翟浩琛
翟浩琛，外號「沙田Me」，香港商人，曾經係香港黑社會組織和勝和嘅坐館。兩個仔翟俊威同翟俊朗都係藝人。仲有兩個女「翟倩欣」同「翟倩盈」[1]據成報指現居住大圍新翠邨。
個人事蹟同家庭
[編輯]佢早年曾經喺新西蘭定居同讀大學，之後喺2007年回流返港[2]。雖然翟浩琛具有江湖背景，但係佢喺2017年接受《壹週刊》訪問嘅時候就話，自己管教兩個仔好嚴，教佢哋唔可以打人，唔可以講粗口，而且兩個仔好少出夜街。[3]
事蹟
[編輯]鋪路幫兩個仔女入娛樂圈
[編輯]喺2017年接受《壹週刊》訪問嘅時候，翟浩琛就透露自己兩個仔想入娛樂圈，就鋪路幫兩個仔，開電影公司，大仔翟俊朗鍾意唱歌，Me哥又找吳國敬同戴辛蔚教兩個仔唱，又投資去吳國敬同太極嘅巡迴演唱會，等兩個仔可以學習唱和音。[3]
投資參與撐警電影《時代》
[編輯]2020年，翟浩琛投資開拍撐警電影時代，由於題材問題，內容對香港反送中運動持負面態度，加上網民對預告片嘅反應，同埋上映安排等事宜，電影備受唔少人關注。[1]
武漢肺炎期間違反限聚令參與江湖壽宴
[編輯]2021年4月，《蘋果日報》報導，黑社會社團和勝和喺4月1號無視武漢肺炎限聚令，喺元朗西菁街嘉嘉好宴會廳大為太上皇「囝囝」搞壽宴，包括翟浩琛以內嘅歷任和勝和坐館都有出席。如果當中有人係隱形播毒者，隨時會引發新一波疫情大爆發[4]。
參考
[編輯]- ↑ 1.0 1.1 〈【發明星夢】沙田Me全家參與〉。《Apple Daily 蘋果日報》 (香港中文)。原著喺2020-11-05歸檔。喺2020-10-24搵到。
- ↑ 〈成報新聞(揭電影《時代》金主勝和「沙田Me」牽線 已成過氣大佬 傳搬回新翠邨住)〉。《成報》。喺2021-04-03搵到。
- ↑ 3.0 3.1 〈沙田Me : 唔好行錯路就得〉。2017-06-17。
{{cite web}}: CS1 maint: url-status (link) - ↑ 〈無視限聚令｜勝和太上皇囝囝「元朗國」擺百人壽宴 4屆坐館齊到賀 警隊高層震怒 ｜ 蘋果日報〉。《Apple Daily 蘋果日報》 (香港中文)。原著喺2021-04-03歸檔。喺2021-04-03搵到。