東華路 (廣州越秀)

东　华　路 DONGHUA ROAD

性質： 一般馬路 全長： 東西：1.7公里 西南-東北：大概1.5公里 行車線： 雙向2～8車道 地區： 廣州市越秀區 起點： 東西：文明路同越秀中路嘅交界 西南-東北：沿江東路同大沙頭路嘅交界 終點： 東西：東邊去到龜崗大馬路、合群路同光東前街嘅交界 西南-東北：中山二路同埋中山一路、農林下路同署前路嘅交界

越秀區嗰條嘅東華路（粵拼：dung1 waa4 lou6）係包括咗東西走向嘅東華東路同東華西路；同埋西南–東北走向嘅東華南路同東華北路。呢條馬路係分開咗東南西北四個方向嘅。東邊去到龜崗大馬路、合群路同光東前街嘅交界；南邊去到沿江東路同大沙頭路嘅交界；西邊去到文明路同越秀中路嘅交界；北邊去到中山二路同埋中山一路、農林下路同署前路嘅交界。

概要

由於呢兩條馬路係組成咗好似英文字母「X」噉，呢度就分開介紹：

• 東西走向：全長1.7公里，闊8——11米，雙向2車道。
• 西南-東北走向：全長大概1.5公里，闊43米，雙向4——8車道。

東華路嘅四條道路，起點到終點

• 東華西路：從文明路同越秀中路交界嘅位開始一直去到東川路嗰度
• 東華東路：從東川路嘅位開始一直去到龜崗大馬路同合群路同光東前街嘅交界嗰度
• 東華南路：從沿江東路同大沙頭路交界嘅位開始一直去到東華東路嗰度
• 東華北路：從東華東路嘅位開始一直去到中山二路同埋中山一路、農林下路同署前路嘅交界嗰度

史

其實呢條馬路喺清朝嗰陣，東西走向嘅東華路已經逐漸變咗條街道出嚟。喺文化大革命嗰陣改咗嗌「延安路」呢隻名，到咗1982年，東西走向嘅路名已經改返轉頭，啫係依家嗌「東華路」。而西南-東北走向嘅馬路係喺20世紀80年代嗰陣，大沙頭火車站拆咗之後先至起咗嘅一條馬路，後嚟喺起緊江灣大橋同內環路嗰陣順便將呢條馬路都整闊埋。而家西南-東北走向嘅馬路係條主幹道。

經過嘅道路

東華東路·東華西路

呢度啲路嘅順序係從西去到東嚟排嘅，其中加粗咗嘅字係主幹道：

• 文明路、越秀中路
• 東濠涌高架橋（上面跨過咗，冇匝道落去東華路嗰邊。）
• 較場西路
• 東川路
• 東華南路、東華北路
• 東湖路
• 均益路
• 啟明大馬路
• 龜崗大馬路、東山大街、光東前街

東華南路·東華北路

呢度啲路嘅順序係從南去到北嚟排嘅，其中加粗咗嘅字係主幹道：

• 沿江東路、大沙頭路、大沙頭二馬路
• 廣九大馬路、綠荫路
• 東湖西路
• 築溪東街、牛乳基、合群二馬路、新河浦路
• 東華東路
• 東湖路
• 中山二路、中山一路、農林下路、署前路

特色

東華東、西路兩邊有好多舊樓同騎樓，亦有唔少嘅細型餐廳，好似拉腸鋪、甜品鋪、麪檔噉。而東華南、北路爾兩條路喺2000年嗰陣先至整闊咗，條馬路嘅上面主要係有條內環路響度，附近重有內環路嘅上落出口。喺未起好江灣大橋同內環路之前，東華北路係屬於東湖路嘅一部分。