活期存款

活期存款（英文：demand deposit）係指無需任何事先通知，存款戶可隨時存取同轉讓嘅一種銀行存款：想像有個消費者，佢想買嘢，但手上唔夠現金；於是佢俾一啲有公信力嘅物件俾個賣家（例如一張寫明咗交易金額嘅支票），等個賣家相信「攞住呢件物件可以換取佢賣咗嗰件嘢值嘅錢」－呢啲錢就係所謂嘅活期存款。一般嚟講，銀行喺法律上有義務，喺一俾人要求佢將活期存款嘅錢交出嚟嗰陣乖乖地照辦。喺廿一世紀嘅經濟體當中，活期存款提款可以透過個人、支票、提款機、同網上銀行等嘅途徑嚟做^[1]。