Talk:舒拉寶娃

第一次改名討論

反對改名，太出名。--WikiCantona (傾偈) 2015年2月2號 (一) 14:58 (UTC)

第一，「莎拉波娃」既唔係原創譯名，又唔係病毒音譯名，而且同「舒拉寶娃」相比，「莎拉波娃」明顯更接近原文；第二，喺廣東乃至部份海外粵語區，「莎拉波娃」同「舒拉寶娃」嘅知名度不相上下。【粵語文學大使殘陽孤侠】支持全面中止IP用戶編輯權 2015年2月4號 (三) 02:30 (UTC)

（註：呢篇文創立時係叫「舒拉寶娃」，但到咗2015年2月2號，Cedric tsan cantonais（殘陽孤侠）無啦啦話：「我唔知道『舒拉寶娃』係焉個先譯出來嘅，但係爾個名係病毒音譯名嘅概率高達百分之85。另外，俄文同白俄文係唔用拉丁字母嘅，要抄人名起碼都應該抄啲基里爾字母返來。」而要搬版。以上嘅討論係傾呢件事。）-Cangjie6 (傾偈) 2021年8月22號 (日) 21:54 (UTC)

第二次建議：搬去瑪莉亞·莎拉波娃

我呢次提出搬係解決上面嘅尊港抑粵問題。要將Sharapova改譯做莎拉波娃係因為「舒拉寶娃」個「舒」同「寶」字同原音唔似，加上「莎拉波娃」四個字嘅讀音同廣州音唔係差好遠。假設WIKICANTONA話舒拉寶娃太出名嘅話，噉我哋廣州電視台叫嘅「莎拉波娃」唔出名啊（大佬，電視台講嘅都係粵語，都係講「莎拉波娃」個名）？吓？真係離嗮祖宗120代譜，廣州都係講粵語㗎。好唔好？呢個WIKICANTONA，下次過嚟睇廣州電視台喇。（PS: 呢個問題上次我喺育謝·瓜迪奧拉已經搞咗鑊喇）

另外，出面大多數維基都係用全名，點解唔用全名？ --WKDx417 (傾偈) 2015年9月6號 (日) 06:11 (UTC)

對「莎拉波娃」冇乜意見，但對你嘅用語有啲意見。一嘢就話「呢個」WIKICANTONA，唔該寫嘢留意下自己啲態度。另外，而家大把外文嘅人名點譯都未傾得埋，咁急住用全名為乜？早一排喺Talk:冼拿建議整人名對照表，你都有回應嘅，但之後又點？SC96 (傾偈) 2015年9月6號 (日) 12:31 (UTC)

其實喺我嘅個人頁整嘅譯名係經過查過Omniglot，又搵過牛津辭典（有啲甚至查過iciba，weblio同References.com）之後再根據粵語發音而搞個譯名上去。但由於我寫緊嗰版嗰陣，又一大堆唔識發音規則啲人亂咁畀埋嗮啲亂七八糟嘅譯名上去，實在頂唔順先至喺新開嘅文出手搞。--WKDx417 (傾偈) 2015年9月8號 (二) 02:08 (UTC)

「莎拉波娃」譯名荒謬，之前搬版欠妥

1. 粵語嘅文章、影片，用「舒拉寶娃」嘅遠超用「莎拉波娃」嘅。
2. 點解譯「舒拉寶娃」，英文讀出來咪「舒拉寶娃」咯，條友7歲就喺美國大，喺美國出道、起名，按英文讀法來譯點解唔得？
3. 搬版之前嘅情況：
   1. 喺香港、美加澳，媒體用舒娃遠超莎娃。
   2. 喺廣東，講莎娃、舒娃嘅廣東人都有？（我估有掛，不過我就從來冇見過廣東人講莎娃。）
   3. 2013年開版係舒拉寶娃。

即係篇文標題有爭議。有爭議嘅情況底下，根據第3.1、3.2嘅事實，係冇迫切必要改名做莎娃，憑乜嘢2015年改咗佢？

我要求反轉呢一次唔合理嘅搬版。--Roy17 (傾偈) 2018年7月9號 (一) 21:30 (UTC)

反對。因為上邊Cedric兄話咗「莎拉波娃」明顯更接近原文發音，加上係常用名。而家「莎拉波娃」喺廣州電視台啲新聞節目成日講到（幾年前啲新聞都噉譯）。--PQ77wd (傾偈) 2018年7月10號 (二) 05:01 (UTC)

• 喺有爭議嘅情況底下，亦冇非搬不可嘅理由，搬版係咪合理？唔合理嘅係咪可以夾硬搬，既成事實就唔改返轉頭？不嬲中國大陸電視台嘅譯法係不能作音譯參考，否則Theresa May係咪特蕾莎梅，Donald trump係咪唐納德特朗普，Gorbachev係咪戈爾巴喬夫？--Roy17 (傾偈) 2018年7月10號 (二) 07:59 (UTC)

我講嘅係粵語嗰啲電視台嘅譯法。喺廣東地區，廣州、佛山、江門、中山、東莞嘅電視台同縣級嘅台山台、電白台一樣都有粵語廣播。唔該。至於夾硬改成唔啱音嘅普通話譯名（例如朗拿度改罗纳尔多、羅賓奴改羅比尼奧、蘇金寶改索爾坎貝爾、華倫西亞改瓦倫西亞呢啲……）我係絕對反對嘅。--PQ77wd (傾偈) 2018年7月12號 (四) 03:36 (UTC)

你講嘅嗰啲電視台，又係唔係用粵語廣州音嚟讀出「罗纳尔多」、「羅比尼奧」先？如果係嘅，即係佢哋根本就係照搬北語譯法過嚟然後用粵音唸出，咁啱「莎拉波娃」用粵音讀出嚟都係譜內，但唔代表嗰啲電視台係本身基於粵音嚟譯喎。Cangjie6 (傾偈) 2021年8月22號 (日) 21:34 (UTC)

• 你又來講d唔講d，揀論據？廣東嘅電視台唔係大陸電視台？自己都識講d譯名有錯，所以未不嬲都唔可以作證咯。唔通瑪麗亞莎拉波娃對上塞雷娜·威廉姆斯嘅時候，莎拉波娃就可以用來做啱音嘅例子，噉瑪麗亞、塞雷娜、威廉姆斯呢三part呢？噉講法特蕾莎梅都啱三個字啦，瓦倫西亞都啱三個字啦。--Roy17 (傾偈) 2018年7月12號 (四) 10:40 (UTC)

你又好似理解一半噉。塞雷娜、威廉姆斯呢兩part絕對係普通話音（因為普通話冇閉口音而出現「姆」字（碧咸已經係個版，普通話譯「貝克漢姆」），「塞雷娜」三字完全唔似粵語音）。起碼冚唪唥字都要似粵音先至得啦。--PQ77wd (傾偈) 2018年7月13號 (五) 11:04 (UTC)

支持用舒拉寶娃。--203.218.26.160（討論） 2018年7月10號 (二) 05:02 (UTC)

請注意：上邊個IP黨唔符合資格（因為得1次編輯記錄），若果呢種情況喺中維或英維，投票唔算數，因為爾種情況會好易懷疑係襪公仔。--PQ77wd (傾偈) 2018年7月10號 (二) 06:16 (UTC)

• 支持「舒拉寶娃」。廣東話唔分 s / sh 音，所以「舒」係就 sh，「莎」係就 a，好難話邊個啱啲。香港講波人慣用「舒拉寶娃」，所以我覺得用呢個譯名好啲。但如果廣州人慣用「莎拉波娃」，我唔強烈反對。翹仔 (傾偈) 2018年7月10號 (二) 11:45 (UTC)
• 我之前講咗反對。做第二次就當我冇到，講嘢態度又有問題，點都會用返「舒拉寶娃」。--WikiCantona (傾偈) 2018年7月11號 (三) 08:51 (UTC)

最初提出用「莎拉波娃」嘅係我。我宜家依然支持「莎拉波娃」，原因唔變：「莎拉波娃」更接近原文「Шарапова」。第一次我提改名嗰陣，我係想慢慢講服其他人先再改名嘅，不過其他人完全唔出聲。第二次提改名嘅唔係我。
至於Roy17話「按英文讀法來譯點解唔得」，我嘅回應係：開講有話「行不更名，坐不改姓」，當英國媒體都學識要跟原文發音來稱呼人（所以睇英文媒體直播世界盃絕對聽唔到「洛迪古斯」）嘅時候，香港媒體（當然，其他地方嘅媒體都時不時有病毒譯名出，不過講到病毒譯名，香港媒體係用得最unapologetic嘅）重死搲住「罷黜百家，獨尊英音」嘅做法，孰是孰非先？【粵語文學大使殘陽孤侠】 2018年7月11號 (三) 23:49 (UTC)

• 聽下佢自己點讀，死搲俄文讀法可以休矣：
  1. YouTube上面嘅YkxumE_wKMA劇集
  2. YouTube上面嘅nveE8iqBBl8劇集--Roy17 (傾偈) 2018年7月12號 (四) 00:08 (UTC)

重耖到個原版讀音：讀音：[mɐˈrʲijə ʂɐˈrapəvə]，包括上邊堆視頻範圍，聽過係/ʃɐ/音，今次又多咗個/ɐ/音理由。睇埋英文維基嘅ɐ音讀法，同粵語嘅「沙」字嘅韻母一樣讀法。--PQ77wd (傾偈) 2018年7月12號 (四) 03:12 (UTC)

/ɐ/係粵語「塞」個元音（用粵拼嚟寫係「a」），而唔係「沙」個元音。「沙」嘅韻母係/a/（用粵拼嚟寫係「aa」），請樓上唔好搞錯個事實。無論係「沙」定「舒」，都一樣有元音褪咗位嘅情況。始終粵語唔係俄語，噉係正路情況，絕對唔係咩「病毒譯名」。Cangjie6 (傾偈) 2021年8月22號 (日) 21:34 (UTC)

我歸納一下，費事你啲人又岔開話題。搬版理由無非係兩樣：

1. 「尊港抑粵」。
2. 莎拉波娃先係啱音，舒拉寶娃係「病毒音」。

第一點從來都唔可以係搬版理由，否則依家豈不是尊粵尊普抑港抑外埠？第二點亦唔成立，舒娃譯法係由英文而來，舒寶兩個字同莎波兩個字亦相去不遠，唔可能以此就話係絕對錯譯。所以 WKDx417 當初冇非搬不可嘅理由就搬版係絕不合理。無意義嘅搬版理應反轉。--Roy17 (傾偈) 2018年7月12號 (四) 10:26 (UTC)

「舒」同「莎」，一個係/y/韻，一個係/a/韻，點算「相去不遠」先？同埋點解打死都唔准跟原音，而一定要跟英音？【粵語文學大使殘陽孤侠】 2018年7月14號 (六) 19:59 (UTC)

• @Cedric tsan cantonais：而家係你地打死都唔准跟英音，而一定要跟俄音，你唔好put your word in my mouth。我針對嘅係，開頭開版用嘅係一個廣泛使用嘅名，亦唔係離行離迾嘅音譯，就唔應該搬。可以通過redirect同喺內文寫清楚嘅手法解決，搬版係搵來搞。乜嘢係離行離迾嘅音譯？譬如貝克漢姆、梅西。--Roy17 (傾偈) 2018年7月17號 (二) 11:21 (UTC)

@Roy17： 我打死都反對跟英音，係因為Шарапова係俄文姓氏。另外，今次已經唔係第一次有人扯埋「貝克漢姆」入來。我喺道再講清楚一次：我判斷應該用焉個譯名，最重要而且加權最大嘅標準係「焉個譯名更接近原文發音」，而唔係「焉個譯名係出自焉個地區嘅譯名」。「貝克漢姆」嘅粵語發音同英文「Beckham」嘅發音，學你話齋，「離行離迾」，自然唔用得。

當初我寫《WP:粵語文字專有名詞翻譯規則》嘅時候，已經講到明係「粵主他從」，即係話要基於漢字粵語發音進行翻譯。我又點會無條件推廣普通話譯名先？今次主張用「莎拉波娃」完全純粹係因為「莎拉波娃」比「舒拉寶娃」更接近「Шарапова」嘅原文發音。【粵語文學大使殘陽孤侠】 2018年7月17號 (二) 16:18 (UTC)

• 噉未就係你哋唔能夠容忍稍為唔同嘅譯法咯，係你哋打橫來，就唔好掉轉頭話人地啦。你只講出莎拉波娃接近d（係咪都仲有得商榷），但係舒拉寶娃都唔係爭好遠呢？爭得遠嘅普遍例子仲有用「奇」來翻譯斯拉夫人嘅名個結尾，普通話係qi，就似佢地發音，粵語kei唔似。但係舒寶同莎波，有冇爭咁遠啊？寫全世界都睇嘅百科全書，唔係寫語言愛好者百科，有一項原則就係盡量使用多人熟悉嘅名，所以開版嗰位會用舒娃。之後冇compelling reason就去搬，係咪搵來搞啊？完全可以用注音、audio file、開一節etymology解決嘅事，走來搬版，為乜？一個喺美國長大美國成名嘅俄國人姓氏就要跟俄文，噉大把歸化美國嘅名人都要改名啦？d德裔美國人個幾代十幾代之前傳落來個德文姓，係咪仲要睇下佢祖宗係低地德語定高地德語來譯？d東歐各國，包括俄國，走咗佬去美國嘅大把，d人冚嘭冷都按祖宗來譯好唔好？拳王阿里之類改咗外國名嘅美國人又唔用返英文譯名？就算爭得遠，講來講去有廣泛知名度嘅名都唔可以用d可能正確但係冇乜人用嘅來取替，否則牛頓係咪要改紐頓，福爾摩斯係咪要改含斯？（如果使用習慣都要拗，我講定先，官話人/媒體用舒娃係有大把，但係粵語用莎娃嘅，除咗大陸d國營電視台之外，就幾難搵到喇。）--Roy17 (傾偈) 2018年7月17號 (二) 16:58 (UTC)

請唔好再將我同PQ77wd媾亂。當初我只係提出改名，執行搬版動作嘅係佢唔係我。

至於「冚嘭冷都按祖宗來譯」我不溜都係主張嘅（不過實際執行起身都可以有少少靈活嘅空間，因此我提出改名主要都係針對爾廿幾卅年以內之前出現嘅病毒譯名，而超過五十年前嘅譯名我好少掂），可以睇下Talk:查拿耶夫兄弟。用「莎拉波娃」係因為啱啱好有個現成又啱音嘅譯名。【粵語文學大使殘陽孤侠】 2018年7月17號 (二) 18:43 (UTC)

• 你噉講，啫係想講你唔贊成搬版啦掛？你就淨係拗譯音問題啫，係咪可以噉講？我嘅point由始至終就係，1. 當初搬版兩條理由（尊港抑粵、惟莎娃準到不能再準而舒娃係非改不可嘅病毒音）唔成立 2.搬版理由唔成立就唔好搬，尤其是一個由常用名搬去非常用名嘅搬版，要還原。拗譯音係冇意義，只需要喺文度插個audio寫條註解搞掂。

有你一句「不溜都係主張嘅」就得喇，請問d即時嘅例，高比拜仁係咪要叫神戶拜仁？Natalie Portman等等以色列人要按希伯來文。Melania Trump斯洛文尼亞文係Melanija，又germanized變成Melania，噉按邊種啊？Charlize Theron個姓，要按南非荷蘭文定奧克文定法文？--Roy17 (傾偈) 2018年7月17號 (二) 19:36 (UTC)

既然你可以反對搬版，我點解唔可以贊成？你可以主張第二條理由唔成立，我點解唔可以主張第二條理由成立？加上我只係話「莎拉波娃」準確過「舒拉寶娃」，而且係咁多個現成譯名當中最接近原文發音嘅譯名。唔想用「莎拉波娃」嘅話都得嘅，整個原創譯名囉。

你提出咁多案例，我就逐個反駁下：

• 「高比」同「神戶」，一個係意譯，一個係音譯，兩者根本係apples and oranges，無可比性。
• 「Melania」同「Melanija」發音幾乎完全一樣，同「舒」「莎」一個/y/韻一個/a/韻，一個後閉圓唇元音一個前開非圓唇元音根本唔係同一種情況。
• 「Natalie Portman⋯⋯要按希伯來文」更加係扯到無雷公咁遠。「Portman」只係人家個藝名，佢本來係姓「פורטמן」（Hershlag）嘅。
• 目前根本無證據證明Charlize Theron個老頭係奧克地區一帶嘅人，點解要用奧克文？

順便講聲：PQ77wd，請你唔好再同我稱兄道弟，我唔想我等原音派嘅聲譽被你搞到夭澌。【粵語文學大使殘陽孤侠】 2018年7月18號 (三) 01:26 (UTC)

（插嘴）「פורטמן」係 Portman 唔係 Hershlag... 翹仔 (傾偈) 2021年7月9號 (五) 13:30 (UTC)

你可以贊成。你或我主張理由成立與否，都冇所謂。關鍵係個理由引起眾人反對。冇compelling reason嘅，說服唔到多數人，就唔可以搬咯。一字咁淺都要人解N次畀你班人聽。

神戶拜仁點解唔按日文發音譯成「高啤」啊，仿美國英文讀高比豈非病毒音？Melanija按斯洛文尼亞文讀同英文Melania點發音幾乎完全一樣啊？最尾一個音會似粵語「也」字。Natalie Portman係藝名，但係要按出世原文譯啊嘛，咪就係佢嘅希伯來文名咯，仲未完嘎，你仲應該考究究竟個姓出自邊度嘅猶太人，東歐/西歐/北非/中東等等。Theron點來唔識就睇多啲資料啦文學大使語言孤俠。--Roy17 (傾偈) 2018年7月18號 (三) 03:07 (UTC)

我冇話過抑港抑外埠（發現Roy好似以為我同Cedric兄想阻礙粵港兩地資訊流通噉啵）。你講到嘅第二點，咪話我，Cedric兄都話唔讚同。因為「舒娃」一譯，講英文而嚟完全係有問題（證明係出自英文？睇埋後邊）。佢係蘇聯人，唔係按英文譯（因為出世嗰時蘇聯未解體）。佢至於變成好似英文發音係1994年移民到美國嘅事喇（文章有提「有保留俄羅斯國籍」，睇埋佢英文版嘅Start of professional training）。英文維基試過有寫「"Sharapova" redirects here. For other uses, see Sharapov (surname).」呢段，再查過Sharapov篇嘢，發現提及到出自突厥語族，俄文Шарапов嘅變形。搵唔搵得出「Sharapova」一詞出自英文？若果係，噉Français、nicht、voux、fútbol、Chine、campioni、gusta呢啲詞已經可以話成英文啦。再拗唔掂嘅，學Eden Hazard噉直接用「Мари́я Шара́пова」原文做標題算喇。--PQ77wd (傾偈) 2018年7月13號 (五) 11:04 (UTC)

呢個討論已經完咗，處理結果：舊規程問題，過咗氣唔使重開。請唔好對呢個歸檔做任何改動。

請撤銷錯誤搬版

可以接受嘅搬版理由，參考en:Wikipedia:Moving_a_page#Reasons_for_moving_a_page。special:diff/962279搬版唔符合任何一條理由，唔啱規矩嘅搬版只會多生事端。我要求還原。--Roy17 (傾偈) 2018年7月13號 (五) 12:57 (UTC)

再一次反對。噉嘅未討論完就提出另一次改名絕對係太快，加上呢度係粵維，唔係英維。自己噉講嘅盞拉低身價。--PQ77wd (傾偈) 2018年7月14號 (六) 03:53 (UTC)

逐點駁斥：

1. 撤銷special:diff/962279嘅荒唐搬版，唔係提出另一次改名。
2. yuewpWP:搬版只係搬版方法說明書，冇列到搬版做法根據。yuewp冇寫嘅規矩，應該參考enwp，yuewp嘅規則絕大部分都係承繼enwp，唔好喺度詐傻亂噏廿四。--Roy17 (傾偈) 2018年7月14號 (六) 04:10 (UTC)

動議忽略 User:PQ77wd 嘅發言

基於下列三個理由：

1. PQ77wd屢次唔就議題（搬版是否恰當）發言，不斷岔開話題。
2. 據PQ77wd本人所講，User:WKDx417係佢嘅舊賬號。佢此次涉事嘅搬版操作，連佢自己成日口講嘅咩「7日」標準都達唔到，佢自己只等咗6日大半就猴擒搬版。
3. 當PQ77wd嘅離題辯駁俾人拆穿嘅時候，就使出人身攻擊（「拉低身價」）、誣陷他人（睇Wikipedia:管理員留言板#麻煩注意下，又有人喺討論版懷疑鬧人。）。

因此，有理由相信，PQ77wd有強烈嘅偏見，而佢會用盡各種方法來堅持佢嘅偏見。有理由相信，佢為咗維護佢自己呢一次搬版，先至會發表大量言論來岔開話題。

另外，鑑於使用PQ77wd呢個賬號嘅人，喺佢使用各個賬號嘅歷史上，經常喺討論版發起冗長而離題嘅辯論，並多次虛假陳述、對他人作出無理指控，所以，我提出：各位參與討論嘅用家，可以忽略PQ77wd喺呢一版以及粵文維基百科所有討論版嘅發言。--Roy17 (傾偈) 2018年7月17號 (二) 12:39 (UTC)

改返去最常用個名「舒拉寶娃」

@Kowlooner：入題。就算喺粵語圈入面「舒拉寶娃」呢啲北話譯音講法，好多講波佬都用緊，應該用返最出名嗰個講法先啱。依家呢個名幾乎冇人講咁濟。況且User:SC96早年都講過P君（前身係W君）啲譯音真係奇奇怪怪。特克斯特 (傾偈) 2021年5月1號 (六) 09:35 (UTC)

@Sun8908、H78c67c、Detective Akai、Deryck Chan、Dr. Greywolf、Jason6698、XRTIER：@Z423x5c6、Greeninvisibledreams：考慮到兩種講法喺早年嘅討論都有明顯分歧，同埋早年嘅討論氣氛都唔太友善，所以呢次ping多啲用戶，睇下大家有咩意見。用唔用返2013年最初開文嘅講法，亦都係而家最常用嗰個譯名。特克斯特 (傾偈) 2021年5月1號 (六) 10:02 (UTC)

主席，呢啲音譯嘅嘢我本身會用粵切字寫嘅，即 「厶乍`·力乍¯·并冇⁼·乍⁼」（saa3 laa1 pou4 aa4）， 僅此陳詞。Greeninvisibledreams (傾偈) 2021年5月1號 (六) 10:09 (UTC)

@特克斯特： 可能我太後生，我淨係會用「舒拉寶娃」（最常聽就係佢個簡稱「舒娃」）。User:Cedric tsan cantonais前輩根本唔尊重港式譯法。我唔怕同你講，「莎拉波娃」係mainland China先會用嘅譯法。有一次我同響一位返大陸搵食嘅同學通電話，咁啱佢又好鍾意打網球，就問我識唔識邊位係「莎拉波娃」。我問佢係乜水，佢好驚訝，就話畀我知係2012年排世界一姐果個網球手，我先知：「喔，原來佢指舒娃（舒拉寶娃）。第一次聽莎拉波娃。」。之後我上網一搵，發覺好多用「莎拉波娃」嘅網都係大陸網站。由於粵維都係香港人為主，所以我支持用「舒拉寶娃」。Akai 博士 (傾偈) 2021年5月1號 (六) 12:29 (UTC)

@特克斯特、Detective Akai： 「由於粵維都係香港人為主」噉你叫其他粵語區嘅人情何以堪 Greeninvisibledreams (傾偈) 2021年5月1號 (六) 12:54 (UTC)

@Greeninvisibledreams、Detective Akai：所以就放出嚟討論下。同時亦都可以睇埋早年嘅討論：Wikipedia:粵語地方用字轉換，我諗可以將呢個文章命名問題歸入呢個問題到。就算兩個譯名喺粵語區（香港+廣東）到都係好常用，用返中文維基嘅先到先得原則，都係唔應該搬文，理應繼續用返2013年開文嘅「舒拉寶娃」做文章名。特克斯特 (傾偈) 2021年5月1號 (六) 12:59 (UTC)

我個立場冇變。「舒拉寶娃」、「莎拉波娃」喺遷就俄文原音同粵音方面各有千秋，兩個譯法都冇因為遷就其他語言而失真。我聽慣香港講波界用嘅「舒拉寶娃」，但聽講廣州人慣用「莎拉波娃」，所以兩個我都唔反對。不過如果一定要揀嘅話，我會揀「舒拉寶娃」。地區詞方面，粵維一路都想淨係做繁簡轉換，避免引入地區詞自動轉換，因為希望唔同粵語地區之間可以互相遷就。地區詞呢啲嘢文頭解釋就最好。翹仔 (傾偈) 2021年5月1號 (六) 21:38 (UTC)

@Greeninvisibledreams、特克斯特： 認同翹仔前輩所講，粵維一向都唔想引入自動轉換，加上依家中國政府已經實行去粵化政策，唔少廣東後生仔已經唔識講粵語（可悲），所以粵維用戶都係主要以香港人為主，所以支持返用港式譯法，即「舒拉寶娃」。話時話點解特特前輩同翹仔前輩唔參加今次PARTY？Akai 博士 (傾偈) 2021年5月2號 (日) 03:27 (UTC)

對上一次討論氣氛確實搞到唔好意思插嘴，相信今次討論會好好多。香港多用「舒拉寶娃」，廣州多用「莎拉波娃」，但係北話一樣都係用「莎拉波娃」，可見係北話影響咗廣州嘅習慣。所以，我都贊成用返粵語區獨有嘅常用譯名「舒拉寶娃」，最多內文提返「莎拉波娃」個譯名就夠。--Kowlooner (傾偈) 2021年5月2號 (日) 11:30 (UTC)

@特克斯特、Kowlooner、Greeninvisibledreams、Deryck Chan：請問依家係咪可以搬文去「舒拉寶娃」？Akai 博士 (傾偈) 2021年5月9號 (日) 04:42 (UTC)

@Detective Akai、Deryck Chan：依家叫管理員搬文我覺得都冇問題。今次係6比2，75%嘅參與討論者都係支持用「舒拉寶娃」。不過嗰陣我ping埋其他用戶，就想拎多啲意見嗜。特克斯特 (傾偈) 2021年5月13號 (四) 15:33 (UTC)

似乎常客之間係大比數支持「舒拉寶娃」，好似應該搬。盤點：

• 支持「莎拉波娃」：Cedric, PQ77wd
• 支持「舒拉寶娃」：WikiCantona, Roy17, 翹仔, 特克斯特, Akai, Kowlooner

翹仔 (傾偈) 2021年5月10號 (一) 10:07 (UTC)

• @Deryck Chan、Detective Akai：我諗依家搬文都冇問題。結果票數都出埋嚟。特克斯特 (傾偈) 2021年7月9號 (五) 11:00 (UTC)

@特克斯特：冇問題，可以搬。Akai 博士 (傾偈) 2021年7月9號 (五) 12:56 (UTC)

2021年尾後續

@Z423x5c6、H78c67c、Cangjie6：笑，我見呢到咪又係同「漢字」「唐字」咁，都係分開兩個畀大家揀去決定用邊個。PQ77wd咪又係不斷發言去用返唔常用嘅名。特克斯特 (傾偈) 2021年8月22號 (日) 19:22 (UTC)

• 我自己就聽「舒拉寶娃」聽大嘅，睇咗大家講法，又輕輕査咗査，廣州係有人用「莎拉波娃」，喺粵音上都有譜嘅，理論上唔係無法接受。問題係，Check個編輯歷史，人哋開呢篇文嗰陣係叫「舒拉寶娃」，本來冇事，點知Cedric tsan cantonais（即係自封「粵語文學大使」、專寫偽正字嘅「殘陽孤侠」）喺2015年2月2號居然話：「我唔知道『舒拉寶娃』係焉個先譯出來嘅，但係爾個名係病毒音譯名嘅概率高達百分之85。」真係佛都有火。「ʂɐ/ˈra/pə/və」同「舒/拉/寶/娃」明明好對應，邊忽「病毒音」？！用一個老屈出嚟嘅理由去搬版，本身就講唔通，所以好應該還原番。再者，就算係有人用「莎拉波娃」，但正如上面大家指出咗噉，喺粵語「舒拉寶娃」嘅明顯多過用「莎拉波娃」。-Cangjie6 (傾偈) 2021年8月22號 (日) 21:24 (UTC)

  @Deryck Chan：所以係咪可以搬？不如你去搬。 ——z423x5c6（傾偈） 2021年12月19號 (日) 14:18 (UTC)

• 搬咗。另外，我執緊字嘅時候，發現「Ю́рьевна」譯「尤里耶娃」更加譯錯。英文轉寫係 Yuryevna，冇「娃」，我改咗做「尤里葉娜」，其他人又更好提議可以再改。而我哋嘥咗咁多時間喺度爭拗「舒」定「莎」... 翹仔 (傾偈) 2021年12月30號 (四) 16:29 (UTC)