樟腦

樟腦

樟腦（IUPAC名：1,7,7-三甲基二環[2.2.1]庚烷-2-酮），藥一種，由樟木提煉出來，可以整成臭丸，有驅蟲防菌之效。有毒，但可食用少量，印度菜用來調味。佢亦係化學原料，用過制炸藥。現今樟腦可以人工合成，唔使用樟木。

樟腦室溫之下，固體，蠟質，白色或者透明，有強烈氣味。樟腦係有機化合物，燒得着，化學式C₁₀H₁₆O。

樟腦並非樟木獨有，某啲樹都有，甚至某啲香草亦有。迷迭香葉含一到兩成樟腦。

樟腦摸落覺凉，若用力捽勻，又會覺暖。