佔領立法會 (紀錄片)
想搵第二個意思嘅話，請睇佔領立法會。| 佔領立法會 Taking back the Legislature | |
|---|---|
 《佔領立法會》紀錄片嘅宣傳海報 | |
| 資料明細 | |
| 導演 | 「香港紀錄片工作者」 |
| 片長 | 46分鐘 |
| 產地 |  香港 |
| 話 | 粵語 |
| 上畫同發行 | |
| 上畫日期 | 2020年1月 |
| 發行商 | 影意志影院 |
《佔領立法會》（英文：Taking back the Legislature）係大約46分鐘嘅港產紀錄片。呢部片紀錄咗喺2019年7月1號香港第一次發生嘅「佔領立法會」事件，係紀錄片《理大圍城》嘅姊妹作。呢部紀錄片喺2020年攞到第57屆台灣金馬獎「最佳紀錄片」提名。
製作人員
[編輯]呢個紀錄片由幾位紀錄片導演同工作者去拍返嚟，因防範政權報復，佢哋只可以用「香港紀錄片工作者」（Hong Kong Docmentary Filmmakers）嘅匿名身份發表。為咗唔使令屋企人擔心，佢哋甚至唔會話畀屋企人，並準備好萬一攞咗獎，亦只會請發行商「影意志」代攞獎同發表感謝辭[1][2]。
記載
[編輯]呢個紀錄片由最耐到最近嘅時間推移去講述喺2019年7月1號香港第一次發生嘅「佔領立法會」事件。紀錄片製作人員貼身去拍前線參與者，用臨場視角展示參與者喺成個行動入面嘅人性反應，紀錄咗示威者由討論、行動、撤離到清場嘅成個過程入面嘅心情起伏，包括成功衝入立法會後嘅激情，同短暫佔據後冇的唔撤退個陣嘅無奈感受[3]。
事件
[編輯]喺2020年1月10號到22號搞咗第十三屆香港獨立電影節，《佔領立法會》同《理大圍城》喺電影節度首映[4]。
2020年7月，《港區國安法》過咗之後，《佔領立法會》同《理大圍城》等紀錄片喺香港上映嗰陣被電檢局刁難。《佔領立法會》同《理大圍城》原本計劃喺2020年9月21號同22號嘅夜晚7點45分喺香港藝術中心古天樂電影院上映，電檢處先要求喺紀錄片前加上「根據現行法例可能會構成刑事罪行」同「部份內容或評論亦可能未獲證實或有誤導成份」等警告字句。喺9月21號上影前兩個鐘，發行商影意志影院先收到電檢處發出嘅證明書[5][6]。
《佔領立法會》入圍台灣第57屆金馬獎最佳紀錄片，最後攞唔到獎[7]。
2020年10月17、18、21、22、24號，11月3、4號，《佔領立法會》同《理大圍城》喺香港藝術中心古天樂電影院上映，夾埋有9場（10月17同18號每日兩場，其他每日一場）。喺10月14號開始賣飛，賣咗唔夠兩個鐘，全部9場大約700張飛已經全部賣嗮，唔少網民更要求發行商加場[8]。
攷
[編輯]- ↑ 〈不知怎樣解釋我的內疚 每個親歷運動的人都留下未癒傷口 《佔領立法會》《理大圍城》導演訪問〉。《立場新聞》。2020-11-12。原著喺2020-11-09歸檔。喺2021-03-18搵到。
- ↑ 林木材 (2020-11-06)。〈相信記憶之力量——獨家專訪《佔領立法會》匿名香港紀錄片工作者〉。《報導者》。原著喺2020-12-06歸檔。喺2021-03-18搵到。
- ↑ 〈如此溫柔，如此暴烈：《佔領立法會》和《理大圍城》訪問〉。《立場新聞》。2021-01-19。原著喺2021-01-28歸檔。喺2021-03-18搵到。
- ↑ 〈香港獨立電影節〉。《Time Out 雜誌》。原著喺2020-09-19歸檔。喺2021-03-18搵到。
- ↑ 〈專訪《佔領立法會》《佔領立法會》創作團隊：當校園恍如廢墟，人們匿藏與逃生…〉。《端新聞》。2021-02-15。原著喺2021-03-05歸檔。喺2021-03-18搵到。
- ↑ 李翰文 (2020-12-08)。〈《佔領立法會》和《佔領立法會》：敏感氣氛下求存的香港政治電影〉。《BBC中文》。
- ↑ 〈佔領立法會，入圍獎項：紀錄片〉。金馬獎。原著喺2020-12-03歸檔。喺2021-03-18搵到。
- ↑ 〈紀錄片《佔領立法會》、《理大圍城》 11 月放映 門票開售不足兩小時售罄〉。《立場新聞》。2020-10-14。原著喺2020-10-25歸檔。喺2021-03-18搵到。