Wikipedia:點樣睇生物分類框
本文解釋咗“點樣睇生物分類框”。如果你想要創建或編輯生物分類框，請參考Wikipedia:專題/生物及en:Wikipedia:WikiProject Tree of Life/taxobox usage。討論參見Wikipedia talk:專題/生物。
生物分類框係一個表格，用嚟顯示一種生物或生物分類單元喺目前通常被接受嘅科學分類中嘅地位。
.png)
右圖係文章小熊貓中使用嘅分類框。
- 標題用嗰種生物嘅中文常用名，唔用英文名或拉丁名，如果有俗名可以喺正文列出，亦可以喺呢度用括號列出其中一個。
- 好多物種有咁樣嘅一行字，標明保護現狀，即表明呢種生物繼續生存落去嘅可能性。小熊貓嘅現狀係紫紅字嘅「瀕危」，說明佢嘅野生種群喺不久嘅將來面臨絕滅嘅機會好高。對於受到威脅嘅物種，維基百科採用IUCN紅色名錄嘅受威脅物種一覽。
- 嗰種物種嘅典型圖像。
- 生物分類框嘅中間部分詳細列出目前被通常接受嘅嗰種生物或分類單元嘅科學分類，由一系列按等級由大至細排列嘅分類單元組成。當呢個分類單元唔清楚，或者重爭論緊，喺維基百科中，其中嘅分類應該係目前仍然被廣泛接受嘅說法，唔使完全遵循最新嘅研究結果。（中文資料中有啲分類過時，都應該參照其他文字進行改動。）
- 分類單元框嘅左邊列出分類單元嘅等級，右邊係名。按照動植物嘅分類，一個種係一群相關生物嘅集合，佢哋同其他嘅種有多少分別，而且能夠互相交配產生正常後代。相互緊密相關嘅種組成屬，屬之上為科，科之上為目……等等。通常列出域、界、門、綱、目、科、屬、種八個級別，但係為咗更精細嘅分類，次級分類，好似亞門、總目等都可以列出。維基嘅分類包含中文名以及用括號括起嘅拉丁文名。喺屬名已詳細列出嘅情況下，後面嘅種名中嘅屬名可以採用首字母縮寫再加上種加詞嘅全名。詳見生物分類法。
- 「學名」或雙名法係目前被接受嘅物種嘅科學名稱，用拉丁文，或者其他文字按照拉丁文習慣嘅改寫嚟表示，佢包含咗屬名同埋種加詞。學名應保證任何兩種生物擁有唔同嘅名，即係話Ailurus fulgens用嚟表示小熊貓呢個物種而唔會有歧義。有國際植物命名法規、國際動物命名法規同埋國際細菌命名法規嚟保證名稱嘅唯一同埋冇歧義。
- 學名之下嘅名係嗰個名嘅命名人（亦即係首次喺學術期刊中發表帶有生物描述（或佢引用）嘅學名嘅人）嘅姓氏，後面嘅數字係發表嘅年份。若果命名人同年份冇用括號括住，說明嗰個名係由命名人喺發表時採用嘅名。若果有括號，即係話個名曾經改過，好似被分入另一個屬。
各種生物嘅科學分類都係一種科學假說，可以畀新嘅證據確認或反駁。分類學家可以喺詳細研究之後改變現有嘅分類。