User talk:Z423x5c6

歸檔 /dyk /2020 /2021 /2022

請解釋

閣下點解兩次取消我 move|澤連斯基 嘅頭牌？ --WikiCantona (傾偈) 2022年4月13號 (三) 13:55 (UTC)

原因請睇Wikipedia:標題習慣#人名，唔再覆述。 ——Z423X5C6（傾偈） 2022年4月13號 (三) 14:29 (UTC)

請睇第五點嘅例。注意，雖然冇寫落嚟，出名嘅人淨係用「姓」，係冇問題--WikiCantona (傾偈) 2022年4月13號 (三) 14:35 (UTC)

放大鏡喺度：重有，如果有全名嘅就記得用返佢嘅全名。 ——Z423X5C6（傾偈） 2022年4月13號 (三) 14:45 (UTC)

哈哈哈:-) 「但若其中一個人出名好多，喺最出名嗰個人嘅頁頂度加返條拎都得」--WikiCantona (傾偈) 2022年4月13號 (三) 14:49 (UTC)

加返條拎，可以；加move模版，唔得。閣下分唔分到兩者嘅分別？ ——Z423X5C6（傾偈） 2022年4月13號 (三) 15:20 (UTC)

閣下嘅霸氣同自信，好正！有勞你講講你嘅睇法，點解同時唔用兩個 move 模？"proper" 嘅做法，thank you。--WikiCantona (傾偈) 2022年4月17號 (日) 00:58 (UTC)

無關霸氣同自信，理直自然氣壯。留意翻我嘅論點唔係唔用兩個 move 模，係唔應該用 move|澤連斯基 嘅模。用 move|澤連斯基 即係提議澤連斯基係好過用全名禾羅迪美·澤連斯基，而之前我已經提出「撞名」同「wp:標題習慣」兩個理由反對，呢點亦都無任何討論嘅空間。至於另一個 move 模，係牽涉粵語譯音問題，由於我自己係唔識烏克蘭文同俄羅斯文，亦唔打算發表意見，所以留翻嗰個 move 模。唔知咁樣解唔解答到你嘅問題？ ——Z423X5C6（傾偈） 2022年4月17號 (日) 11:39 (UTC)

多謝回應。「wp:標題習慣」麻煩你睇清楚個意思，個例子係愛因斯坦，意思係加返條 link 「阿爾拔愛因斯坦」跳去愛因斯坦嗰版。「撞名」情況根本開文嗰刻冇出現，係有人（Akai）改咗全名，之後先至開伊薩克·澤連斯基，出現「撞名」。佢改名嗰陣時係冇理由亦都冇共識，程序上，應該反轉先（我做咗），你就反轉我（冇畀理由，相信係你啱啱講嗰兩個）。

Akai 話因為搬咗版之後「7日」冇人反對，所以用佢改嘅名，我唔評論佢嘅做法先，我就佢開返個討論去尋求共識，之後再加一個 move 模， 個move 模係基於我嘅討論。閣下錯誤咁樣演繹成「move|澤連斯基 即係提議澤連斯基係好過用全名禾羅迪美·澤連斯基」，而係加個模係一個建議同叫其他人去相關討論，閣下唔同意用「澤連斯基」，去討論傾傾，唔係連個模都唔畀人擺喎，霸道咗啲囉。

係想講清楚件事，你用「wp:標題習慣」做理由係可以嘅，不過，成件事就有欠公允。 WikiCantona (傾偈) 2022年4月17號 (日) 17:05 (UTC)

「冇理由亦都冇共識，程序上，應該反轉先（我做咗）」唔係所有都要有共識先做，你自己亦都講過。改咗全名再開另一篇，同開另一篇先再改全名，最後結果都係撞名。睇唔到你個point喺邊。搬版行為同開「伊薩克·澤連斯基」係喺廿分鐘之內發生，即係搬版係有確實需要，因為有撞名。

既然你講到愛因斯坦，咁我都唔怕講，我支持愛因斯坦都用返全名，再將愛因斯坦跳轉去全名。

移除move模嘅原因係根據雪球原則，睇唔到有理由「禾羅迪美·澤連斯基」可以用短名「澤連斯基」，而事實亦都證明，你依家都畀唔到任何理據去支持用短名。

最後，你講嘅「成件事就有欠公允」，麻煩你解釋一下，如果解釋唔到就收返呢啲攻擊性嘅字眼。 ——Z423X5C6（傾偈） 2022年4月17號 (日) 18:28 (UTC)

閣下成日講嘅要跟指引去做嘢，相信你都識得尊重一點唔成文嘅規矩？！先講 move 模，即是你睇唔到呢個可能性，「事實亦都證明，你依家都畀唔到任何理據去支持用短名」點解你唔將呢句嘢放落個篇文討論度啦？係咪下下都要人追問你點解你先至答？你有冇尊重呢個文章討論嘅機制？

第一次搬名「冇理由亦都冇共識」，更加冇討論，已經係問題所在，你唔去考慮開版人嘅意願，只係接受搬版人單方面嘅做法（要注意嘅係開版同搬版嘅唔係同一個人），移去 move 模係阻止進一步討論之嫌，即使你冇咁嘅用意，當你做一系列嘅操作時，有機會講返點解，等到其他人知道你嘅意圖同觀點，你冇選擇咁做，要人問先，好有問題，搞到其他用家不明不白，側埋一邊做，學似有人成日講，管理員做嘢要公正，呢啲就係「有欠公允」。 WikiCantona (傾偈) 2022年4月17號 (日) 19:45 (UTC)

WP:SNOW:「假如明知一件事嘅結果（就好似證明地獄會唔會有雪波），就無需要去行曬所有程序。」

en:WP:SNOW:「If an issue is "snowballed", and somebody later raises a reasonable objection, then it probably was not a good candidate for the snowball clause. Nevertheless, if the objection raised is unreasonable or contrary to policy, then the debate needs to be refocused, and editors may be advised to avoid disrupting Wikipedia to make a point.」有人問嘅時候先解答，係合理做法。

「移去 move 模係阻止進一步討論之嫌」唔需要「之嫌」，移除 move 模版就係想終止一啲浪費時間嘅討論。WP:標題習題已經清楚講明外文名要用全名。

我唔明你喺度執著啲乜嘢，亦都分唔到你究竟係針對緊在下定係單純因為對維基百科政策嘅唔理解，先至死咬著我唔放。閣下都身為管理員，望你以後做事嘅時候都能夠注重返維基嘅各項政策，亦都唔好自己唔知頭唔知路，就話其他人「有欠公允」。 ——Z423X5C6（傾偈） 2022年4月18號 (一) 05:58 (UTC)

早晨，終於有時間復你啦，首先我並唔係咬住你唔放，而係閣下做嘢實在有錯。

• 第一，閣下做咗兩次反轉，兩次都冇畀原因（直至質問先至候補）
• 第二，閣下所用嘅嘅理由並唔正確，誤引用 en:WP:SNOW，因為雪球原則有一句 "The snowball clause may not always be appropriate if a particular outcome is merely "likely" or "quite likely", and there is a genuine and reasoned basis for disagreement."，有用家喺討論講，簡單嚟講係有討論嘅空間，亦即係雪球原則唔適用。
• 第三，閣下並無避嫌，當一個用家已管理員身份去做出決定嘅時候，請睇 en:WP:INVOLVED，"In general, editors should not act as administrators in disputes in which they have been involved. This is because involved administrators may be, or appear to be, incapable of making objective decisions in disputes to which they have been a party or about which they have strong feelings."，不過，閣下應該明白，你對一個編輯方向有相當嘅觀點嘅時候，應該避嫌，請其他管理員幫手。
• 第四，閣下自己承認，已管理員嘅身份去阻止進一步嘅討論，呢個係唔可以接受嘅。一方面限制其他用家嘅權利，係錯誤使用管理員權力。

你當然可以唔同意啦，不過你都可以考慮去問下其他管理員嘅意見。講完。--WikiCantona (傾偈) 2022年5月15號 (日) 09:25 (UTC)

等咗一個月，換來嘅係咁嘅質素嘅回覆，有啲失望。

• 兩次反轉無畀原因，因為我expect一個智商無缺陷嘅人會理解呢兩次刪走頭牌嘅原因，可惜閣下又一次刷新我對粵語維基人智商多樣性嘅理解。
• 已經講到口臭，維基並唔係所有嘢都要經過討論先做得。雪球原則唔適用，咁咪討論囉，但係你講嘅係「「事實亦都證明，你依家都畀唔到任何理據去支持用短名」點解你唔將呢句嘢放落個篇文討論度啦？係咪下下都要人追問你點解你先至答？你有冇尊重呢個文章討論嘅機制？」指責我喺一開始唔進行討論，就真係難以理解啦。
• 第三第四，更加無從稽考。我並無用管理員嘅身份去阻止進一步嘅討論，我刪走「move模版」嘅時候並無用任何管理員嘅權力。我要求閣下對呢一次嘅誣告道歉並收回言論。

@Deryck Chan、Shinjiman、Dr. Greywolf、H78c67c、SC96：@特克斯特、Detective Akai、Sun8908、路克天行者：呢位用戶嘅言行對我已經造成騷擾，希望幾位可以加入討論，解釋返清楚成件事畀佢聽。我認為呢位用戶濫用「管理員濫用權力」呢一個點去攻擊本用戶，表示難以理解，更加對呢位用戶連理解政策嘅基本能力都無但係又做到管理員，覺得難以理解。 ——Z423X5C6（傾偈） 2022年5月15號 (日) 11:16 (UTC)

太好，各位，本來想有善咁樣，私下指出 Z423x5c6 佢嘅問題。佢完全唔聽之餘。反指我。真係無奈。 WikiCantona (傾偈) 2022年5月15號 (日) 11:44 (UTC)

重新釐清返件事：

1. WP:標題習慣#人名 5.歐美人 已經講明：「重有，如果有全名嘅就記得用返佢嘅全名。」
2. Special:Diff/1785150（Detective Akai 搬版 澤連斯基 去 沃諾迪米爾·澤連斯基：有個烏茲別克前第一書記兼領導人叫伊薩克·澤連斯基）係合理做法。
3. Special:Diff/1800463（WikiCantona 搬版 禾羅迪美·澤連斯基 去 澤連斯基：未有撞名，講「澤連斯基」就係而家嘅烏克蘭總統，用原作者意思）係錯誤做法。
4. Special:Diff/1803318 WikiCantona加入move模，係無意義，係無可能搬返去「只用姓」嘅標題。
5. Special:Diff/1804388 雪球原則，刪去move模。
6. Special:Diff/1804537 WikiCantona無任何解釋，加返move模。
7. Special:Diff/1804556 Revert[AGF]再次刪去move模。

用戶User:WikiCantona可以話係「有口話人無口話自己」嘅典範。話我「閣下做咗兩次反轉，兩次都冇畀原因（直至質問先至候補）」，但其實自己喺反轉嘅時候都係唔解譯架！各位看官你話搞笑唔搞笑？

「一方面限制其他用家嘅權利，係錯誤使用管理員權力。」毫無理由咁誣衊我「錯誤使用管理員權力」，畀唔到任何證據又唔道歉，原來呢啲就叫「有善」（the typo is from WC）！各位看官你話搞笑唔搞笑？ ——Z423X5C6（傾偈） 2022年5月15號 (日) 12:54 (UTC)

• 「其實自己喺反轉嘅時候都係唔解譯架！」你係咪擘大隻眼講大話，我畀咗理由。
• 你對個名點樣叫法一早有諗法，有觀點，之後嘅操作你應該避嫌（第三點）。
• 即是佢冇用管理員嘅權限，係佢自己講㗎:「...管理員嘅身份...嘅一舉一動比普通用戶應該更加符合維基百科政策」，「阻止進一步嘅討論」點樣加符合維基百科政策？！
• 「expect一個智商無缺陷嘅人」呢啲說話，我好懷疑管理員係咪應該咁講？！ WikiCantona (傾偈) 2022年5月15號 (日) 13:05 (UTC)

  @WikiCantona：

  • Special:Diff/1804537理由喺邊度，請解譯。
  • 閣下對個名點樣叫法都係一早有諗法，有觀點。根據閣下嘅邏輯，你都應該避嫌。
  • 建議閣下睇清楚上邊嘅討論，唔好鬼打牆不斷喺同一個問題上重複又重複，浪費大家時間。
  • 我係真心expect一個智商無缺陷嘅人能夠理解我刪模版嘅做法，當然，我呢個expectation可能係唔啱嘅，無所謂架，咁咪大家攞出嚟講囉～ ——Z423X5C6（傾偈） 2022年5月15號 (日) 13:10 (UTC)

  • 見 喺討論版講出理由。
  • 避嫌，冇錯我唔再一次反轉閣下，只係你嘅 Talk page 上面要求解釋。
  • 真心又好假意又好，維基百科有太多新仔新用家，可能閣下嘅 expectation 可能有調整嘅空間。 WikiCantona (傾偈) 2022年5月15號 (日) 13:18 (UTC)

    埋嚟睇睇 自己開嘅文，一有人搬就反轉+保護。咁嘅人教我避嫌，各位看官你話搞笑唔搞笑？ ——Z423X5C6（傾偈） 2022年5月15號 (日) 13:45 (UTC)

    閣下加入維基都十五年幾啦，唔好再用新用家嘅標準嚟要求自己，好唔好？ ——Z423X5C6（傾偈） 2022年5月15號 (日) 14:26 (UTC)

    當然啦。你講嘅一篇，係 2018年，閣下都未加入啦。 WikiCantona (傾偈) 2022年5月15號 (日) 15:44 (UTC)

    閣下嘅意思，係我喺2018年未加入，所以無資格評論？ ——Z423X5C6（傾偈） 2022年5月15號 (日) 15:46 (UTC)

    當然唔係啦，呢度係自由嘅地方。當時做嘢，有我嘅理由，你家下睇落好唔妥，你可以繼續擺番啲嘢出嚟講，冇問題，不過唔好為咗嗌交而嗌交就好。我亦相信其他人講，閣下係真正為維基百科好嘅。 WikiCantona (傾偈) 2022年5月15號 (日) 15:53 (UTC)

    你估我好想同你嗌交？你有你嘅理由，好啊，講出嚟聽下？如果真係有你嘅理由點解唔講出嚟等大家聽聽？唔需要講咩「我亦相信其他人講，閣下係真正為維基百科好嘅。」呢啲冠冕堂皇嘅說話。我嚟粵維編輯、管理唔係為咗任何人。 ——Z423X5C6（傾偈） 2022年5月15號 (日) 18:43 (UTC)

    我真係冇心同你嗌交喎。成件事都係議事論事。首先閣下冇必要將（我嘅）留言都剷走埋，如果你覺得自己冇錯嘅話。

    呢件其實係一件小事，做嘢唔講明原因，反而將自己嘅不足，講成人哋嘅無知。

    但係有啲大原則（e.g. 中文化粵維）唔可以讓嘅，好似喺個名加點同簡潔命名原則。Gabriel García Márquez 嘅討論之中，本人講咗加點嘅譯名係唔可以接受。閣下就搬佢去「比利耶·加斯亞·馬紀斯」，你究竟係有心搵交嗌啊，定係針對我本人呀？

    「管理唔係為咗任何人」你嘅意思係？講嚟聽下？ WikiCantona (傾偈) 2022年5月16號 (一) 02:28 (UTC)

    唔係我覺得自己有無錯，而係你畀嘅時間線係錯嘅，有誤導性。除非你能夠重新梳理正確嘅時間線，否則我係唔會畀呢啲垃圾資訊留喺我嘅用戶討論版上邊。

    中文化粵維係乜嘢？係閣下自己定義出嚟，上綱上線嘅「罪名」？你唔接受加點嘅譯名，請問你係邊位？粵維新任皇帝？無任何理據，一句你唔接受就唔可以用，咁你咪好威？

    Gabriel García Márquez，主流共識係用全名嘅譯名，並唔係用西文名。如果你搵到紀錄呢篇文係唔用點嘅話，ok無問題，我會尊重返君子協定，但係用西班牙名原名並唔係共識。 ——Z423X5C6（傾偈） 2022年5月16號 (一) 06:02 (UTC)

    都話咗你係想搵交嗌㗎啦，我冇上綱上線，亦冇畀咩罪名你，只係以事論事唧。我亦都唔係邊個，只係一個盡力想搞好粵文維基百科嘅用家，雖然你冇講過，我亦都相信你都想搞好百科嘅。下一句唔接受用空格，我亦都接受啦，我尊重你係一個編輯嘅意見，你反而就偏偏同我踩我底線，閣下尊重其他人嘅能力，我真係好懷疑，叫人「老而不」... 希望你唔好以為大家唔出聲，就當冇事先得㗎。

    Gabriel García Márquez 嘅三個人討論，何來主流共識？如果閣下唔知道一向用之有效嘅解決方法，冇共識用原名。 WikiCantona (傾偈) 2022年5月16號 (一) 11:13 (UTC)

    既然無上網上線，咁解釋咩係「中文化粵維」啦。自己撻個term出嚟就可以安落其他人度？我睇唔到你尊重人嘅能力喎。唔好求其講三個字「大原則」就可以好高大上咁過到骨，詳細解釋吓乜嘢係「中文化粵維」，我做咗啲乜嘢係喺度「中文化粵維」，「中文化粵維」違反咗乜嘢政策。依家係你喺度踩緊我底線，唔係我踩你底線。 ——Z423X5C6（傾偈） 2022年5月16號 (一) 11:21 (UTC)

    閣下都幾官僚喎。閣下梗係唔知，當年粵文維基，最初日日俾人質疑我哋嘅存在價值嘅時候，你可能嗰時仲係用緊語體中文上課，對你嚟講，係陳年舊事。「中文化粵維」粵文維基啱啱發展嘅時候，好多嘢會成個吸過嚟，有人將成篇中文維基百科嘅「條目」抄過嚟，我日日都唔知要執幾多，我同其他用家用好多心機，將一啲用字盡量粵語化，「條目」叫「文」；「消奇異」叫「搞清楚」；中文維基用點格號分名，傳統粵語唔用。有用家不知不覺，或者有心咁樣，將中文維基用緊嘅方法偷偷地放入嚟。

    如果閣下認為粵文維基同中文維基有相當嘅分別嘅話，你亦應該諗吓分別係乜？你亦都可能對粵文維基百科有啲願景，或者係粵維應該更加或者謹守政策。如果有分別係唔重要嘅話，粵文維基真係有咩存在嘅價值呢？

    你點諗，我冇所謂，我有所謂嘅就係你係咪好公平咁樣執行到，呢度冇一個大佬或者話事人，人人平等。 WikiCantona (傾偈) 2022年5月16號 (一) 11:48 (UTC)

    搞笑囉，麻煩你又要解釋吓我點樣官僚法啦。

    至於所謂中維粵維分別，我諗你又講遠咗啦，一直講緊嘅係可唔可以淨係用姓嚟代表一個（外文）人。睇嚟你就真係捉錯用神啦，又講咗去分隔號加唔加點嗰邊。 ——Z423X5C6（傾偈） 2022年5月16號 (一) 12:43 (UTC)

    官僚就係淨係根據一啲規矩做嘢嘅人，枉枉係唔睇情況。

    • 「阿Sir咁做嘢，有啲唔妥啵？」
    • 「阿Sir做嘢使乜你理！」
    • 「嗱，呢啲呢啲理由呀。」

    （以上純粹係設計對白，與真實情況未必有關係，得啖笑咋）如果 offend 到你，sorry 先 ;-)。

    中維粵維分別，可能遠咗啲，本人留喺度咁耐，都要有啲 commitment 嘅。

    腦細，家陣係加名加名同點隔號嘅用法，炒埋一碟，加名就好似一定要加多點。 WikiCantona (傾偈) 2022年5月16號 (一) 18:27 (UTC)

    你呢啲咪上綱上線囉，加點就話人係中維做法。 ——Z423X5C6（傾偈） 2022年5月16號 (一) 18:35 (UTC)

    又講返歷史啦。2014年之前，粵維啲文都傾向唔用點，之後有位「大俠」出現，努力加點，改點，之後先至有君子協議嘅出現。果時唔似得而家咁，十足個北部鎮仔（wild west），唔似得而家咁，冇乜啲咁快刀斬亂麻，唔怕俾人話 SysOps 㗎，Hea Hea 地，得閒就有啲「中文」友過放下毒。有時間再講。 WikiCantona (傾偈) 2022年5月17號 (二) 01:06 (UTC)

• 其實我都要多謝你哋（真心嘅）。我之前做嘢真係有好多可以抽秤嘅地方，家陣嘅要求同之前好唔同。你係近期最勤力嘅管理員，即使同你觀點極度唔同，我亦都希望係可以嘅範圍之內提醒你，你接唔接受，隨便你，你可以睇吓其他人點睇。--WikiCantona (傾偈) 2022年5月15號 (日) 13:54 (UTC)

  @WikiCantona：唔係你話破壞就係破壞。除非你寫返啱條時間線，如果唔係我唔會畀佢留係我嘅user talk page上邊。——Z423X5C6（傾偈） 2022年5月16號 (一) 05:54 (UTC)

  我條時間線好清楚，你如果夠膽就同我討論啦，唔使刪咗啲嘢。

  我最欣賞閣下嘅就係，唔係死守住啲 rules，啱用嘅時候，唔俾人轉名（Joe Biden）就話人破壞，唔好細路仔鬥氣啦，清楚咁講出黎囉。

  如果你唔出聲嘅話，我會加返落去啊。注意呢個唔係你嘅私人討論版。唔啱聽，遮住 自己嘅細錯處就整走佢，唔使諗住自己可以做咗管理員，就要做「聖人」先得㗎，做錯嘢閑時嚟嘅啫。慢慢講。 WikiCantona (傾偈) 2022年5月16號 (一) 11:24 (UTC)

  搞笑囉，整條錯嘅時間線出嚟，夠膽同我講「你如果夠膽就同我討論啦，唔使刪咗啲嘢」，逼我落你面，我唯有奉陪囉。

  當中你喺時間線刻意隱瞞Detective Akai已經開咗 伊薩克·澤連斯基 嗰版，試圖淡化自己犯嘅錯。

  「唔使諗住自己可以做咗管理員，就要做「聖人」先得㗎，做錯嘢閑時嚟嘅啫。」成句畀返你。 ——Z423X5C6（傾偈） 2022年5月16號 (一) 11:33 (UTC)

  補反解釋你所謂嘅「遮住自己嘅細錯處就整走佢」。嗰單嘢因為已經由SC96解決咗，Rainpong亦都話呢個留言當做溫馨提示，既然無需回應我將佢Archive都係合理，我亦都無整走佢，相關紀錄仍然喺User talk:Z423x5c6/2022睇到。你又屈咗我一次。 ——Z423X5C6（傾偈） 2022年5月17號 (二) 06:00 (UTC)

件事

• Special:Diff/1785150（Detective Akai 搬版 澤連斯基 去 沃諾迪米爾·澤連斯基：果一刻（2022年2月27號 (日) 22:08）‎未有撞名）（Detective Akai 冇討論，冇掛 move 牌）。
• Special:Diff/1785160（Detective Akai開版 伊薩克·澤連斯基 2022年2月27號 (日) 22:26‎ ，相隔只有18分鐘）
• Special:Diff/1800463（WikiCantona 搬版 禾羅迪美·澤連斯基 去 澤連斯基：未有撞名，講「澤連斯基」就係而家嘅烏克蘭總統，用原作者意思）呢一刻 伊薩克·澤連斯基 已經開咗版個幾月。
• Special:Diff/1803318 WikiCantona 加入 move 模，無畀原因
• Special:Diff/18004841WikiCantona 開討論頁講原因
• Special:Diff/1801180（Z423x5c6 搬版 澤連斯基 去 禾羅迪美·澤連斯基 而喺跳轉之上：有撞名情況，User:WikiCantona如有意見請先開討論），討論頁已開。
• Special:Diff/1804388 Z423x5c6 刪 move 模，當時未有提出原因。
• Special:Diff/1804537 WikiCantona 加返 move 模，無畀原因
• Special:Diff/1804556 Z423x5c6 刪去 move 模 當時未有提出原因。
• Special:Diff/1804560 WikiCantona 要求解釋，點解刪除 move 模
• Special:Diff/1806710 Z423x5c6 話係使用雪球原則。
• Special:Diff/1806825 Z423x5c6 自己承認阻止進一步浪費時間嘅討論。

啱啱睇到呢個討論。其實我唔係咁同意用「雪球原則」，畢竟冇一個好清晰嘅近日討論共識話一定唔可以搬返去《澤連斯基》。但係而家篇文已經有一個 {{move}}，User:WikiCantona堅持加多一個move模呢件事有啲戇居... Move模可以唔指明搬版目標，叫其他編者自己去傾偈版睇提案架... 翹仔 (傾偈) 2022年5月15號 (日) 23:36 (UTC)

堅持加多一個 move 模可能戇居，事實係兩個 Move 模有指明搬版目標。重點係 @Z423x5c6 移走第一次唔講理由，都算啦，第二次都有係咁，要人問先講個「雪球原則」（亦係唔適合嘅原則）。之後仲要話「expect一個智商無缺陷嘅人」都知佢做乜？自己做嘢唔妥，仲要人做佢心裏面條蟲，知道佢諗乜。唔係蘤？！ WikiCantona (傾偈) 2022年5月16號 (一) 02:00 (UTC)

@Deryck Chan：多謝你嘅意見！有關討論共識，最近其實已經有好多關於用全名嘅討論，我亦都多次援引WP:標題習慣，指出係有政策要求有全名嘅話係要用全名，而反對嘅意見大多都只係用「粵維習慣出名嘅人可以用姓做標題，例如愛因斯坦」嚟做反駁。姑勿論最後結果係點（已經有人提出愛因斯坦都要搬），我喺呢度提出「我認為禾羅迪美·澤連斯基明顯唔可以搬返去澤連斯基」嘅理由：

1. 唔好話就咁澤連斯基，淨係澤連斯基 (政治人)都有兩個
2. 禾羅迪美·澤連斯基係咪真係做到「家喻戶曉，係人都識佢」嘅級數？我哋可以橫向比較吓，一啲「大家都覺得無乜爭議好出名可以用姓做標題嘅人」（註：我唔支持用姓做標題，呢到只係想講出名程度嘅論點）：
   1. 愛因斯坦，物理學嘅巨人，奇蹟年四篇文每篇都幫現代物理學奠基
   2. 牛頓，物理學、數學，為牛頓力學奠基，發明微積分
   3. 安徒生，全世界都睇佢嘅童話故事

   我哋睇返澤連斯基嘅粵維文章：佢領導烏克蘭抵抗，令佢成為國際紅人，對抗入侵嘅代表人物。可能我才疏學淺，兩耳不聞天下事，但係就算睇埋英維，佢都係近年先至開始出名，點睇都唔似係可以霸咗成個姓嚟用。

3. 講反WikiCantona，佢喺2022年4月4號搬版 禾羅迪美·澤連斯基 去 澤連斯基 ，理由係「未有撞名」。事實係當時伊薩克·澤連斯基早已開版，WikiCantona搬版嘅理由完全唔成立。

基於以上三點，我其實已經覺得WikiCantona嘅行為有騷擾甚至搞破壞嘅意味，不過喺AGF嘅原則下我唔出聲，點知被人打蛇隨棍上，話反我轉頭，真係無奈。 ——Z423X5C6（傾偈） 2022年5月16號 (一) 07:00 (UTC)

@Deryck Chan「WikiCantona嘅行為有騷擾甚至搞破壞嘅意味」，想笑大我個口！係 Z423x5c6 佢唔理 Detective Akai 改名一下就來，冇討論，冇掛 move 牌，未有共識就搬版。我過嚟改正個情況，Z423x5c6 不分青紅皂白，到呢一刻佢都唔明。（睇 talk:禾羅迪美·澤連斯基）。 第二，冇點加點，睇反原作者開嘅文，絕大部份冇用點。

要清楚嘅係，Z423x5c6 可以大大聲聲講，冇寫明一定要討論，掛 move 牌。討論，搵共識，之後先搬，係基本啦，而早排度草擬緊搬板嘅規矩。無奈嘅我之眞。 WikiCantona (傾偈) 2022年5月16號 (一) 17:46 (UTC)

係你解釋到你刻意隱瞞時間線之前，唔會再作其他回覆。 ——Z423X5C6（傾偈） 2022年5月16號 (一) 18:38 (UTC)

你唔回應，係咪表示，唔通覺得 Detective Akai 改名嘅做法冇問題呢？ WikiCantona (傾偈) 2022年5月16號 (一) 19:04 (UTC)

怕咗你喇，次次你都要討論 last word，所謂「刻意隱瞞時間線」呢項，Special:Diff/1785160，你之前嘅「重新釐清返件事」都冇，只係「有個烏茲別克前第一書記兼領導人叫伊薩克·澤連斯基）係合理做法」喺我嘅嗰度冇寫唧，原因係呢個做法根本就唔合程序，即係同 irrelavent，之前係講緊你冇溝通，拎就 move 模。我發起討論你又唔理我啦，仲之後叫人去討論，莫名其妙。你寫你嘅觀點，我寫我嘅觀點，咁咪叫刻意隱瞞？！我又冇將你嘅一段改咗，相反你又改我嘅留言，你都幾雙重標準㗎喎。 WikiCantona (傾偈) 2022年5月17號 (二) 00:41 (UTC)

澤連斯基有撞名問題，Akai自己亦都幫手開埋伊薩克·澤連斯基，將澤連斯基搬去禾羅迪美·澤連斯基本來就係冇問題。夾硬搬返返去澤連斯基要人討論，呢啲就係正宗嘅官僚作風。

我亦都無改你嘅留言，只係將失實嘅言論成段刪除，留意返。 ——Z423X5C6（傾偈） 2022年5月17號 (二) 06:04 (UTC)

依家好明顯係有兩個人叫「澤連斯基」，撞咗名，如果淨係用姓會令他人混淆唔知指緊邊個澤連斯基，所以有必要用全名。 Akai 博士 (傾偈) 2022年5月19號 (四) 14:00 (UTC)

少少回應：

• 我認為WP:雪球原則喺呢個討論唔啱用，因為而家嘅烏克蘭總統嗰篇文應該擺喺咩題目，冇正式結過案。
• 上面成堆有關用姓做標題、仲有邊個叫澤連斯基，應該去Talk:禾羅迪美·澤連斯基講而唔係呢度。
• 我覺得你哋兩個管理員為咗一個 {{move}} 模可以搞到互相指控對方破壞，好小學雞... 不如我哋返去Talk:禾羅迪美·澤連斯基集中討論丫。如果我哋對WP:標題習慣嘅應用有矛盾，亦建議放膽改或者去WP:VPP/WT:標題習慣集中討論，而唔係用戶討論頁。翹仔 (傾偈) 2022年5月18號 (三) 12:51 (UTC)

@Deryck Chan：好笑，如果唔係有人用「請解釋」呢種無禮語氣做標題喺我talk page質問、指責我，你覺得我會浪費時間回應？小學雞。我要求impose Interaction ban，禁止呢一類無意義嘅討論。簡直係嘥我時間。 ——Z423X5C6（傾偈） 2022年5月18號 (三) 13:01 (UTC)

另外都提醒返，你以上用「小學雞」嘅字眼有相當嘅攻擊性，唔建議閣下再用類似嘅字眼。閣下身為「事務員」，理應以身作則，作個好榜樣。 ——Z423X5C6（傾偈） 2022年5月18號 (三) 13:03 (UTC)

「建議放膽改或者去WP:VPP/WT:標題習慣集中討論，而唔係用戶討論頁」，好似係WikiContona響Z423X5C6討論頁留言先。 Akai 博士 (傾偈) 2022年5月19號 (四) 14:03 (UTC)

建議@翹仔最好搵多啲時間，研究點樣規限化新晉啲粵維黨團花花世界 Longway22 (傾偈) 2022年5月31號 (二) 03:30 (UTC)

多謝你參加執文大行動

第三屆執文大行動

Z423x5c6：

多謝你報名參加執文大行動！根據你嘅貢獻，你已經完成今次活動！恭喜哂！

最後，對唔住今次活動宣佈結果遲咗，亦多謝你對活動嘅支持同貢獻，希望下一屆嘅活動你可以繼續參加。如果有咩野意見或者問題，可以去到本次活動嘅討論頁提出。

通知你嘅係：Akai 博士 (傾偈) 2022年4月21號 (四) 15:01 (UTC)~~~~

Legal threats

作出 legal threat 嘅編者，一般係會被無限期封鎖嘅。en:WP:LEGAL H78c67c·傾偈 2022年4月23號 (六) 02:43 (UTC)

@H78c67c：多謝提醒，不過嗰個係新仔，我封三日先。如果唔係嗰啲老而不又喺到嘰嘰趷趷「佢係新手喎，係咪應該畀個機會人呢？」。佢再犯就會用更嚴厲嘅手段處理。 ——Z423X5C6（傾偈） 2022年4月23號 (六) 06:12 (UTC)

安東奈拉·薩爾武奇

Hello and thank you for your timely intervention. I ask you a courtesy, would you like to expand and write at least a few more lines in Cantonese? right and no more than 10 minutes of your precious time, then come to me and I will translate what you like best. I am available for your request. sure of your positive feedback, I greet you and thank you.--Luigi Salvatore Vadacchino (傾偈) 2022年5月24號 (二) 13:17 (UTC)

@Luigi Salvatore Vadacchino：Hi. Sorry I do not know this actress and I am not good at writing biography. However, I have a little trick about simplified/traditional Chinese that you may find useful. You can use google translate, set the input language as simplified Chinese and the output language as traditional Chinese. This could give a quite accurate translation from simplified Chinese to traditional one. ——Z423X5C6（傾偈） 2022年5月24號 (二) 13:27 (UTC)

Report concerning user St Louis School

St Louis School (留言 • 貢獻 • Louis School 移動 • 封人 • Louis School 封人記錄) this user's username implies shared use and also vandalized recently, could you block him. Thanks in advance.--PAVLOV (傾偈) 2022年5月28號 (六) 11:05 (UTC)

呢名用户St Louis School (留言 • 貢獻 • Louis School 移動 • 封人 • Louis School 封人記錄)嘅用户名暗示机构使用，且喺破坏，能封禁佢咩？万谢!（translated by machine） PAVLOV (傾偈) 2022年5月28號 (六) 11:09 (UTC)

@PAVLOV： Thank you for reporting such situation and s/he is already blocked by another SysOp Dr. Greywolf. Many thanks. ——Z423X5C6（傾偈） 2022年5月28號 (六) 12:32 (UTC)

Thanks a lot for the actions and mention! PAVLOV (傾偈) 2022年5月28號 (六) 12:33 (UTC)

送個星章畀你！

	評文星章
	唔該嗮你努力幫手評文。🫶 :) Dr. Greywolf (傾偈) 2022年6月7號 (二) 12:49 (UTC)

多謝你寫咁多有質素嘅文就真！ ——Z423X5C6（傾偈） 2022年6月7號 (二) 12:52 (UTC)

你知唔知更新

喺2022年6月27號，頭版嘅你知唔知？專欄已經換咗畫喇。你新寫或擴寫篇文章「炙愛」嘅事實獲選亮相。篇文喺頭版出現嗰陣，你可以不妨去睇下有幾多下點擊 （睇下點做、實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有19篇文章喺呢欄度亮過相。

--Shinjiman ⇔ ♨ 2022年6月27號 (一) 01:57 (UTC)

關於Linux發行版 嘅反轉

係特登㗎。merge咗篇文去Linux，始終篇文講到Linux呢個字包埋發行版嘅用法。麻煩睇睇再考慮下個redirect吖。 — windowsboy111 (傾偈) 2022年7月18號 (一) 08:34 (UTC)

@Windowsboy111：你好，唔好意思直接反轉咗你嘅編輯。我嘅考慮係見到「Linux發行版」喺中、英維都有文，而且篇文都唔短，所以先取消咗個redirect。好老實講我唔識呢個topic，所以你會唔會得閒睇吓有無得參考吓其他語言版本，加長「Linux發行版」？如果你嘅最後決定都係merge過去Linux，我亦都尊重你嘅決定。 ——Z423X5C6（傾偈） 2022年7月18號 (一) 08:43 (UTC)

坦白講我原本都唔知點好：Linux度list曬啲發行版（嘞，上一手留低㗎），照計應該係Linux發行版嘅嘢嚟嘅。噉我將嗰part搬返去Linux發行版啦。（笑） — windowsboy111 (傾偈) 2022年7月18號 (一) 09:01 (UTC)

可以用撮要風格。完整嘅表擺喺 Linux發行版，將部分重點放入 Linux嘅 Linux#發行版 一段到。 ——Z423X5C6（傾偈） 2022年7月18號 (一) 09:05 (UTC)

你知唔知更新

喺2022年8月18號，頭版嘅你知唔知？專欄已經換咗畫喇。你新寫或擴寫篇文章「8355方法」嘅事實獲選亮相。篇文喺頭版出現嗰陣，你可以不妨去睇下有幾多下點擊 （睇下點做、實時去睇、每日總計）。最後，如果你日後見到得意益智嘅新文章之事實，請你喺「你知唔知？」對話頁度推舉。夾埋呢篇，你總共有20篇文章喺呢欄度亮過相。

--Shinjiman ⇔ ♨ 2022年8月18號 (四) 00:45 (UTC)

送杯珍珠奶茶畀你！

多謝你支持我做管理員，我會繼續努力服務粤維社群。大家一齊加油！ Akai 博士 (傾偈) 2022年9月23號 (五) 12:43 (UTC)