美國西部

美國西部（英文：Western United States）泛指美國西部各州。由於美國自建國以嚟疆域多次向西擴展，因此美國西部嘅定義亦隨著時代而變化。一般多以密西西比河作為美國東西部嘅分界線。廣義嚟講，美國西部佔咗美國一半以上嘅領土。美國西部包括咗自路易斯安那購地而獲得嘅土地、1818年自英國獲得嘅土地、德克薩斯州加入美國嗰時嘅土地、1846年自英國獲得嘅土地、1848年墨西哥割讓畀美國嘅土地同埋蓋茲登購地而獲得嘅土地。

美國西部本身又可以再細分成唔同嘅地域。亞利桑那州、科羅拉多州、加利福尼亞州、新墨西哥州、內華達州、俄克拉荷馬州、德克薩斯州同埋猶他州又被視為美國西南部。而蒙大拿州、懷俄明州、愛達荷州、俄勒岡州同華盛頓州就係美國西北部。

另外，華盛頓州、俄勒岡州同加利福尼亞州三州位於太平洋沿岸，又嗌美國西岸。