拆禮物日

加拿大拆禮物日排隊買嘢嘅人龍

拆禮物日caak3 lai5 mat6 jat6（Boxing Day，粵拼：bok1 sing1 dei1）喺香港以外嘅華人地方多數叫節禮日，係英國同大多英聯邦國家同前英國殖民地響每年12月26號（聖誕第二日）慶祝嘅公眾假期。

傳統

香港人叫呢日做「拆禮物日」，係因為香港普遍習慣響呢日拆聖誕禮物，但歐美地方多數響聖誕節正日已經拆禮物。

自從新加坡喺2009年取消咗拆禮物日嘅公眾假期安排之後，香港變成全亞洲唯一一個會放節禮日嘅地方，香港政府對該日假期嘅定義係聖誕節後第一個周日。

喺加拿大，節禮日有好多地方以前係法例規定唔准開鋪做生意嘅，但係有啲鋪頭會唔理被人罰錢照開，仲減價吸引顧客，等罰錢都賺得返，所以 ｢節禮日減價｣ 變成咗一種生意綽頭，就算而今好多地方冇咗爾種法例，好多人都仍然會認為節禮日係掃平貨嘅日子，不過佢作為瘋狂購物日嘅地位已經被美國傳入嘅黑色購物節取代。

名

香港以前並冇拆禮物日拆禮物嘅傳統，反而有港裔加人曾經以為 Boxing Day 係指應該喺嗰日先拆禮物（非華人會以為 boxing 係指 ｢抌走啲禮物盒｣），所以被傳媒譯咗做節禮日，佢哋可能將節禮日拆禮物嘅做法帶返咗去香港，再演變成 ｢拆禮物日｣ 嘅名。

但係其實並冇人知 Boxing Day 個名點來，不過普遍認為同關心窮人有關，其中一個講法係以前有錢人會喺嗰日送一盒禮物畀自己屋企嘅工人，另一個講法係以前教會嘅捐款箱會喺嗰日開箱，然後啲錢分畀窮人。