地暖系統

鋪好電暖管嘅地台

地暖系統（地板採暖、地板暖氣）係種中央室溫控制系統，將啲喉藏喺地下，通電或著入熱水，啲熱力由地面輻射出嚟，令間房／屋暖起嚟，喺裏面就好舒服。地暖系統亦可以用嚟降低溫度，同冷氣唔同。

史

「溫突」

「地暖」有好耐歷史，喺冰河擴大期（Neoglacial）同新石器時代就有。喺亞洲同阿拉斯加嘅阿留申群島，考古學家掘到地下屋，發現用石板歙住嘅坑道，畀啲熱煙通過，熱力輻射去都屋裏頭。韓國嘅「溫突」地暖同阿留申群島嘅地暖坑道，大約係公元前一千年，就有。公元前五佰年，希臘同埋羅馬人嘅浴池用同樣嘅方法，喺池底加熱，叫 hypocausts。公元50年，中國北方「大坑」韓國嘅「溫突」，同埋羅馬嘅 hypocausts 各有各發展。而家下嘅用細管嘅系統，就要去到19世紀頭先有雛形。

整法

而家嘅做法有「液壓」同「電熱」兩種系統。

液壓系統

電暖管解構圖

落石屎

首先係個地面鋪咗一大"炸"管，管嘅兩頭駁落去一個加熱系統，形成一個封閉循環。加熱咗水係度循環咁流，一般淨係用水，有時會混埋防結冰嘅丙二醇（Propylene glycol）。

啲管一般用聚乙烯做（polyethylene，PE 膠）包括 PEX、PEX-Al-PEX 同 PERT。舊啲嘅或特殊用途嘅系統用聚丁烯（polybutylene）管、銅喉、鋼管。

而加熱系統可以用天然氣、廢油、燒柴、太陽能、生物能來發動。而有系統直接地熱能（geothermal energy），用地熱泵將水泵入地層加熱。

電熱系統

電熱系統一般用有電阻嘅元件，通電之後產生熱力。元件包括電線、電網蓆、碳膜。電熱系統一般比較薄，所以唔需要做落地台度。因為咁，有時用嚟做暖地氈、木地板、地磚。電熱系統用嘅靈件少過液壓系統，相對簡單啲。有啲電熱系統用家居電壓，有部份用低電壓。系統嘅秏電量在於套系統嘅火數。

特色

室內空氣質素比較好，因為啲地板發熱，冇咁容易生啲霉、細菌、塵蟎。醫學解目前認為對減低致敏源有幫助。

能源可持續性比較高，因為系統效率高。地熱式地暖系統同太陽能都係可再生能源。

相對嚟講都比較安全，有地暖系統嘅屋企，就唔需要用暖爐，亦唔會有 Radiator 咁掗掗拃拃，唔使黐塵。之不過，當用電熱系統嘅地氈變舊，會有問題。

系統維修嘅要求，同一般嘅水同電 HVAC系統差無幾，除咗埋喺地下嘅電線、喉管。PEX 管用得好耐，抵得住侵蝕、高溫、同大壓力。