Wikipedia talk:粵語音譯用字

正如我所講，其實普通話翻譯界音譯人名嘅時候，係有約定焉啲字可以用，焉啲字唔可以用嘅，包括：

1. 要用一啲喺現代普通話裡面獨用無意義（例如「爾」、「伊」、「岡」⋯⋯）或者略有正面含義（例如「康」、「仁」、「倫」⋯⋯）嘅字；
2. 用字應該避免引發歧義（例如「伊斯坦堡」或者「啤啦扶茄扶」）或者不雅聯想（例如「您媽大笑嘩」同埋「屎覺爛」）；
3. 避免用除咗「哈」之外嘅語氣助詞（例如「啤啦扶茄扶」或者「您媽大笑嘩」）；

粵語翻譯因為起步遲過普通話翻譯，好多時候重要將入聲納入考慮，所以先至直到宜家都未有通用嘅。因此，本人一路都喺道實驗緊粵語音譯焉啲字可以用，焉啲字唔可以用。本人嘅大概準則有以下幾條：

1. 儘量先將就元音，再將就輔音（例如「沙彭鐵耶」個「鐵」）；
2. 可以用入聲字對應，而個入聲字又唔違反上面幾條約定嘅，就用入聲字（例如「合堅遜」個「合」）；
3. 既往祇要唔係病毒音就不咎，用字唔違反以上幾條約定嘅，可以用做先例；

本人邀請各位幫本人整理、研究出焉啲字可以用做粵語音譯用字，焉啲字唔可以。

兩個（本人認為）最重要嘅問題：

1. 焉啲字可以用？焉啲字唔可以用？點解？
2. 應唔應該為每種語言分別整一份音譯用字表？

注意：喺討論未有結果之前，請唔好提出快速刪除。

— 粵語文學大使殘陽孤侠 2013年7月11號 (四) 05:45 (UTC)

求先有位SC96提出嘅「您媽大笑嘩」或「屎覺爛」嘅嘢，我睇都想笑……我喺呢度提出建議：最好封殺不雅聯想嘅譯名。以前有人開嘅嗌食屎就係個版。--WKDx417 (傾偈) 2015年8月2號 (日) 08:32 (UTC)