伊朗一處遺址
伊朗史，又可以叫波斯史，可以追溯到公元前4000年。到公元前3200年開始，伊朗西南部嗰頭出現一個叫埃蘭嘅國。到前625年，米底亞王國統一伊朗地區，隨後前550年出現嘅波斯第一帝國，係伊朗史入面最強大嘅國，領土橫跨歐洲、亞洲、非洲，之後伊朗地區歷經塞琉古帝國、安息帝國、薩珊統治。隨住7世紀伊斯蘭教勢力崛起，伊朗地區逐漸伊斯蘭化，原有嘅瑣羅亞斯德教逐漸衰落。經過幾個世紀後，到1501年先至再出現薩法維嘅統一王朝，1789年畀愷加王朝取代，1925年又畀巴列維王朝取代，並喺1935年將國名由「波斯」改成「伊朗」。1979年爆發伊朗革命，伊朗廢除君主制，變成一個伊斯蘭共和國。
