響成個維基嘅氛圍及趕走部份地區用家,要警告下先至得。--PQ77wd (傾偈) 2018年3月8號 (四) 02:36 (UTC)

建議順手執埋Wikipedia:版權問題[編輯]

舊年Wikipedia:刪文討論按粵維實際情況簡化,運作順利,而家係時候執執Wikipedia:版權問題。而家版權問題按日分類(重要唔係用粵維標準嘅「X月X號」而係「X月X日」),粵維根本就無噉嘅需要。所以建議學Wikipedia:刪文討論一版過搞掂。如果再進取少少,可以考慮索性併入Wikipedia:刪文討論,一版過同時處理侵權同唔係侵權嘅刪文。--Kowlooner (傾偈) 2018年3月11號 (日) 14:28 (UTC)

@Kowlooner我呢期比較忙,無時間大執,遲啲再諗下。會唔會索性摺咗個版權問題留言版佢,如果有明顯版權問題可以{{copyvio}},而唔係十成肯定嘅就去WP:管理員留言板或者WP:刪文討論? 翹仔 (傾偈) 2018年3月12號 (一) 12:05 (UTC)
唔緊要,呢樣唔急。我都唔反對摺咗個版權問題留言版佢。因為呢度侵權內容幾乎都唔係粵文而係中文,就算萬一證實唔係侵權,一樣會因為「非粵文內容」剷得,所以唔值得擺太多時間去傾版權問題。--Kowlooner (傾偈) 2018年3月18號 (日) 13:07 (UTC)

你知唔知更新[編輯]

已更新嘅 DYK 查詢 2018年5月4號頭版你知唔知?專欄已經換畫咗喇。你新寫或擴寫篇文章「土木工程」嘅事實獲選亮相。當篇文喺頭版度出現嗰陣,歡迎你可以去睇下有多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有16篇文章喺呢欄度亮過相。

--Shinjiman 2018年5月4號 (五) 02:55 (UTC)

已更新嘅 DYK 查詢 2018年5月8號頭版你知唔知?專欄已經換畫咗喇。你新寫或擴寫篇文章「紐咸區」嘅事實獲選亮相。當篇文喺頭版度出現嗰陣,歡迎你可以去睇下有多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有17篇文章喺呢欄度亮過相。

--Shinjiman 2018年5月8號 (二) 23:28 (UTC)

為維基百科增加討論頁面主題列表[編輯]

您好。小弟有意為城市論壇增加討論頁面主題列表,不知道您覺得如何呢?實際範例可以參考zh:Wikipedia:互助客栈/技术/topic_list。 --Kanashimi (傾偈) 2018年5月24號 (四) 08:49 (UTC)

非常抱歉的是小弟粵文不好,尚需要大家的幫忙。不曉得能否麻煩您幫忙代問一下呢?謝謝。 --Kanashimi (傾偈) 2018年5月25號 (五) 08:45 (UTC)
呢個雖然方便咗,但係噉樣嘅功能係需要人手一直維護,請問一吓Kanashimi君係咪有意幫嗰幾版造隻機械人? Shinjiman 2018年5月25號 (五) 08:55 (UTC)
@Shinjiman zh:Wikipedia:互助客栈/技术/topic_list有隻叫 Cewbot 嘅機械人負責。翹仔 (傾偈) 2018年5月25號 (五) 09:05 (UTC)
原來機械人持有者都係佢,噉就應該唔係好大問題,意見同翹仔一樣,都係試咗先再睇有乜嘢反應先。(當然啲欄位名都要寫做粵文,唔係全部嘅語體用語都適用的粵文維基度) Shinjiman 2018年5月25號 (五) 09:16 (UTC)
@KanashimiShinjiman 咁我拎上城市論壇問下大家意見啦。翹仔 (傾偈) 2018年5月25號 (五) 09:49 (UTC)
非常感謝兩位幫忙。 --Kanashimi (傾偈) 2018年5月25號 (五) 10:24 (UTC)
@Kanashimi 睇嚟結論係,覺得需要唔大,但如果你可以長期營運個題目表機械人嘅話亦唔反對有呢個功能。你自己決定啦。翹仔 (傾偈) 2018年7月10號 (二) 14:39 (UTC)
那就以後有機會再看看吧。 --Kanashimi (傾偈) 2018年7月10號 (二) 14:41 (UTC)

你知唔知更新[編輯]

已更新嘅 DYK 查詢 2018年8月24號頭版你知唔知?專欄已經換畫咗喇。你新寫或擴寫篇文章「鑽油台」嘅事實獲選亮相。當篇文喺頭版度出現嗰陣,歡迎你可以去睇下有多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有18篇文章喺呢欄度亮過相。

--Shinjiman 2018年8月24號 (五) 01:33 (UTC)

MediaWiki:WikiLove.js加獎項[編輯]

多謝你嘅星章。有關MediaWiki:WikiLove.js加獎項,請問有無教學或者範例可以參考下?--Kowlooner (傾偈) 2018年8月26號 (日) 11:40 (UTC)

@Kowlooner 教學:mw:WikiLove#Add_a_new_typemw:Extension:WikiLove#Custom_configuration。示例:en:MediaWiki:WikiLove.jscommons:MediaWiki:WikiLove.js翹仔 (傾偈) 2018年8月26號 (日) 16:28 (UTC)

回:所謂人身攻擊[編輯]

呢件事擺明係對人,亦對事,如果你睇下呢個用戶嘅貢獻,一半以上嘅時間係搵嘢嚟拗,搵 Rules 嚟拗,對我嚟講,係 Troll 嘅行為,成日撩嘢嚟拗,唔去改文,一味只有意見同推測,我叫佢郁屎窟最搵嘢,同話佢 armchair scholar,有異曲同工之效(只係廣東話要嚟得直接)。我好清楚吋佢嘅時間,我係 User,唔係 SysOps. 我亦冇用 SysOps 嘅權去壓佢。亦可以咁睇,如果我唔係 SysOps,兩個 Users 咁拗法,做 SysOps 有必要出手先?我地係唔係要做埋先生嗰份?再從另一個角度睇,其實你咁做都幾好呀,你話我,畀其他 User 知道一部份 �SysOps 係唔接受「所謂人身攻擊」,等啲人警剔下。我對啲睇唔過眼嘅嘢,用 User 身份我出聲。至於 SysOps 係咪要做好榜樣?我未有答案,不過,作為一個 SysOps,本人覺得我可以畀多啲耐性嘅。--WikiCantona (傾偈) 2018年9月3號 (一) 06:22 (UTC)

你知唔知更新[編輯]

已更新嘅 DYK 查詢 2018年11月12號頭版你知唔知?專欄已經換畫咗喇。你新寫或擴寫篇文章「珍妮花懷士文」嘅事實獲選亮相。當篇文喺頭版度出現嗰陣,歡迎你可以去睇下有多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有19篇文章喺呢欄度亮過相。

--Shinjiman 2018年11月12號 (一) 02:57 (UTC)

Roy17[編輯]

我都不妨解釋一下:

我根本唔需要𥄫著Roy17(勿ping)嘅編輯歷史,更唔需要佢ping我。我編輯過嘅所有版面都會自動加入我嘅監視清單,有乜嘢改動都會顯示出來。相反,Roy17提到嘅《歷赫·卡錢斯基》同《國際民航組織》兩篇文章佢掂都未掂過,偏偏就喺我11月7號回退徂一次IP編輯之後,唔到三個鐘Roy17就彈出來指責我「搗亂」。除非佢之前唔知點解將爾篇文章加徂入佢嘅監視清單之中,否則唯一可能嘅解釋就係佢WP:STALK緊我啲編輯。

我質疑Roy17狙擊我已經唔係一頭半個月嘅事。佢對我開嘅第一槍係喺《Talk:查納卡利》道話我「傻人有傻福」。之後佢數次進行引戰,最近嘅一次係喺爾道公開將我開嗰兩個類稱為「兩大 paau53 蘇州屎」。為徂避免再被佢釣魚,我已經屢次忍讓,任由佢點樣機關槍掃射,地氈式轟炸我都死忍著唔回應。不過話時話,如果我啲編輯摘要都算係人身攻擊嘅話,恁Roy17自己嘅「兩大 paau53 蘇州屎」、「分析能力差」(針對嘅係原音派頭號學者@S7w4j9)、「畀面唔要咊‎」又算唔算人身攻擊?如果按Roy17奉為聖旨嘅英維規則嘅話就絕對算。重有,管理員判定我喺《Talk:安南》道嘅編輯唔屬於破壞,我要求佢道歉,佢就掉返轉頭指責我「滋擾」、「糾纏」,但係我喺粵維辭典已經放棄申請管理員,佢一樣重死纏爛打,實行唔搞臭我就唔跟佢老頭姓,將我每一次有理由嘅回退都包裝成對維基百科嘅強姦,甚至將我向菢蛋機管理員請教MediaWiki嘅事都包裝成一項十惡不赦嘅大罪。以上係令我相信Roy17狙擊緊我嘅原因,亦係我最初申請IBAN嘅原因。

講多句:當Roy17喺《Talk:利揚省》嗰道將我稱為「始作俑者」,重要將我喺文言維基百科嘅編輯歷史挖出來嘅時候,我已經可以確定佢根本無心同我爭論任何問題,而純粹係想捉個機會踩多我兩腳,以滿足佢對我嘅仇恨。【粵語文學大使殘陽孤侠】 2018年11月26號 (一) 23:57 (UTC)

@ 親我,我就多口講句啦,更多嘅事我唔理。我覺得Roy係幾識撩事鬥非,講嘢激人水平一流,睇佢口氣我覺得佢好鬼識挑釁人嘅,但寫文貢獻未見噉嘅功底,喺討論版搞完一鑊罷就,至於篇文寫成點、劈炮唔理,我私底下稱呼佢做槓精(大陸網語),所以喺出便嘅社交網站佢follow我,我擠佢入黑名單,因為我唔想畀佢煩。大體我對佢觀感有啲壞。但Cedric呀,某啲時候你都該惗惗自己係咪真係no problem先,少拗幾句,你哋嘈咗好多鑊喇。--S7w4j9 (傾偈) 2018年11月27號 (二) 06:38 (UTC)
計我話呢位Roy17完全係惡人先告狀。今年年初出咗單噉嘅事(有嗮過程,慢慢睇)之後,好多時我都唔理佢。佢咪話前排喺粵維搞完,去到維基同享又搞一鑊(真係當正維基同享係日文維基噉)。近排我睇過下呢單嘢,雖然我未出聲,但Roy17的確有人身攻擊嫌疑。我睇佢以前涉及拗撬啲討論,覺得佢啲口氣似足喺e舞成名全國論壇嘅網友——「成都-女-洛尘」噉。重發現Roy17有時,唔識寫啲粵語字又唔去查本字點寫……不過Cedric兄,俾人拗嗰時都要檢討下自己嘅。--2018年11月28號 (三) 12:38 (UTC)— 之前未簽名嘅留言係由PQ77wd留言貢獻)所加入嘅。
多謝大家留言。我嘅睇法,同埋而家除咗兩位涉事仁兄之外嘅大致共識,都係由佢兩個自己搞掂。如果 Cedric 同 Roy 兩個有共識達到君子協定,咁其他編者可以幫手執行。否則,其他編者無謂插手。翹仔 (傾偈) 2018年11月28號 (三) 12:56 (UTC)

我send咗email畀你[編輯]

通知下。Sæn 2018年11月28號 (三) 09:47 (UTC)

覆:舊模[編輯]

第一個模宜家無用,後面兩個模我已經留徂底,鏟得嘞。【粵語文學大使殘陽孤侠】 2018年12月20號 (四) 17:21 (UTC)

「人身攻擊」[編輯]

基於同R字開頭嗰個用戶同樣嘅規則同邏輯,請閣下順便收埋澌所有包含「嘲笑」「恥笑」等字樣嘅編輯摘要(例1 例2 例3)。唔需要急,慢慢來都得。麻煩澌。【粵語文學大使殘陽孤侠】 2019年1月11號 (五) 16:23 (UTC)

「嘲笑」、「恥笑」可以係對事而唔係對人。呢度又唔指名道姓,唔算人身攻擊啦... 翹仔 (傾偈) 2019年1月11號 (五) 16:32 (UTC)
係恁嘅話就只能夠怪我自己厚黑學修行唔夠佢咁深,唔識學佢恁鑽規則空子。S7佢近期嗰啲所謂「人身攻擊」全部都係反駁R字開頭嗰個用戶,結果R字開頭嗰個用戶厚黑學修行太深,十足十《大宋提刑官》裏面個刁光斗恁,S7一反駁就被佢釣到魚。我真係好戥S7唔睇咯。【粵語文學大使殘陽孤侠】 2019年1月11號 (五) 19:31 (UTC)
@Cedric tsan cantonais有心喇,我係懵仔魚嘛,好易捉入手嘅,所以呢,佢講乜嘢,我而家當睇唔到,唔應就冇事。另外我覺得Deryck可以參攷吓上面Cantona留言嘅關於Troll嘅解釋,我覺得佢講得啱,可能Cantona出於個人氣性,會有啲「激氣」(?唔知用詞準唔準),可以話佢有啲嘢需要注意吓,但大體上佢講嘅係事實(當然啦,on my opinion所覺得係事實嗟)。--S7w4j9 (傾偈) 2019年1月12號 (六) 02:13 (UTC)
我都同意,Roy的確係成日太執著規矩,又要自己爭贏,所以容易令其他編者勞氣。希望大家都諒解管理員只係多少少經驗同埋多幾個掣嘅人。管理員可以盡力持平,但唔能夠盡善盡美。翹仔 (傾偈) 2019年1月13號 (日) 15:11 (UTC)
我係為徂避開同R大狀正面交鋒先來爾道嘅。請見諒。
有時啲嘢真係好好笑。最鍾意釣魚嗰個人唔准其他人指責佢釣魚?最鍾意扭曲規則嗰個人唔准人指責佢扭曲規則?最鍾意逳乜逳就踩人嗰個人唔准其他人指責佢踩人?唔通要成個粵維向佢三跪九叩,高呼「偉大嘅導師、偉大嘅領袖、偉大嘅統帥、偉大嘅舵手」、或者「偉大、光榮、正確嘅R大狀萬歲萬歲萬萬歲」、或者「凡係R大狀作出嘅決策,我等都堅決維護;凡是R大狀嘅指示,我等都始終不渝恁遵循」,將佢當成最高領袖恁崇拜,先唔算人身攻擊?唔同被R大狀踩嗰個人,要調返轉頭嬌喘幾聲,然後哀R大狀踩多幾腳,先唔算人身攻擊?
能夠將一切對佢嘅批評都扭曲成人身攻擊,某某大狀認第二,我諗粵維唔會有人夠膽認第一。
講開又講:R大狀就係利用粵維規則嘅唔完善,先至舉著啲英維規則飛公過河(「飛象過河」程度唔夠)都無人阻止到嘅。我強烈認為:粵維需要盡快完善本地規則(尤其係關於乜嘢算人身攻擊,乜嘢祇係表示不滿),以擺脫對英維規則嘅嚴重依賴。(個人睇法:單純針對對方行為嘅言論就唔應該算人身攻擊。)對英維規則嘅依賴一旦減弱,R大狀再想靠英維規則飛公過河就會越來越難。如果佢係真心想粵維好嘅話,佢肯定唔會反對制訂本地規則。如果佢反對制訂本地規則嘅話,恁我就有充分理由相信佢係為權力而編輯
完善本地規則實在好需要有名管理員帶頭,唔知能唔能夠請閣下偏勞?【粵語文學大使殘陽孤侠】 2019年1月24號 (四) 01:17 (UTC)
個人覺得主要係各位管理多啲出來講返本地既有嘅規例,可以一定程度同一啲四圍搞事嘅用家擺明,本地嘅規例係影響到本地空間啲活動嘅,唔話WP:HAR,基本嘅WP:NOTEWP:CIVILWP:CONADMIN呢啲其實都係基石,若果可以由幾位管理出來多啲同一啲四圍搞事嘅用家強調下呢啲,唔話行到至尾步,都起碼對返本地所有默默耕耘嘅人講,都會有唔少幫助掛。——Longway22 (傾偈) 2019年1月24號 (四) 02:54 (UTC)

你知唔知更新[編輯]

已更新嘅 DYK 查詢 2019年1月14號頭版你知唔知?專欄已經換咗畫喇。你新寫或擴寫篇文章「宋小寶」嘅事實獲選亮相。篇文喺頭版出現嗰陣,你可以不妨去睇下有幾多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有20篇文章喺呢欄度亮過相。

--Shinjiman 2019年1月14號 (一) 00:51 (UTC)

覆:Template:ITTE[編輯]

刪得嘞。【粵語文學大使殘陽孤侠】 2019年1月24號 (四) 17:18 (UTC)

唔該。翹仔 (傾偈) 2019年1月25號 (五) 11:05 (UTC)

疑似展示個人資料[編輯]

爾牌煩閣下咁多次真係唔好意思。不過想請教下:Special:diff/1260115算唔算展示個人資料?【粵語文學大使殘陽孤侠】 2019年1月24號 (四) 17:29 (UTC)

@Cedric tsan cantonais 收起咗連去第個網站嘅用戶版嘅連結,同埋兩個網站嘅用戶頁唔係同一個人嘅推測。(唔可以猜測一個編者喺維基媒體以外嘅身份,除非佢自己揭過盅。)至於文章相關內容同第個網站嘅相關內容之間嘅比較,同埋你(或者其他編者)之前嘅言論,每個編者有自由評論,唔算個人資料。翹仔 (傾偈) 2019年1月24號 (四) 18:08 (UTC)
明白。我指嘅係公佈鏈接嘅行為嗟。【粵語文學大使殘陽孤侠】 2019年1月24號 (四) 18:33 (UTC)

麻煩收起亞氏保加症嘅四次IP黨破壞[編輯]

原因:針對特定人群嘅人身攻擊/嚴重欺凌(特別係破壞2)。麻煩澌。【粵語文學大使殘陽孤侠】 2019年1月25號 (五) 15:36 (UTC)

User:Cedric_tsan_cantonais: 呢啲一竹篙亂打一船人嘅亂噏廿四嘢,打回頭就算啦,en:WP:Deny recognition啊。如果再犯,應該封IP同保護篇文。翹仔 (傾偈) 2019年1月25號 (五) 16:58 (UTC)
明白。【粵語文學大使殘陽孤侠】 2019年1月25號 (五) 17:26 (UTC)

覆:幾幅版權圖[編輯]

  • File:Saturday Afternoon at the Opera with Ben Heppner.pngFile:VIA trajets Canada fr.gif:本來呢,要我認個歷史錯誤唔係問題,畢竟我都試過唔熟悉維基嘅規矩。但係R大狀要將我嘅歷史錯誤塑造成由頭到腳趾尾都充滿惡意嘅違規行為,我唯有唔回應,以免feed the troll。以上兩張圖我認侵犯版權,刪得嘞。
  • File:流行前線天鳴唱片.jpg:我已經修改徂公平使用嘅描述,如果有需要嘅話我可以解釋得更詳盡,畢竟我當年都經常去嗰道睇佛山電臺做外景節目。我反對刪除,因為間唱片店同埋裏面嘅直播室(條豬肝色柱左邊嘅灰色框框裏面嘅區域)都的確係已經搬走徂,而用來做節目嗰個大堂地面嘅佛山電臺商標亦都已經無徂,因此除非有人識得穿越到過去再自己影張相放上同享,否則肯定唔會再有自由圖像。【粵語文學大使殘陽孤侠】 2019年2月1號 (五) 17:11 (UTC)

Mobile editing[編輯]

Hi Deryck,

The devs on the Editing team seem to be fans of yours, so I have come to talk to you. :-D

The Editing team is working on some changes to the mobile editing systems (on the mobile site – https://zh-que.m.wikipedia.org/ ), and I wondered whether you could give me your views about whether the Cantonese Wikipedia would be a good wiki for testing it. The current project is section editing. That change will likely be acceptable to editors who are accustomed to desktop editing. Their next project is the reason I'm here: They want to fix the toolbar for people using the visual editor on the mobile site, to make it more useful, and they'd like to test it here.

Looking through RecentChanges, there are very few logged-in editors here who use this combination, and all of them are new. Special:貢獻/汩汩银泉 seems to have the most edits of this small group.

Mobile editing is a growth area, so they'd like to fix the toolbar. Getting involved this early means that your feedback could have a big effect. On the other hand, I'm not sure that enough people here are using it to be able to get information, unless a few experienced editors were willing to try it out for a few days. Would you please ping me and tell me what you advise? Whatamidoing (WMF) (傾偈) 2019年2月7號 (四) 21:15 (UTC)

你知唔知更新[編輯]

已更新嘅 DYK 查詢 2019年2月12號頭版你知唔知?專欄已經換咗畫喇。你新寫或擴寫篇文章「漫遊詞」嘅事實獲選亮相。篇文喺頭版出現嗰陣,你可以不妨去睇下有幾多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有21篇文章喺呢欄度亮過相。

--Shinjiman 2019年2月12號 (二) 00:50 (UTC)

已更新嘅 DYK 查詢 2019年2月12號頭版你知唔知?專欄已經換咗畫喇。你新寫或擴寫篇文章「李慧嫻」嘅事實獲選亮相。篇文喺頭版出現嗰陣,你可以不妨去睇下有幾多下點擊 睇下點做實時去睇每日總計。最後,如果你日後見到得意益智嘅新文章之事實,請你喺「你知唔知?」對話頁度推舉。夾埋呢篇,你總共有22篇文章喺呢欄度亮過相。

--Shinjiman 2019年2月12號 (二) 00:50 (UTC)