胡適

胡適
中華民國駐美大使
任期 1938年－1942年
前任	王正廷
繼任	魏道明
個人資料
出世	胡嗣穈 (1891-12-17)1891年12月17號 大清江蘇省
死	1962年2月24號(1962-02-24)（70歲） 中華民國台北市
配偶	江冬秀
仔女	胡祖望 胡思杜

胡適 （Hu Shih；1891年12月17號—1962年2月24號），原名嗣穈，譜名洪騂，字希疆，字適之，筆名天風、藏暉等，係中國文學家、教育家、政治人、公共知識分子。其中，呢個名同字，係取自當時盛行嘅達爾文學說「物競天擇適者生存」典故。佢係安徽績溪上莊村人（響江蘇省川沙縣出世，即依家嘅上海浦東新區）。

佢一生有36個榮譽博士學位，係全世界有最多榮譽博士學位嘅人。

經歷

早年

胡適響1891年響江蘇省川沙縣出世，係安徽績溪上莊村人，老豆叫胡傳，係一名生意人兼官員，屋企經營荼業生意。老豆胡傳一生人娶咗三個老婆，而胡適個阿媽係胡傳最細嘅老婆馮順弟。

1904年，胡適響阿媽馮順弟安排底下同遠房親戚江冬秀訂婚。江冬秀出生於書香門第，識得嗰幾隻字，生得又算醒目，所以屋企人先至揀佢做胡適嘅未來老婆。胡適雖然唔係好鍾意江冬秀，但最後都接受咗呢門婚事。呢一點響佢後嚟寫嘅日記都有寫出嚟：「如果我當時毀約唔娶佢，令到呢個人終身受苦，我又點忍心呢」。訂婚之後，胡適隨即同三哥胡嗣秠去上海，入讀梅溪學堂。

晚年

1962年2月24號，胡適因心臟病發作，與世長辭。