維珍尼亞理工大學校園槍擊案

發生槍擊案之後，學生聚集埋一齊哀悼死傷者

維珍尼亞理工大學校園槍擊案係響2007年4月16號喺美國維珍尼亞理工學院暨州立大學發生嘅兩單槍擊事件，連同疑兇在內，總共有 33 個人死咗，並且造成最少24人受傷。哩單係美國史上死得人最多嘅校園槍擊案，亦都係美國史上最嚴重針對平民嘅槍擊案。

當局確認槍擊案嘅疑兇係南韓裔學生趙承熙（韓文：조승희；英文：Cho Seung-hui）。佢係美國永久居民，喺維珍尼亞理工大學讀緊第四年，主修英文。喺第二次槍擊之後，佢自殺身亡。