總統係大部份共和國嘅元首；行唔同政制嘅國家，總統嘅職責同權力會有唔同。
響總統制國家，總統兼任政府首腦，甚至可以搞獨裁，例如美國、印尼、菲律賓、埃及同拉丁美洲唔少國家。
響議會制國家，總統只係象徵性職位，有實權嘅係總理，例如德國、意大利、印度、新加坡、以色列等。
響半總統制國家，都有總統同埋總理，兩個都有實權，但通常總統嘅權力會大過總理，例如法國、俄羅斯、韓國、中華民國等。
