仙人掌
(由仙人掌科跳轉過嚟)
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| 物種分類 | ||||||||||||
| ||||||||||||
仙人掌（粵拼：sin1 jan4 zoeng2；學名：Cactaceae）係石竹目仙人掌科嘅植物統稱，屬下有2000個品種，原產地喺墨西哥，而家一般分佈響沙漠地區。呢種植物俾人稱為「沙漠生靈」。
形態
[編輯]仙人掌形態有好多種，有掌形、波形、柱形等。因為要適應乾燥環境，佢哋嘅葉演化成刺形，而莖就儲住好多水份而變得肥大肉厚，而莖嘅表皮有厚而硬嘅蠟質保護層或生咗好多密拃拃嘅絨毛出嚟，保護佢唔會因為強光猛咁射而蒸發水分。尤其係佢嘅根系比較大，可以吸收落得比較少嘅雨。如果沙漠地區一落雨，佢就喺土層入面生好多新嘅根出嚟吸好多水。另外佢嘅大根有比較厚嘅木栓組織保護，可以喺熱辣辣嘅沙石長期生存。仙人掌可以連續6年唔淋水嘅情況下生存。
用途
[編輯]仙人掌除咗可以用嚟畀人睇之外，有啲品種重可以做藥或食得，甚至可以浸酒同煉糖。而乾嘅仙人掌可以用嚟做燃料，大嘅片狀莖重可以用嚟起鄉村嘅屋。
成日見到嘅仙人掌品種
[編輯]而家成日見到嘅仙人掌類植物有：
文化
[編輯]墨西哥
[編輯]喺墨西哥當地啲人，成日將仙人掌當成自己嘅國家代表。喺國旗、國徽嗰度畫咗仙人掌出嚟，甚至重將佢列入咗國花。
有關嘅書
[編輯]- 中国少年儿童百科全书 自然·环境 第441页 浙江教育出版社 ISBN 7-5338-1946-2/G·1942
