汶川地震
_DSC09565.JPG) 拆緊一棟震冧咗嘅樓。背景嘅山喺山泥傾瀉之後打出晒啲岩石。 | |
| 協調世界時 | 2008-05-12 06:28:01 |
|---|---|
| 持續時間 | 超過2分鐘 |
| 規模 | 8.0 Template:M, 7.9 Template:M |
| 深度 | 19 km（12 mi） |
| 震央 | 31°04′N 103°22′E / 31.06°N 103.37°E |
| 斷層 | 龍門山斷層 |
| 類型 | 逆斷層 |
| 影響地區 | 中國四川省 |
| 損失 | 1,500億美元 |
| 最大烈度 | XI （extreme） |
| 餘震 | 主要餘震149至284次，總數超過42,719次 |
| 傷亡 |
|
汶川地震，又叫512四川大地震[1]、又或者就咁叫512地震[2]，係發生響2008年5月12號當地時間下晝2點28分（國際標準時間上晝6點28分）嘅地震，震央響中國四川阿壩藏族羌族自治州汶川縣境內，規模去到黎克特制8級[3]。
地震波及嘅範圍好大，去到寧夏、青海、甘肅、河南、山西、陝西、山東、雲南、湖南、湖北、上海、重慶都有震感[4]。臺灣，香港元朗都感受到震[5]。但重災區係接近地震震央嘅四川省，其次係陝西、甘肅、重慶。
今次地震，威力等於 252 個原子彈，造成大量死傷同破壞[6]，而死傷人數重一路上升緊，到而家為止，因為呢次地震而死嘅人數已經過萬[7]。
國務院總理溫家寶喺地震發生之後唔夠五個鐘頭趕到災區，以「多難興邦」勉勵倖存者。中共中央總書記、國家主席胡錦濤到災區慰問災民。災後重建所需資金預算達到一萬億人民幣。
而中國國務院因為今次地震，宣佈5月19號到21號列為「全國哀悼日」，呢三日喺中國大陸搞下半旗致哀兼停止一切公共娛樂活動[8][9]，作為表達全國各族人民對四川汶川大地震遇難同胞嘅深切哀悼[10][11]。奧運火炬傳遞都暫停三日[12]。喺停止一切公共娛樂活動期間，嗰啲網頁同電視台啲台徽都變嗮黑白畫面。
地震
[編輯]
地震發生喺當地時間2008年5月12號下晝兩點廿八分（國際標準時間上晝6點28分），規模達到黎克特制8級 [13]。
根據中國地震網絡中心資料講，最初震央喺四川省省會成都西北約80公里嘅阿壩藏族羌族自治州汶川縣入面，北緯31.0，東經103.4之地，深度有33公里。而美國地質調查局都一樣測定震央喺汶川縣入面，位置喺東經103.279°，北緯31.099°。震源深度10公里 [14]；地震一路震咗大概一分鐘。開頭定做7.5級，後來改為7.8級，最後修正做8級[15]；而美國地質調查局最後修定係7.9級 [14]。
地震成因
[編輯]汶川係喺正大地震帶上面，由寧夏經甘肅東部、四川西部，直到雲南，都係屬於地震密集嘅地帶，汶川又同時喺四川西部嘅龍門山地震帶上，所以有比較多地震 [16]。而呢次地震，係由於印度板塊向北移撞擊歐亞板塊造成，結果引致都江堰地區地震。消息表示，地震只有一個震央；今次地震規模有1976年嘅唐山地震咁大、係台灣九二一大地震嘅六倍，但係今次震源好淺，所以對地面造成好大破壞力，又唔排除喺地震之後一個月之內，會再發生超過七級嘅地震 [17]。今次地震係繼1976年8月16號四川松潘、平武兩縣發生 7.2 級地震以嚟，近32年發四川省內第一次 7 級以上地震（睇：四川地震一覽）[18]。
地震預兆
[編輯]喺地震發生之前，中國已經有啲專家預測到今次地震發生，早喺2006年已經提出預報，喺2008年4月26號同27號中國地球物理學會屬下嘅「天災預測委員會」入面得出結論，認為一年之內，川、甘、青交界附近可能發生6至7級地震，甚至有人計到大概係5月8號咁上下時間[19]。不過阿壩州防震滅災局就當係謠言，好多人聽到個消息走去問，防震滅災局就話係啲人聽錯，應該地質災害，唔係地震災害[20]。不過都有人懷疑係咪真係有人預先知道，中國地震局嘅專家反駁，話全世界都無人識得預測地震，呢啲傳聞只係無稽之談[21]。
不過呢次地震之前，懷疑發生過啲好多人認為係地震先兆嘅現象，例如有人話喺2008年5月10號，四川綿竹市西南鎮檀木村，就出現大規模蛤乸遷徙[22][23]。有動物學家話，動物對地殼變動嘅感受敏感過人，所以佢哋預測到都唔奇[24]。不過都有人懷疑呢啲講法，有網友就話呢啲蛤乸遷徙唔係呢幾日發生，而係早幾年嘅事，早到2006年4月喺重慶，應該同地震無關[25][26][27][28][29][30]。
災情
[編輯]今次地震，造成嚴重破壞同人命損失，其中喺地震中心地帶嘅汶川縣臥龍特別行政區、三江鄉、漩口鎮係重災區，因為地震破壞，啲道路交通已經完全中斷，好難入到去做嘢，加上通訊中斷，入面6萬人生死未卜 [31]。而喺四川省人口密集嘅地區，根據官方統計已經死咗成過萬人。喺離汶川一百公里嘅都江堰市一間冧咗嘅學校，就發現60個活埋嘅學生屍體，係其中一個災情最慘重嘅地區[32]。除此之外，災區有多間校舍倒冧，五千幾個學生遇難同埋失蹤，其後揭發學校涉及「豆腐渣」工程。
地震死人多數因為冧樓埋住啲人，幾日無水飲無嘢食而死。而今次地震嘅救災工作重做緊，所以實際死傷人數重未計到，到2008年6月中計，死亡人數已經近7萬，有37萬幾人受傷，1萬7千幾人失蹤[33]。
參考
[編輯]- ↑ 〈512四川大地震〉。TVB.com。原著喺2008年5月17號歸檔。喺2008年5月18號搵到。
- ↑ 512地震
- ↑ 〈地震強度修訂為 8 級〉。蘋果日報。2008年5月19號。原著喺2008年5月20號歸檔。喺2008年5月19號搵到。
- ↑ 〈四川大地震 北京中地震〉。原著喺2008年5月13號歸檔。喺2008年5月13號搵到。
- ↑ 〈香港也搖晃 元朗最驚險〉。蘋果日報。2008年5月13號。原著喺2008年5月17號歸檔。喺2008年5月13號搵到。
- ↑ 〈浩劫 四川汶川 7.8 級大地震〉。蘋果日報。2008年5月13號。原著喺2008年5月17號歸檔。喺2008年5月13號搵到。
- ↑ 〈四川強震／規模7.8相當251顆原彈 波及多省死亡逾萬〉。原著喺2008年5月13號歸檔。喺2008年5月13號搵到。
- ↑ 哀悼日合法性四辩——汶川大地震一周年祭 博讯 （2009-05-12）
- ↑ 〈汶川大地震罹难者超过三万19日起3天定为全国哀悼日（图）〉。RFA。2008-05-19。
- ↑ 〈中國宣布三天全國哀悼日〉。BBC 中文網。2008年5月18號。
- ↑ 〈全國哀悼三天 今午2:28 默哀三分鐘 車船響號〉。蘋果日報。2008年5月19號。原著喺2008年5月20號歸檔。喺2008年5月19號搵到。
- ↑ 〈奧運火炬傳遞暫停三日〉。明報新聞網。2008年5月18號。原著喺2008年5月20號歸檔。喺2008年5月18號搵到。
- ↑ 〈據中國地震台網測定……四川汶川……發生M7.8級地震〉。江蘇防震減災。2008-05-12。原著喺2009-04-17歸檔。喺2008-05-12搵到。
- ↑ 14.0 14.1 "Magnitude 7.9 - EASTERN SICHUAN, CHINA" (英文). 美國地質調查局. 2008-05-12. 原著喺2008-09-16歸檔. 喺2008-05-12搵到.
{{cite web}}: Unknown parameter|title_zh=ignored (help) - ↑ 中國地震局將汶川地震震級從7.8級修訂為8.0級 互聯網檔案館嘅歸檔，歸檔日期2008年5月20號，.新華網
- ↑ 〈逆斷層「造震」 造山運動延伸〉。自由時報。2008-5-13。原著喺2010-12-25歸檔。喺2008-05-13搵到。
{{cite news}}: Check date values in:|date=(help) - ↑ 〈六點半新聞報道〉。翡翠台。2008-05-12。
- ↑ 時振梁等編 (1986年9月)。《世界地震目錄 1900-1980》。北京：地圖出版社。
- ↑ 〈地震預報專家欲哭無淚〉。原著喺2016年8月14號歸檔。喺2008年5月14號搵到。
- ↑ 〈阿壩州防震滅災局成功平息地震誤傳事件〉。原著喺2020年8月5號歸檔。喺2008年5月14號搵到。
- ↑ 揭秘真相:“網友預測地震”純屬無稽之談
- ↑ 數十萬只蟾蜍 傾巢出動找新家 互聯網檔案館嘅歸檔，歸檔日期2014年3月16號，.，2008年5月10號華西都市報
- ↑ 〈震前數十萬蟾蜍騷動示警〉，《文匯報 (香港)》，2008年5月13號
- ↑ 〈數十萬癩蛤蟆災前大遷徙 互聯網檔案館嘅歸檔，歸檔日期2008年5月17號，.〉，《蘋果日報 (香港)》，2008年5月13號。
- ↑ <集體大遷徙，重慶萬隻蟾蜍「壓馬路」 互聯網檔案館嘅歸檔，歸檔日期2008-05-16.>，Tom網
- ↑ <成千上萬隻蟾蜍遷徙，隊伍綿延約400米 互聯網檔案館嘅歸檔，歸檔日期2008年5月16號，.>，唐山同城生活網
- ↑ <氣溫驟降趕去沂河越冬，山東上萬蟾蜍大搬家 互聯網檔案館嘅歸檔，歸檔日期2008年7月4號，.>，新華網
- ↑ <長春萬隻蟾蜍四處逃竄場面壯觀 互聯網檔案館嘅歸檔，歸檔日期2008年5月16號，.>，東亞經貿新聞
- ↑ <江蘇泰州數萬隻小蟾蜍排隊過馬路>，搜狐新聞
- ↑ <蟾蜍進村>，CCTV〈走近科學〉節目
- ↑ 〈災情解析：震中六萬人生死未卜成最大關切〉。原著喺2008-05-20歸檔。喺2008-05-15搵到。
- ↑ 四川強震已近萬人死 死亡人數預計仍將攀升 互聯網檔案館嘅歸檔，歸檔日期2008年5月17號，.中時電子報 2008.05.13
- ↑ 〈四川地震6.9人罹難〉。明報即時新聞網。原著喺2008年6月17號歸檔。喺2008年6月14號搵到。
拎
[編輯]
- Magnitude 7.9 - EASTERN SICHUAN, CHINA 美國地質調查所地震資料
- 中國地震局關於四川汶川縣地震的資料
- 土豆網：地震發生瞬間，大學宿舍手機實拍