瓢蟲（英式英文：Ladybird）係一科好常見嘅細隻甲蟲。全世界已知嘅瓢蟲品種總共有超過 6,000 種，而且分佈廣泛，喺熱帶至溫帶種得到農作物嘅地區都會見到佢哋嘅蹤影。瓢蟲通常係 0.8 到 18 毫米（0.03 到 0.71 吋）長，外觀上最樣眼嘅特徵係身體圓碌碌噉形，背脊色水好鮮艷－瓢蟲背脊通常係黃、橙或者紅色做底兼且帶有黑色斑點或者條紋嘅，而頭、腳同埋觸角就多數係黑鼆鼆噉嘅色。
