劉裕

劉裕

劉裕（363年4月16號—422年6月26號），係劉宋開國皇帝。佢本來係東晉武將，曾經成功打輸想篡位嘅權臣桓玄，最後佢喺東晉元熙二年（420年）輪到佢自己廢晉恭帝篡位，起國號「宋」，史稱「劉宋」，改元永初，後世叫佢做宋武帝，正式開始咗南北朝時期。

永初三年（422年），劉裕病咗，五月病重嘅時候遺命司空徐羨之、尚書僕射傅亮、領軍將軍謝晦同護軍將軍檀道濟四人做顧命大臣，輔助太子劉義符。劉裕喺五月癸亥日（6月26號）死咗，享年六十歲。廟號高祖，諡做武皇帝，葬喺初寧陵（今日嘅江蘇南京紫金山）。