婆羅門

婆羅門（梵文：ब्राह्मण brāhmaṇa），係印度嘅祭司貴族，屬於種姓之一，代表色係白色，佢哋主要掌握神權，占卜禍福，壟斷文化教育同報導農時季節，主持王室儀典，喺社會上嘅地位係最高嘅。

由於職責同地位特殊，婆羅門可享有好多特權。佢哋可以免交各種稅，因為啲人認為，婆羅門已經用自己嘅虔誠還清咗呢種債。婆羅門係神聖不可侵犯嘅，佢哋唔能夠被處以死刑或任何類型嘅肉刑。而向婆羅門贈送禮物嘅人就會得到祝福，佢哋將會係今生或者來世，獲得一定嘅善報。喺咁多禮物之中，最受歡迎嘅係土地，因為佢可以「解除贈送者嘅一切罪孽」。所以婆羅門佔有大量地產，經常係成條村。