《Y Angle》係香港電視廣播有限公司製作嘅青少年資訊節目，接替咗同類型嘅節目《激優一族》，喺2015年1月17號開始播，常規播放時間係逢禮拜六12:00－12:30，2019年11月30號播最後一集。停播前嗰排節目主持陣容有譚嘉儀、譚永浩、黃庭鋒、駱胤鳴、陳約臨、蘇可欣、吳子沖、鄒兆霆、彭紀諺、胡㻗、林正峰，舊時做過主持嘅有劉佩玥、司徒瑞祈、余德丞、王舒銳、陳偉琪、游莨維、何廣沛、陳潔玲、周奕瑋、鄺潔楹、林希靈、李寶君、李寶珊。
