海洋生物學（Marine biology）係生物學嘅一個子領域，專門研究海洋生物同海洋生態系統，包括魚、哺乳類同埋無脊椎動物－總之係住喺海入面或者海邊嘅生物，都屬於海洋生物學嘅範疇。除此之外，海洋生物學仲好睇重研究呢啲生物之間嘅關係，例如珊瑚礁就係一種好出名嘅海中生態系統，一座珊瑚礁由大量嘅珊瑚組成，而且會吸引好多生物聚集，包括係會食珊瑚嘅多種海星以及係匿埋喺珊瑚入面避開獵食者嘅多種魚。
