時代 (電影)
《時代》係一套於2020年拍攝嘅香港愛國電影，以2019年6月爆發嘅反對逃犯條例修訂草案運動作背景[1]，由楊明、莊思明、莊思敏、曹永廉、李霖恩、翟俊朗、喬寶寶同布偉傑等主演，內容講述「外國勢力」令香港社會衝突，要靠《港區國安法》令香港「恢復秩序」。電影由時代電影有限公司拍攝，江湖猛人尹國駒旗下馬來西亞上市公司 INIX 贊助。由於電影故事對《港區國安法》作明確咁樣支持，加上多名主要演員都係親中派支持者，有啲媒體同網民將電影比喻作抗日神劇、「港版《建國大業》」[2][3]。
演員
[編輯]另外，曹永廉同莊思敏嘅角色係兩兄妹[1]。
記事及爭議
[編輯]電影無論係主演嘅演員或劇本本身，都帶有強烈嘅親中色彩，莊思敏接受訪問時嘅時候亦話，呢個某程度上都係一種表態，另一演員曹永廉就聲稱想帶出「較正常的想法」[1][5]導演翟艾頓亦同意題材較敏感，會喺人流較少嘅地方拍攝，但又話劇情唔係討論呢場運動，只係講件事點樣影響親情、友情、工作方面。[6]拍攝期間，電影工作人員就曾經被指違反武漢肺炎限聚令但得到警察包庇，去到預告片推出，部分網民就因應題材同埋拍攝資金來自有江湖背景人仕，對呢套電影作出唔少批評。而一度聲稱嘅上映安排，亦畀戲院否認，甚至發生盜用其他人個名做導演嘅風波。
拍攝活動被指違反武漢肺炎限聚令
[編輯]於2020年7月一次拍攝活動嘅時候，半百演員及工作人員喺招待傳媒訪問及拜神儀式嗰陣，好多人都無戴口罩，被指違反武漢肺炎限聚令，現場有路過街坊叫佢哋戴口罩，但佢哋同埋在場警察都未有理會，有網民就懷疑警察有意包庇相同政治立場嘅人[2]。
許芯悅哭訴莊思明攻擊
[編輯]許芯悅喺電影入面同楊明飾演情侶，拍攝嗰陣要拖手兼挨心口，但係許就指控楊明的女友莊思明場場戲都「近距離監視」，自己畀佢嘅氣場「嚇窒」，事件被報道後更有人要求許收聲。許又話好驚再被人身攻擊同詛咒，人與人之間要互相尊重，有錢唔係高人一等。其後莊思明反揶揄對方係小丑，博見報[4][7]。
電影獲江湖人士旗下公司贊助
[編輯]《立場新聞》調查發現呢度係該電影由外號「崩牙駒」嘅江湖猛人尹國駒旗下馬來西亞上市公司 INIX 贊助，而該公司其中一名獨立非執董就係近年活躍於娛樂事務、綽號「沙田Me」嘅翟浩琛[8]。而前立法會議員，已經因為國安法被逼流亡海外嘅羅冠聰，亦喺社交媒體批評電影質素，「台前幕後完全係業餘水平，打個燈都有三重殘影」，懷疑套戲係拎嚟洗黑錢[9]。
涉嫌盜用導演劉國昌名字
[編輯]曾經執導《五億探長雷洛傳》嘅劉國昌，被列作呢套戲導演，但係佢其後接受訪問嘅時候，就話真正拍攝時冇參與，因為個劇本越嚟越藍，所以褪軚。佢又話，只係幫手睇過初稿，畀咗少少意見。對於自己被加名，佢就話控制唔到，感到無奈[10]。
網民對預告片反應同埋上映安排
[編輯]喺10月，電影發佈預告片，寫咗「9 月 7 日」上映嘅字眼，但未見該片上畫[11]，而且亦有網民大踩質素極低、畫質差、有頭冇尾[12]。
去到10月21號，有網民發現電影《時代》嘅 Facebook 專頁，寫咗「《時代》將於2020年11月6日起於 Cinema City 旗下各大戲院放映」，結果凌晨4點，Cinema City 就發表聲明話冇為電影《時代》安排任何放映場次，「一切其他網上的謠言和虛假訊息皆與本公司無關」[13]。
面對聲稱嘅上映安排被否定，製作公司回覆傳媒時，就聲稱由於電影題材敏感，受到發行商、戲院同埋各方面唔同政見因由嘅阻滯。投資方會重金投資包場戲院，最終搵到合適嘅方法同渠道令電影上映[13]。
導演翟俊威想憑電影入圍金像獎
[編輯]蘋果日報喺2020年10月30號報道，雖然冇發行商肯接手，但翟俊威想憑呢套戲入圍金像獎，於是親自致電各戲院，仲留底聯絡電話，但係戲院商好多都擔心「賺埋都唔夠裝修費」。翟俊威本來可以選擇做社區放映，同一班藍絲圍爐取暖，但咁樣就唔符合金像獎報名資格[14]。
睇埋
[編輯]參考
[編輯]- ↑ 1.0 1.1 1.2 劉希彤。〈《時代》社運主題中立取態睇得舒服 曹永廉：想帶出較正常的想法〉。原先內容歸檔喺2020-07-18。喺2020-08-10搵到。
- ↑ 2.0 2.1 〈【無視限聚令】楊明莊思明拍維穩片聚半百人 街坊鬧爆演員冇戴口罩〉。原著喺2020-08-18歸檔。喺2020-08-10搵到。
- ↑ 3.0 3.1 3.2 〈楊明、曹永廉等出演電影《時代》 描繪記者警察合作揭外國勢力致社會衝突〉。原著喺2020-08-08歸檔。喺2020-08-10搵到。
- ↑ 4.0 4.1 黃梓恒。〈許芯悅哭訴｜楊明女友莊思明還擊：有個小丑哄自己笑〉。喺2020-09-23搵到。
- ↑ 〈楊明、曹永廉等演《時代》11 月 6 日上映 製作公司﹕政治理由遇阻滯 為放映重金包場〉。原著喺2020年12月5號歸檔。喺2020年10月21號搵到。
- ↑ 劉希彤。〈《時代》導演艾頓首執導 承認題材敏感︰盡量到人流較少地方拍攝〉。喺2020-09-23搵到。
- ↑ 陳栢宇。〈許芯悅哭訴莊思明攻擊 與楊明戲中拖手惹不滿：有錢唔係大晒㗎！〉。喺2020-09-23搵到。
- ↑ 〈撐警電影《時代》 「崩牙駒」任主席大馬上市公司贊助 「沙田me 」任獨董 | 調查報道 | 立場新聞〉。《立場新聞 Stand News》 (英文)。原著喺2020-12-09歸檔。喺2020-10-21搵到。
- ↑ 〈羅冠聰 Nathan Law〉。www.facebook.com (英文)。喺2020-10-21搵到。
- ↑ 〈獨家丨撐警片副導係前勝和坐館兒子 導演劉國昌無奈被加名：控制不到〉。《Apple Daily 蘋果日報》 (香港中文)。原著喺2020-10-28歸檔。喺2020-10-24搵到。
- ↑ 〈楊明、曹永廉等演《時代》11 月 6 日上映 製作公司﹕政治理由遇阻滯 為放映重金包場 | 立場報道 | 立場新聞〉。《立場新聞 Stand News》 (英文)。原著喺2020-12-05歸檔。喺2020-10-21搵到。
- ↑ 沈洛嘉 (2020-10-21)。〈《時代》稱黃百鳴旗下院線11月上映 Cinema City凌晨4點發文否認〉。《香港01》 (香港中文)。喺2020-10-21搵到。
- ↑ 13.0 13.1 〈撐警電影《時代》聲稱Cinema City上映 院商漏夜出嚴正聲明割席〉。《Apple Daily 蘋果日報》 (香港中文)。原著喺2020-11-01歸檔。喺2020-10-21搵到。
- ↑ 〈深藍電影《時代》導演大諗頭爭金像獎 屢洽戲院包場放映被拒〉。《Apple Daily 蘋果日報》 (香港中文)。原著喺2020-11-06歸檔。喺2020-10-31搵到。