Wikipedia:是日好文/Znám 問題

數論入面，Znám 問題係想問邊啲 k 個整數嘅組合符合呢個條件：每個整數都可以整除而且唔等於其他整數乘埋再加 1。Znám 問題係以斯洛伐克數學家 Štefan Znám 命名，佢喺1972年提出呢個問題，不過其實喺嗰段時間都有其他數學家諗緊類似嘅問題。其中一個相關嘅問題係，唔要求整數係真因數，淨係需要係因數就得，則係話容許某啲整數直情等於其他整數乘埋再加一，呢種問題可以叫做仿 Znám 問題。