勝利勳章

勝利勳章

勝利勳章（俄文：Орден «Победа»）係蘇聯紅軍同蘇聯武裝力量嘅最高級別嘅勳章，祇有「順利完成一個或幾個方面軍戰役，並且令到戰爭全局發生有利於蘇聯紅軍嘅根本改變」嘅軍事將領，先至有資格獲得勝利勳章。歷史上，祇有17人獲得過20枚勝利勳章，其中一枚後來被蘇聯最高蘇維埃收返，勝利勳章因此成為人類世上獲獎人最少嘅勳章之一。

獲獎人

目前，17位勝利勳章得主當中，16位已經過咗身。

頭像	姓名	獲獎日期	軍銜	獲獎原因
	格奧基·干斯坦正諾域治·朱可夫 Георгий Константинович Жуков	1944年4月10號	蘇聯元帥	表彰佢協調、指揮蘇軍打贏右岸烏克蘭戰役
		1945年5月30日		表彰佢指揮蘇軍打贏柏林戰役
	亞歷山大·米哈伊洛域治·華斯歷夫斯基 Александр Михайлович Василевский	1944年4月10日	蘇聯元帥	表彰佢協調、指揮蘇軍打贏右岸烏克蘭戰役
		1945年4月19號		表彰佢攻克東普魯士（今日嘅加里寧格勒）
	史太林 Иосиф Виссарионович Сталин	1944年4月10日	蘇聯元帥	表彰佢協調、指揮蘇軍打贏右岸烏克蘭戰役
		1945年6月26日	蘇聯大元帥	表彰佢指揮蘇軍戰勝納粹德軍。
	伊凡·斯捷凡諾域治·哥尼夫 Иван Степанович Конев	1945年3月30日	蘇聯元帥	表彰佢解放波蘭同發動奧德河戰役
	干斯坦正·干斯坦正諾域治·羅哥索夫斯基 Константин Константинович Рокоссовский	1945年3月30號	蘇聯元帥	表彰佢指揮白俄羅斯第一、二方面軍進軍波蘭、擊退納粹德軍
	羅芝安·雅哥夫歷域治·馬連諾夫斯基 Родион Яковлевич Малиновский	1945年4月26號	蘇聯元帥	表彰佢指揮蘇軍消滅喺奧地利同匈牙利嘅納粹德軍
	菲奧多·伊凡諾域治·陶布軒 Фёдор Иванович Толбухин	1945年4月26日	蘇聯元帥	表彰佢指揮蘇軍消滅喺奧地利同匈牙利嘅納粹德軍
	利安聶·亞歷山大洛域治·戈禾羅夫 Леонид Александрович Говоров	1945年5月31號	蘇聯元帥	表彰佢指揮蘇軍擊敗列寧格勒同波羅的海國家嘅納粹德軍
File:Semyon Konstantinovich Timoshenko (1895-1970), Soviet military commander.jpg	些明·干斯坦正諾域治·鐵木辛哥 Семен Костянтинович Тимошенко	1945年6月4號	蘇聯元帥	表彰佢喺成場衛國戰爭裡面嘅策劃同協調
File:A I Antonov 02.jpg	阿歷西·燕諾京芝耶域治·安東諾夫 Алексей Иннокентьевич Антонов	1945年6月4號	陸軍大將	表彰佢喺成場衛國戰爭裡面嘅策劃同協調，同埋對蘇軍總參謀部嘅貢獻
	德懷·大衞·艾森豪威爾 Dwight David Eisenhower	1945年6月5號	美國陸軍上將	1945年，作為對盟軍頒美軍總司令級軍功勳章（Chief Commander Legion of Merit）畀朱可夫嘅回報，斯大林決定頒勝利勳章畀艾森豪威爾同蒙哥馬利。
	伯納·羅·蒙哥馬利 Bernard Law Montgomery	1945年6月5號	英國陸軍元帥	1945年，作為對盟軍頒美軍總司令級軍功勳章畀朱可夫嘅回報，斯大林決定頒勝利勳章畀艾森豪威爾同蒙哥馬利。
	米海一世 Mihai I	1945年7月6日	羅馬尼亞國王	表彰佢喺1945年同納粹德軍決裂，積極協助蘇聯紅軍進軍歐洲
	米候·羅立－澤美耶亞斯基 Michał Rola-Żymierski	1945年8月9日	波蘭元帥	表彰佢對協助蘇軍進軍波蘭，擊敗波蘭納粹德軍作出嘅貢獻
	基遼·阿法納斯耶維域治·美歷茨哥夫 Кирилл Афанасьевич Мерецков	1945年9月8日	蘇聯元帥	表彰佢出兵中國東北，消滅日本關東軍主力
	約瑟·布羅茲·鐵托 Јосип Броз Тито	1945年9月9日	南斯拉夫元帥	表彰佢喺南斯拉夫發動大規模游擊戰，對擊敗納粹德軍作出重大貢獻
	利安聶·伊列治·布歷朱尼夫 Брежнєв Леонід Ілліч	1978年2月20日	蘇聯元帥	布歷朱尼夫貪戀勳章，於是喺做蘇共總書記嘅時候頒咗勝利勳章畀自己，理由係「對衛國戰爭作出巨大貢獻，大大增強蘇聯國防能力，宣示蘇聯國威」。1988年9月21日，蘇聯最高蘇維埃宣佈收返伊枚勳章。

勳章下落

• 所有頒畀蘇聯將領嘅勝利勳章，同埋頒畀波蘭元帥澤美耶亞斯基嗰枚勝利勳章，宜家都喺俄羅斯收藏。
  • 朱可夫、華斯歷夫斯基同埋馬連諾夫斯基嘅勳章，宜家喺俄羅斯武裝部隊中央博物館展出。
  • 羅哥索夫斯基同埋澤美耶亞斯基嘅勝利勳章，宜家喺俄羅斯國家貴金屬與寶石庫。
  • 其他喺俄羅斯境內嘅勝利勳章，宜家全部喺克里姆林宮，由鑽石基金保存。
• 鐵托嘅勝利勳章，宜家喺南斯拉夫歷史博物館展出。
• 艾森豪威爾嘅勝利勳章，宜家喺美國華盛頓特區嘅國家檔案館大樓展出。
• 蒙哥馬利嘅勝利勳章，宜家喺英國帝國戰爭博物館倫敦總館展出。
• 米哈伊一世退位之後拍賣咗佢嘅勝利勳章，目前下落不明。