波羅的海國家係指波羅的海東岸嘅三個小國愛沙尼亞、拉脫維亞同立陶宛。因為佢哋嘅地理同歷史差唔多，所以國際上成日將佢哋咁樣一次過叫晒。
喺第二次世界大戰前，芬蘭有時都俾人納入波羅的海國家。
俄羅斯帝國喺18世紀開始擁有呢三個國家。第一次世界大戰之後，愛沙尼亞、拉脫維亞同立陶宛喺俄羅斯分咗出嚟，到1940年又俾蘇聯吞併，成為蘇聯其中三個加盟共和國。呢三個加盟共和國相繼喺1990年之後脫離蘇聯獨立，2004年成為北約同歐盟嘅成員國。
波羅的海國家
