Wikipedia talk:維基百科亞洲月

臺灣唔係粵文區，點解要排除臺灣？

Meta嘅Wikipedia Asian Month寫到"The article is about an Asian Country or region except [your language speaking country(s)]"，但臺灣唔係粵文區，所以照抄中文維基「中國大陸、台灣、香港、澳門除外」好有問題。

另外Meta寫到"Notes 2: Local organizers can change the standard if 3,500 bytes and 300 words means too much in your language."，睇下粵文Special:新版入面過3,500 bytes嘅文，十篇都無一篇，沿用3,500 bytes標準會唔會太「離地」？--Espotono (傾偈) 2015年11月6號 (五) 05:51 (UTC)

• 1.實際操作上要考慮呢個問題：廣東、廣西、香港、澳門等地嘅粵語人基本上都係熟習中文，而考察呢個亞洲月嘅原意，係在於鼓勵大家去了解「自己文化圈之外嘅其他亞洲國家」嘅文化。所以都係建議寫其他國家例如泰國、印尼、菲律賓、印度等等。 2. 唔降低標準，係希望大家唔好凈係滿足於開啲楔位文章，而係注重文章嘅質量；而事實上個標準亦已經有降低，規則係話「提交貢獻前唔少過3500卦」，即係可以開咗版之後再慢慢噉補充（多次編輯）。以上係我嘅答覆。--Meracritus (傾偈) 2015年11月6號 (五) 12:09 (UTC)
  • 粵文維基粵港澳以外嘅地方文章唔算多（唔好話臺灣，就算係廣西都少），即使係粵港澳嘅地方文章好多都唔夠3,500 bytes。不過既然你有你立場，噉就只能夠預祝你搞得成功啦。--Espotono (傾偈) 2015年11月10號 (二) 04:50 (UTC)

• 首先「成功」呢家嘢有好多定義。例如今次活動係咪話係搞就真係一心去搞佢？我睇未必，或者祗係幫粵文百科喺全球盛事度參與埋一份，攞返個存在感，因為真係要比嘅話，到最後其實係鬥各維基嘅活躍用戶數，呢樣唔使問阿貴。其次閣下既然肯花時間評論，何解唔再盡興啲參與埋一份？我自問亦幾忙，但都抽時間趕到兩篇合資格文章。最後我唔認為應該喺「自家嘢本來就少」呢度鉆牛角尖，成個亞洲月嘅用意係發掘「人哋」嘅文化。--Meracritus (傾偈) 2015年11月10號 (二) 05:46 (UTC)