海怡半島（South Horizons）係香港一個大型嘅私人屋苑，位於香港島南區鴨脷洲西部，係和記黃埔發展有限公司旗下物業，喺1992年至1995年之間落成。
海怡半島分四期，有34座樓（冇第14、24、34座，但係有第13A、23A、33A座），而第四期叫做御庭園。海怡半島多數嘅大廈都係沿海岸而建成嘅，所以部份單位可以欣賞到全海景，而且設施齊備。
2013年4月11號，海怡半島10座怡麗閣，發生四級火警，消防處發現海怡半島緊急車道唔通，幢樓又太高，雲梯都唔到，水壓又唔足[1]。多個傳媒都有報導。
