快門

相機快門

快門（shutter），又叫失打，係相機同攝影機入便，控制光入架機一道門。

相機

門開閂一次嘅速度，就決定幾多光入，通常以秒為單位。快門慢畀多啲光入，快門快畀少啲光入。佢好似一開一閂嘅窗簾，開閂得越慢，就越多光入。快門亦都控制埋光圈，即係打開時，個窿有幾大。

快門用數字表示，數字表示秒值，時間越快，光入得越少。每級快門值以秒為單位，由慢到快有：30、15、8、4、2、1、1/2、1/4、1/8、1/15、1/30、1/60、1/125、1/250、1/500、1/1000、1/2000、1/4000等等。每細一級快門，就代表少一半光入；即每大一級快門，就多一倍光入。各值之間可以有半級快門，好似1/60秒同1/125秒之間，有1/90秒；1/250秒同1/500秒之間，有1/350秒等。每個相機都有佢最慢快門同最快快門，好似相機之最慢快門係2秒，最快快門係1/2000秒等等。

另有一級B快門，B係英Bulb，即燈膽咁解。佢意思係大量曝光。當相機校到B快門嗰陣，撳住快門掣，快門就會打開，直至到手指離開快門掣為止，快門先至閂埋。因為人會手震，撳住會震到部機，所以會另有快門繩（失打繩），來遙控個快門。

攝影機

用數碼攝影機拍片，講快門都有用相機一樣嘅講法，但係傳統上拍片唔係講速度，而係講角度，因為攝影機嘅快門本係係一塊一直轉住嘅圓片，幾多光入架機係由圓片開咗幾大角度嘅批形竉控制，個竉開得越細，就越少光入到；用爾種方法講嘅快門角度一般有 360°、180°、90°、72° 同 60° 等等，喺 24 FPS 大概對應 1/25、1/50、1/100、1/120 同 1/160。