Wikipedia:維基百科聽聲版

以下係篇提議緊嘅維基百科政策、指引或者程序。篇提議可能重喺度討論緊，又或者尋求緊共識。喺爾版嘅參考或者連結唔應該當做「政策」。 接受定拒絕提議係唔會數票數噉定。

維基百科聽聲版就係令維基百科嘅文除咗有文字之外，仲可以聽到聲，咁除咗可以令維基百科畀人睇之外，仲多一個選擇就係聽。將粵語維基百科嘅文用粵語讀返出嚟，目標唔係只係一啲公認寫得好嘅文，而係所有嘅文都可以有一個聽聲版。

聽聲版用途

• 粵語維基百科聽聲版可以令粵語除咗表現喺文字上，喺發音上亦可以提供畀用家提供多一個認識粵語嘅途徑，而本身母語係講粵語嘅人，亦可以用返自己熟悉嘅語言去喺維基百科上吸收資訊。
• 對於有視力障礙嘅人嚟講，閱讀可能唔係了解維基百科內容最方便嘅途徑，聽聲版喺呢方面就大派用場，但目前聽聲版嘅介面設計係咪真係方便到有視力障礙嘅人呢，就可能需要再慢慢研究，但至小有咗先再慢慢設計，好過乜都無。
• 除咗成篇文咁讀，亦可以針對一啲罕見中文字詞單讀咁做一個聲音檔，方便了解。

製作

其他語言版本嘅聽聲版都係以.Ogg格式做標準。至於呢個格式係咪真係方便好用，有呢方面經驗嘅維基友希望可以畀吓意見。

推薦工具

以下係中文維基百科推薦嘅聲音錄制工具：

• Audacity （開源，Windows，Mac同Linux都用到，[1]）
• 索尼Sound Forge
• Adobe Audition
• GoldWave （[2]）

其他問題

如果有其他問題可以喺討論提出