Wikipedia:城市論壇 (政策)

政策

技術

提議

諗法實驗室

雜項

睇晒

• 目錄
• 第一串討論
• 呢版最尾

城市論壇嘅政策部係用嚟討論現有同埋建議嘅政策，亦係用嚟討論有關維基百科政策同埋指引嘅地方。

請喺你嘅留言道加上你嘅簽名用埋時間（打入~~~~或者撳一下編輯工具欄上面嘅簽名掣）。請響最尾道加上新嘅題目。

全域管理員

近期粵維破壞者猖狂，亦都有唔少即時刪除嘅積壓請求。小弟建議粵維可以俾全域管理員喺緊急嘅時候處理反破壞事務，將粵維納入全域管理員可以行使管理操作嘅維基，減輕本地管理員嘅積壓工作。大家有冇咩睇法？--Aqurs1 (傾偈) 2025年3月16號 (日) 15:25 (UTC)

✕ 千祈唔好噉樣搞！按照我嘅觀察，真係需要緊急處理嘅，例如政治起底事故，總係頗快收拾到；「影武者」之類「胸懷大志」嘅麻煩友亦唔重視呢度嘅管理員。有個根本就係常識嘅「把戲」本來唔應該「拆穿」，不過鑒於最少有幾位「天真無邪」嘅用戶「反應過敏」，唯有介紹下——嗰啲隨便玩下嘅無聊人，最好「佛系」應付（靠啲冇特別權力嘅賬號打編輯戰啱啱好！）；我哋唔加強防禦嘅話，佢哋就冇興趣變本加厲，繼而過主，反之亦然……（假設「敵方」「渣」到連「複製貼上」功能都唔識得用嘅「友方」之）危險示範：https://zh-yue.wikipedia.org/wiki/Wikipedia:%E7%AE%A1%E7%90%86%E5%93%A1%E7%95%99%E8%A8%80%E6%9D%BF#%E5%BB%BA%E8%AD%B0%E5%A2%9E%E8%A8%AD%E8%B6%85%E7%9F%AD%E6%96%87%E5%90%8C%E7%A9%BA%E9%A0%81%E9%81%8E%E6%BF%BE%E5%99%A8 江马 (傾偈) 2025年3月16號 (日) 23:39 (UTC)

唔理解點樣「加強防禦」會令佢哋變本加厲，反而加咗俾全域管理員處理嘅話，一啲明顯嘅破壞可以直接去元維基提報，處理效率一定快過而家。 Aqurs1 (傾偈) 2025年3月17號 (一) 05:56 (UTC)

ℹ 請睇呢度嘅第二段：https://zh-yue.wikipedia.org/wiki/Wikipedia:%E6%8C%81%E7%BA%8C%E5%87%BA%E6%B2%92%E5%98%85%E7%A0%B4%E5%A3%9E%E8%80%85 江马 (傾偈) 2025年3月20號 (四) 11:33 (UTC)

關鍵係block, revert, ignore, 相當於正常參與嘅都保持返馬照跑、舞照跳嘅姿勢，唔畀潛在疑似不守行為嘅有受關注嘅反應，等渠地boring自動收手。 Longway22 (傾偈) 2025年3月20號 (四) 13:38 (UTC)

對於關乎講效率啲program咩balabala，到尾都係搵返普通用家/平民出數，呢家各個話提升效率啲做法，就係對弱者開刀、同強權鋪路。不過盲頭烏蠅認定大勢所趨、勇往直前唔理人死活嘅，粵維咪跟埋大隊囉，等著曲終正式人散皆大歡喜。 Longway22 (傾偈) 2025年3月17號 (一) 09:09 (UTC)

@Longway22：解決破壞點樣變咗做對弱者開刀？ Aqurs1 (傾偈) 2025年3月17號 (一) 09:11 (UTC)

君提「效率」打頭陣，點講都會有陰影。依家時勢呢度講效率嗰度講效率，認真覺淨系考慮快趣撇甩人品。個人對唔受問責同制約機制下產生嘅任何idea保持警覺，識過往情況嘅老人家或粵維人都應該保持警覺。 Longway22 (傾偈) 2025年3月17號 (一) 09:17 (UTC)

@Longway22：何以見得全域管理員「唔受問責同制約機制」？ Aqurs1 (傾偈) 2025年3月17號 (一) 09:23 (UTC)

親身經驗，喺本地同隔離各種事務上，唔怕話。 Longway22 (傾偈) 2025年3月19號 (三) 12:26 (UTC)

但呢點唔係直接答君直接設立嘅前設，只係對君引用人話質問本人呢部分作答，君亦未有提供任何可以討論嘅要點，好明顯君係迴避繼續傾呢度唔同方面經已指出嘅問題。 Longway22 (傾偈) 2025年3月19號 (三) 12:29 (UTC)

其實對於有啲版被改嘅問題，已經有「全域反轉者」去處理問題；被開版嘅話就mark返要去刪版，等本地管理員做返；維基元嗰邊亦都有執行員去處理返緊急要處理嘅事項。 Shinjiman ⇔ ♨ 2025年3月18號 (二) 01:40 (UTC)

另外喺預設嘅情況之下，一般上須要符合兩個條件先至會有「全域管理員」，第一係要有少於十名管理員喺個wiki度，第二係喺兩個月之內要有少於三名管理員有操作紀錄。好明顯喺呢度呢兩個條件都符合唔到。 Shinjiman ⇔ ♨ 2025年3月18號 (二) 02:15 (UTC)

同Shinjiman：對於毫無疑問屬破壞嘅修改，有全域反轉者幫手。即刪積壓亦唔係一樣我相信全域管理員可以處理到嘅嘢：呢度嘅即刪積壓甚少係完全無厘頭嘅文，以至唔識粵文都可以執行。其餘嘅基本上都起碼需要識粵文嘅人查歷史同確認即刪理由。 h78c67c (傾偈) 2025年3月18號 (二) 03:40 (UTC)

呢幾日嘅即刪文好多係根本冇理由刪嘅跳轉（係連討論空間都唔應該有，係根本唔應該刪嗰隻）（利申：我唔係管理員，只係普通用戶）Alıƨsi (傾偈) 2025年3月18號 (二) 05:23 (UTC)

可惜肯定好多唔知咩頭路嘅朋友係唔會理會嘅，學下頭話開，呢種idea最後行出街，同學trump快快趣丟嗮人落巴士唔會相差好多，你若果堅持按章按良心抗爭、同人講得道理太多，直頭畀話返你開聲本身就係唔合規咁制。PS：作為隔離畀target過嘅victim，呢part嘅case，可以話係君提到嘅啲例衍生極致可達到嘅情形。 Longway22 (傾偈) 2025年3月19號 (三) 12:24 (UTC)

同以上Shinjiman、h78c67c：唔識粵語嘅全域管理員無辦法落準確嘅判斷，處理一啲要管理員先處理到嘅問題。 ——Z423X5C6（傾偈） 2025年3月24號 (一) 16:46 (UTC)

雖然提議者個建議喺現今制度下落實唔到，不過都可以睇成提議者對粵維管理員工作效率嘅唔滿意，粵維確確實實有大量站務長期積壓。我明白管理員完全係志願性質，但都希望管理員可以積極返少少，尤其係應對破壞方面。--Jason6698 (傾偈) 2025年3月18號 (二) 15:51 (UTC)

選多幾個管理員出嚟仲實際啦，全域管理員睇唔明粵語，用咗翻譯理解唔到都做唔到嘢 Jackyming 2025年3月18號 (二) 16:29 (UTC)

粵語維基百科上一次舉行管理員選舉係幾時？中文維基百科半年一次，佢哋都依家都只有60人（曾經超過100人）。 Jackyming 2025年3月18號 (二) 16:30 (UTC)

搵中維admins做粵維度呢種討論嘅版真係唔好啦，若果多啲朋友參與嘅情形講提刪嘅作用實際唔係刪除，而係提升多啲有意同有精力啲朋友一齊改善，甚至係提升返啲智識內容level，而唔係官僚管理主導一刀切去做。作為親身經歷過本地上一次所謂選產生嘅頂班admins同隔離大戲target過嘅victim，記住防破壞算其中一點，但唔可以完全就現狀而過於簡單以為有得一勞永逸就deal、唔理穩陣去逐個case查兼放棄埋更辛苦嘅建設改進。

經過幾次target過嘅victim，坦白唔怕講，唔好過分相信依家機制產生嘅決策機制對得住維基智識嘅理念，甚至唔好認為呢個機制依家仲對得住任何有心長期良好building works——唔係針對任何個人。唔好聽舉例，似trump呢家出街都係照著套機制產生嘅decision makers之一，有埋Musk幫拖搵班同渠打工嘅IT友快快趣出工係啊，夠efficient丟嗮大軍人落巴士𠻹。

依家唔好聽話，實踐起身呢度同樣一啲睇簡單以為有得一勞永逸就deal，開個頭話處理一啲細problem，到尾一樣就係做得猛丟人落巴士，或者丟埋巴士軚盤囖。考慮清楚，究竟處理問題係咪有得求其畀埋任何唔睇過眼嘅target一齊受，講求快deal炒人啲idea嘅點都唔可能畀到真嘅好後果，不過畀有心人多啲快拆招牌嘅力道。 Longway22 (傾偈) 2025年3月19號 (三) 08:09 (UTC)

講緊咩嘢，我淨係成功解讀到「搵中維admins做粵維度呢種討論嘅版真係唔好啦」 Jackyming 2025年3月19號 (三) 08:13 (UTC)

直頭同你講呢個機制繼續行就係學trump快快趣丟嗮人落巴士。 Longway22 (傾偈) 2025年3月19號 (三) 08:26 (UTC)

一睇你就知根本唔想知道問題喺邊，仲以為學埋搭假樓閣去清洗人真係威水啊？ Longway22 (傾偈) 2025年3月19號 (三) 08:29 (UTC)

唔該用返正常可以快速理解嘅粵文，Special:Diff/2247435，唔係正常粵文粵語。 Jackyming 2025年3月19號 (三) 10:09 (UTC)

唔想理你呢種唔面對實際嘅人。 Longway22 (傾偈) 2025年3月19號 (三) 12:11 (UTC)

各家都要注意，以後天下就係以上形同長文經已提過啲model嘅朋友嘅啦，絕對人地有十萬條理由拆毀所有辛苦建立起嘅works，畀心機學習交流嘅粵維友估都唔使嚟嘞。 Longway22 (傾偈) 2025年3月19號 (三) 12:16 (UTC)

┌────────────────────────────────────────────────────────────────────────────────────────────────────┘

呢度統一覆返咁多位。就Shinjiman所講，版被破壞嘅話可以俾全域回退員搞。但係全域回退員其實只係擁有回退功能，如果遇上一啲惡意係咁洗版垃圾訊息嘅人，要一眾GR回退一定唔係最好辦法，反而係咁回退佢哋嘅洗版先至真正會令破壞者「變本加厲」。至於其實點解我提倡俾全域管理員（簡稱GS）管到粵維，係因為粵維活躍管理太少，要等到管理上線先可以處理到一定會太遲。至於刪文方面，GS只會刪一啲明顯係破壞嘅版，例如前排嘅數字文，或者跨維基廣告，雖然其實絕對係冇壞處。而你講嘅粵維唔符合上面講嘅嘅條件，可以對比返番比粵維更大嘅uzwiki/srwiki/ukwiki等等，都會開放比GS處理簡單但緊急嘅請求，所以技術上絕對冇問題。Longway22講嘅長篇大論仍然係不滿中維點樣點樣，請你唔好喺呢版度講同話題冇關嘅事物，亦都唔好用所謂嘅「自身經驗」帶頭講陰謀論。Aqurs1 (傾偈) 2025年3月19號 (三) 12:47 (UTC)

個人係話必須警惕嘅前車問題，粵維依家一樣有呢啲徵兆，亦有傾過拗過，並非空談，之不過未去到君提案呢種更大規模嘅開埋權限清場口嘅款。唔同地方係有齊記錄嘅，包括一啲經已唔活躍嘅朋友都有各自嘅記錄，請唔好因為君認為自己話個案唔係真嘅，就可以一嘢煮死埋人。

呢度講返嘅反對道理同樣，唔可以一嘢煮死所有所謂suspicious item，

學話你認為，若係去學咗trump引用二戰時嘅外敵法驅逐「懷疑恐怖分子」、連藐視法庭夾rule of law都攻擊埋，對照下，度下，有咩位係要三思下。 Longway22 (傾偈) 2025年3月20號 (四) 13:22 (UTC)

有冇人可以翻譯下佢又講緊咩

呢度講返嘅反對道理同樣，唔可以一嘢煮死所有所謂suspicious item，學話你認為，若係去學咗trump引用二戰時嘅外敵法驅逐「懷疑恐怖分子」、連藐視法庭夾rule of law都攻擊埋，對照下，度下，有咩位係要三思下。

咩懷疑恐怖分子、藐視法庭 (點解佢嘅粵語同我嘅粵語好似唔係同一種語言?) Jackyming 2025年3月20號 (四) 13:28 (UTC)

你係連框框講明一個字都唔識，係trump引用二戰時嘅外敵法定義嘅特定疑犯。藐視法庭係打快咗，解釋返即係法庭發出對trump驅逐行為嘅禁制令，但係trump搵咗各種理由就係唔守兼完成驅逐，再倒返轉話法庭命令根本就唔係法庭命令，（阻止渠嘅法庭就係一個陰謀論咁）唔值得聽。要點如上。 Longway22 (傾偈) 2025年3月20號 (四) 13:34 (UTC)

前路

小結

講咗咁耐，我想總結下：

• 問題癥結：唔夠多管理員人手，所以管理事項堆積。
• 處理方法一：選多啲本站管理員。要有人肯做。
• 處理方法二：邀請全域管理員幫手。缺點係粵維唔符合全域管理員預設介入嘅標準，同埋唔識粵文嘅全域管理員幫到有限。

兩個處理方法唔互相排斥。

提案

喺有本站政策嘅情況下，個別維基媒體站點可以邀請全域管理員喺指定範圍內介入。有啲站點有噉嘅政策，詳情睇meta:Global_sysops#Check_local_policies。我提議我哋借用英文維基新聞嘅政策，修訂如下：

全域管理員有需要嘅時候，可以喺粵文維基百科上面做緊急、冇爭議嘅管理員活動，包括刪除塗鴉內容、保護受破壞頁面、封鎖破壞來源戶口。唔肯定嘅時候，請去管理員留言板請本站管理員介入。有爭議嘅時候，以本站管理員嘅決定為準。

我提議政策生效半年，之後重新討論繼續定係還原。翹仔 (傾偈) 2025年4月12號 (六) 21:06 (UTC)

✕ 反對處理方法二！原本我覺得Longway22嗰堆嘢有九成係離題嘅廢話（千祈唔好移除！粵文分域帶嚟嘅捐款大概唔多，至少留翻啲老闆鍾意嘅言論，話之佢啱定錯；我都加句——支持祖拜登以及賀錦麗嘅以巴戰爭取態以及俄烏戰爭政策……），而家認為有三成係適切嘅教訓，原因係呢種改動會令到違背社群共識嘅奇怪操作更加容易出現。例子：https://zh-yue.wikipedia.org/wiki/Wikipedia:%E7%AE%A1%E7%90%86%E5%93%A1%E7%95%99%E8%A8%80%E6%9D%BF#H78c67c%E4%BC%BC%E4%B9%8E%E9%80%A3%E7%BA%8C%E5%A4%B1%E8%AA%A4%E4%B9%8B%E4%B8%80 江马 (傾偈) 2025年4月13號 (日) 04:02 (UTC)

支持提案，並且兩個方法都建議一齊同步進行，管理員應該越多越好，並不存在管理員人數上限。 Jackyming 2025年4月13號 (日) 04:07 (UTC)

@Jackyming：高質管理員當然係越多越好啦！低質管理員一個都嫌多。以H78c67c為例，佢自己應承社群會做嘅嘢，拖咗三年半都仲係左閃右避；社群唔期望佢做嘅，忽然之間做咗，然後企硬唔郁——總之就係蝦我哋唔係管理員，冇佢符；連結：[1] 江马 (傾偈) 2025年4月15號 (二) 21:02 (UTC)

支持提案--Aqurs1 (傾偈) 2025年4月13號 (日) 07:29 (UTC)

有利益衝突，撤銷投票。Aqurs1 (傾偈) 2025年4月15號 (二) 03:27 (UTC)

@Aqurs1：對唔住，我之前判斷起碼部分失誤……我已經展示咗「亦都有唔少即時刪除嘅積壓請求」嘅關鍵原因之一係H78c67c（等）在任管理員習慣懶散——假如佢耐唔耐好似呢幾日咁勤力，不過係按照共識辦事，璞實操作，而唔係花費龐大功夫去為自己長年食言以及多次濫權嘅做法狡辯，粵文分域根本就唔會需要任何人手變動嚟「減輕本地管理員嘅積壓工作」。@H78c67c：真係有離題咩？ 江马 (傾偈) 2025年4月16號 (三) 08:08 (UTC)

支持一，反對二。 ——Z423X5C6（傾偈） 2025年4月13號 (日) 10:38 (UTC)

最尾建議修訂係「有爭議嘅時候，要喺本站度有商有量，本站管理員根據返本站度商討爭議反映啲分歧同共識，確定處理爭議嘅結論。」 Longway22 (傾偈) 2025年4月14號 (一) 09:26 (UTC)

@Longway22：你嘅舊意見明顯係極力反對處理方案二，不過你嘅新意見睇落係只要對方肯將佢稍為修訂就會大力支持，兩者似乎衝突；我建議你稍為說明後者，避免誤解或者曲解。 江马 (傾偈) 2025年4月15號 (二) 20:43 (UTC)

@Longway22：另外：「有商有量」係虛無飄渺嘅詞匯嚟咖，加落去同唔加落去可能毫無分別。正如美國參眾兩院不摟都有商有量，不過唐納德川普只係簽署咗一堆冇得商量嘅行政命令，靠長年累月討論以及修改然後通過嘅議案就要即刻全部變相作廢；又以中端嘅管理員H78c67c為例，佢無視社群共識（一票中立兩票反對）噉樣刪除咗（激進親中派台灣政客條目）「莊永彰」（我相信幾乎全部中文分域冇嘢對應嘅中共政治相關作品即將被如法炮製），俾我質問之後嘅答覆竟然大概係只願意理會管理員嘅異議（如有）！呢度畀高端嘅全域管理員插手嘅話，低端嘅註冊用戶我同你就一定要預咗以後對佢哋嘅所作所為一律無從干涉，因此衣家係唯一嘅把關時機…… 江马 (傾偈) 2025年4月15號 (二) 20:45 (UTC)

@Jackyming、Longway22：注意H78c67c嘅講法「如果有其他管理員唔同意我今次對收錄指引嘅詮釋，歡迎喺度或者去我嘅傾偈版度傾。」嘅意思係政策以及指引任佢「詮釋」（指鼠為鴨都得），非管理員嘅意見一律當無到，簡直係對共識政策嘅侮辱；當本地管理員濫用權力，我哋尚且可以發挖下佢哋啲蘇州史……當全域管理員亂嚟，後果不堪設想！你哋與幾多個全域管理員有實際有效（而非理論上有效嗰種（知道美國總統嘅收信地址唔代表能夠與佢有效通訊））溝通渠道？ 江马 (傾偈) 2025年4月15號 (二) 22:00 (UTC)

請你唔好喺度混淆視聽。嗰個刪文討論結案之前有充足嘅機會畀任何人提出意見，就算而家刪咗文你都仲可以話唔同意，大家坐低傾（如果唔係，點解我哋仲會有嗰個討論呢）。我講嗰句純粹係提醒其他管理員，我願意就我嘅決定溝通，邀請佢哋嚟討論先，唔好輕率噉反轉。 h78c67c (傾偈) 2025年4月15號 (二) 23:43 (UTC)

@H78c67c：討論結果有效定係冇效，視乎佢同你個人意見係唔係咁啱線相同，噉樣只係浪費其他人嘅時間，傾嚟有乜用呀？喺「User:MingoPatua開嘅文」嘅刪文討論，你許下一面刪除舊條目一面自己創建新條目補上嘅承諾，時間已經過咗三年半，明明有充足機會履行，結果因為你始終爽約，所以~2025-33676有機會就此提出刪文建議，結果你噉樣裁定：第一次有效，不過唔洗執行；第二次無效，不過唔洗歸檔！ 江马 (傾偈) 2025年4月16號 (三) 07:25 (UTC)

我曾經懷疑H78c67c純粹能力低下，連簡單嘅電子設備解難都唔識，以及唔明維基百科嘅基本方針等，於是給予細心技術支援；衣加睇咗啲回應，確定佢立心不良，就算俾人篤爆咗冇誠信，為社群帶嚟麻煩，都係依然固我，拒絕收拾殘局都算嘞，仲要炮製新嘅麻煩出嚟。無能差，濫權差，既無能亦濫權更差！面對劣質本地管理員，已經老鼠拉龜，若然全域管理員如此操作，可以從何入手？請閱讀「管理員係並冇高於其他用戶嘅特權，唯一可以做嘅只係實現用戶討論後的決定。」以及其前文後理，了解刪除「莊永彰」有幾大劑：[2] 江马 (傾偈) 2025年4月16號 (三) 07:27 (UTC)

呢度傾嘅係容許全域管理員喺緊急情況下用管理員嘅權限，唔會處理刪文討論等問題。呢個留言之後我唔會再喺呢個章節同你討論呢個離題問題，你想傾嘅話麻煩請你返去管理員留言板。 h78c67c (傾偈) 2025年4月16號 (三) 07:40 (UTC)

@H78c67c：根本難題就係「積壓工作」，我既然反對給予全域管理員權限，分析其根源並且藉此協助研究更佳方案理所當然，咁啱線你呢個管理員浪費時間嘅例子與「積壓工作」相關…… 江马 (傾偈) 2025年4月16號 (三) 08:42 (UTC)

@江马： 請問呢一刻「刪除塗鴉內容、保護受破壞頁面、封鎖破壞來源戶口」嘅積壓工作有幾多？你有冇查過呢啲工作到底邊個幫手做緊？你根本就係喺度妖言惑眾。 h78c67c (傾偈) 2025年4月16號 (三) 08:52 (UTC)

唔該停止嚴重離題。 Jackyming 2025年4月16號 (三) 10:13 (UTC)

似乎我支持但多數人都唔支持請全域管理員過嚟幫手處理冇爭議或者緊急事項...？翹仔 (傾偈) 2025年4月22號 (二) 19:43 (UTC)

@Deryck Chan：就咁睇似乎係好多人反對（利益申報：包括我都反對）。 ——Z423X5C6（傾偈） 2025年5月7號 (三) 13:28 (UTC)

Wikipedia:襪公仔

呢條政策好有問題，需要重執一次，最起碼用戶稽查員點解會引咗去英文維基百科嗰度？英文維基百科有權查我哋粵語維基百科用戶？好明顯呢條政策只係英文維基百科翻譯咗過嚟，根本冇本地化處理過。 Jackyming 2025年4月30號 (三) 14:13 (UTC)

@Jackyming：呢排開始執，大家都可以幫下手睇吓要改啲咩。 ——Z423X5C6（傾偈） 2025年6月7號 (六) 09:51 (UTC)

建議針對臨時帳戶制定一啲規則咩情況係濫用，咩情況唔係，然後類似呢一種情況，應該淨係封臨時帳戶定係封埋後邊嘅IP。 Jackyming 2025年6月7號 (六) 09:59 (UTC)

改咗少少用字。有啲唔啱粵維嘅嘢，要睇下點改至得，特別係關於用戶稽查方面嘅程序，以及係同仲裁委員會有關嘅內容。 h78c67c (傾偈) 2025年6月11號 (三) 11:56 (UTC)

｢搞搞震｣ 嘅定義

想問下，喺呢度，｢搞搞震｣ 嘅定義究竟係乜嘢。

原因係，今日，某管理員刪咗 ｢渡邊一惠｣，理由係 ｢搞搞震｣。正常我唔會為意，但係呢版喺我監視清單入面，因為我用咗至少半個鐘頭執過，我亦唔見喺我執之後同刪版之前有乜其他改動，亦即係刪咗嘅係我校對過嘅版本。

嗰版係超槷位，但係我未掂之前亦冇 factual error，只係用咗簡體字。簡體字一早已經被我鏟咗，日文讀音我亦加返，連出處都引埋（係日本放送正式網頁，唔係無厘頭網站），我想問問，話呢版 ｢搞搞震｣ 究竟係指乜。更重要嘅係，有出處嘅版都居然可以用 ｢搞搞震｣ 即刪，喺呢度執文有乜意義？ Alıƨsi (傾偈) 2025年5月5號 (一) 01:44 (UTC)

@H78c67c：Ping處理嘅管理員。 ——Z423X5C6（傾偈） 2025年5月5號 (一) 06:27 (UTC)

@Al12si： 對唔住，我冇留意到你執過篇文，我已經恢復返你執過嘅最後版本。篇文係由 Special:CentralAuth/Stage amd 嘅襪公仔違反全域制裁而開嘅；除非有人幫手睇過執過，按慣例基本上會刪曬呢啲襪公仔開嘅文。今次刪文係我一時疏忽，之後再有噉嘅情況我會小心啲處理。 h78c67c (傾偈) 2025年5月5號 (一) 08:33 (UTC)

用IP做嘢算唔算襪公仔呢？

查實呢度有啲奇奇怪怪活動，用IP形式做嘢。

襪公仔，Sockpuppetry，英文版就咁定義。

Sockpuppetry takes various forms:

• Logging out to disrupt Wikipedia as an IP address or to evade a block or ban
• Creating new accounts or rapidly changing IP addresses to avoid detection or sanctions, or to evade blocks
• Using another person's account (piggybacking)
• Reviving old unused accounts (sometimes referred to as sleepers) and presenting them as different users
• Persuading friends or colleagues to create accounts for the purpose of supporting one side of a dispute (usually called meatpuppetry)

先前見過啲好「狂熱」IP戶口，機械式咁大批同啲文換stub。以IP用戶來講，喜好十分特殊。有理由相信出自某啲「狂熱」用戶。

如今又有IP戶口喺我度留言，做到鬼鬼崇崇咁，想造輿論。

用IP做嘢又算唔算襪公仔呢？

HenryLi (傾偈) 2025年5月7號 (三) 13:14 (UTC)

咁你已經相信嗰一堆ip係來自本站一位高活躍或者熟悉本站運作嘅人操作嘅臨時戶口，你可以封咗佢個ip佢，要求佢開一個正規戶口，但我睇過喺你討論頁留言嘅臨時帳戶佢後面嘅ip，的確係不斷更換緊臨時戶口，但應該係新手。 Jackyming 2025年5月7號 (三) 13:34 (UTC)

我早排都遇到呢個情況，幾個臨時戶口加刪除線破壞WP:AN同我嘅討論版，行為模式睇落係同一個人所為。我都有諗過會唔會係出自呢度某一個活躍用戶。（我無開睇IP嘅功能) ——Z423X5C6（傾偈） 2025年5月7號 (三) 13:38 (UTC)

聽落似係有人唔記得簽到... 翹仔 (傾偈) 2025年6月3號 (二) 10:38 (UTC)

建議廢除楔模

楔位文章，stub，可謂英文Wikipedia早代遺物，大概當年資源唔足，好多熱心寫文人睇，同今日面貌完全唔同。呢度不過有無理跟咗先，並唔切合本百科。

行事本來就要問點解要做先，而唔係問點樣去做。點解依度要用楔？如何無乜用處，點解又唔廢除呢？

「楔模」查實用處唔大。啲人唔會見到個模就加長文。依度亦無專題小組，按專題寫長啲文。依度亦唔會見到短文就定期剷。時下淪為機械編輯玩物，改來改去，虛假文章紀錄，弊多於利。

今日維基百科夠晒資源，電腦技術，完全可以自動判定文章長短。又何需靠「楔模」呢？又何需花費人力喺「楔模」上面呢？就算機械做，都對加強內容毫無用處，錯用精神。元維基個統計排名，所謂楔位文，計下字數就算啦。

有精力不如寫好啲文，或者分好類好過。（不過如今搜尋器咁勁，分類亦非太重要。）

所以呢度建議廢除楔模，唔加唔改。而現有就由得佢，直至有人大改文章。

HenryLi (傾偈) 2025年5月7號 (三) 13:53 (UTC)

楔模好似有唔少跨維基統計數據用途，廢除嘅話要諗下會有咩影響。英維嘅論述 (en:Wikipedia:Stub) 似乎指向楔模有長遠用途。 翹仔 (傾偈) 2025年6月3號 (二) 10:38 (UTC)

臨時戶口IP檢查員

係咪要討論下，咩情況會頒發 m:Meta:Temporary account IP viewers？(我唔反對照抄元維基規矩。) 翹仔 (傾偈) 2025年6月2號 (一) 17:22 (UTC)

要，已經有新嘅申請等待本地討論中。 Jackyming 2025年6月2號 (一) 17:30 (UTC)

技術同全域政策資訊：

• mw:Trust and Safety Product/Temporary Accounts/Updates/2025-05 Access to IP addresses on pilot wikis
  • 本站管理員有技術權限批出「臨時戶口IP檢查員」畀已經有300次編輯、6個月開戶史嘅戶口。
  • 全域政策鼓勵各站訂立本站批核規定，唔可以鬆過上述。
• m:Meta:Temporary account IP viewers
  • 元維基政策：同上述最低要求一樣。符合要求、有需要用嘅編者就可以問管理員攞權限。

  翹仔 (傾偈) 2025年6月3號 (二) 10:24 (UTC)

我建議加1條，有「臨時戶口IP檢查員」權限嘅人 每365日必須作出一次編輯，否則權限可以比管理員攞走。 Jackyming 2025年6月3號 (二) 10:30 (UTC)

呢個提議有趣。等我問下可唔可以叫元維基自動做。翹仔 (傾偈) 2025年6月5號 (四) 17:31 (UTC)

其實全部權限我都想建議一年冇編輯就要移除，唔係話佢哋冇編輯冇貢獻所以攞走權限，而係因為安全原因，如果連每年一次確認帳號仲喺佢哋手上都做唔到，我唔覺得權限仲要比佢哋。 Jackyming 2025年6月6號 (五) 04:37 (UTC)

可以機器做嘅嘢就唔好人手做，仲要係啲要等一年先做嘅嘢...！ 翹仔 (傾偈) 2025年6月7號 (六) 07:31 (UTC)

可以嘅，中維嗰邊有個機械人，只要有編輯者半年冇編輯，就會自動移除曬佢哋全部用戶組

zh:Special:日志/rights/Jimmy-abot Jackyming 2025年6月7號 (六) 08:03 (UTC)

最好仲要通知咗之後一個月都係冇編輯先移除

zh:User_talk:Eguersi#因不活躍而取消IP封禁豁免者、巡查员權限的通知 Jackyming 2025年6月7號 (六) 08:08 (UTC)

出世人分類

我見最近開咗好多「X國X省出世人」分類，呢種分類英文維基唔見有，中文維基亦只係零星開設（例如zh:Category:中國出生者入面，主要只係一個省（黑龍江）、一個市（哈爾濱）、香港同澳門有相關分類，絕大部份省市都未開設，分類名亦唔會提及任何上級政區）。我好質疑呢種分類有冇存在需要，建議全部簡單歸類做「XX人」，例如「Category:中國遼寧省出世人」改用本身有嘅「Category:遼寧人」。 Yaukasin (傾偈) 2025年6月11號 (三) 14:30 (UTC)