Wikipedia:維基百科教學(連文章)

出自維基百科,自由嘅百科全書
Help:目錄Help:目錄
Help:目錄
Help:目錄
歡迎   改文   格式   連文章   連出去   討論頁   記住   登記   總括    

將維基百科文章埋一齊,可以令大家睇埋有關資料,增加維基百科嘅作用,所以係好重要㗎。

幾時連

想知幾時連,最簡單嘅方法就係參考下其它嘅維基百科文章。如果你搞唔清楚應唔應該連,噉就問下你自己:『如果我係呢篇文章嘅讀者,呢個連結會唔會對我有幫助呢?』通常嚟講,你應該只為文章裡面嘅需要進一步解釋嘅詞加連結,而且只有佢第一次出現嘅時候需要加。


點樣連

如果你想加一個連到另一個維基百科文章嘅連結(叫做維基連結,wiki link),你只需要將個關鍵詞用一對雙重方括號括起身,即係噉:

[[沙盤]] = 沙盤

如果你想用你自己嘅文字去代替文章嘅標題,你可以加喺文章名后面加一個管道『|』分隔符(用SHIFT+反斜杠就可以打出嚟),再加上你想顯示嘅詞。比如話:

[[目標頁面|顯示文字]] = 顯示文字

你亦都可以指定目標頁面裡面嘅某個段落,即係噉:

[[目標頁面#目標段落|顯示文字]] = 顯示文字

如果你想連結嘅文字用斜體或者粗體顯示,只要將方括號放喺啲撇號裡面就可以喇,即係噉:

'''[[戰爭與和平]]''' = 戰爭與和平

記住檢查你嘅連結,保證佢哋真係連到咗你想要嗰頁,比如話蘋果會連到去對一種水果嘅介紹,而蘋果公司則會連去對一個電腦生產廠家嘅介紹。另外,要注意維基百科裡面有一啲搞清楚版,呢啲版面唔係文章,而係包括啲指向標題相似嘅文章嘅連結,用嚟幫手搞清楚個意思。呢個時候,管道技術就特別有用,比如話用發達呢種管道連結就比用發達 (錢)要好好多。

類別

你亦都可以將篇文章放喺一個適當嘅類別裡面,呢個類別包含咗所有同佢有關嘅文章。只要輸入[[Category:]],并且喺冒號同方括號之間打類別名就可以喇。

將文章放入適當嘅類別係好重要嘅,因為可以令人哋更容易揾到你篇嘢。要揾到適當嘅分類,最好嘅方法就係睇下同你篇文章相似嘅嗰啲文章,睇下佢哋係擺喺邊個分類道。比如話,你篇文章係介紹某一種樹嘅,噉你就睇下一篇講另一種樹嘅文章,睇下邊個分類先至啱。

想知多啲,請去分類
沙盤試吓你學咗嘅嘢
繼續指導:連出去