魏晉南北朝，又叫三國兩晉南北朝、六朝，係指中國漢代同隋代之間嘅歷史時期嘅統稱，大部份政權都好短命，統一嘅日子短暫，好多時都有唔同政權一齊存在。
魏晉南北朝可以細分做三大段時期：三國時期（220年到280年，曹魏係正統）、晉朝（265年到420年）同南北朝（420年到589年）。
而所謂嘅六朝，係指當中嘅曹魏（或孫吳）、晉朝，同埋南朝入面嗰四個朝代，總共六朝。
