伊斯蘭教同基督教有共同嘅淵源，崇拜同一個造物主，尊稱佢為上帝。佢哋都係亞伯拉罕宗教同一神教，但係伊斯蘭教同基督教、猶太教之間嘅衝突，係所有宗教之間嘅衝突中最大規模嘅。
穆斯林傳統上相信穆罕默德係真主派遣嘅最後使者，係個文盲，唔認為穆罕默德有抄襲過基督教或者猶太教嘅教義，或者吸收神學內容，而係重申多年嚟被基督教同猶太教改動嘅一神教內容；又認為所有經典都出自真主，再啟示畀使者宣導開去，而唔係人為創作。
