莊豐源案

莊豐源案源於一個香港出世，但父母都係中國內地人嘅細路莊豐源，佢屋企人話，按《香港基本法》第廿四條，佢有居港權，打官司打到去終審庭，2001年終審庭判佢贏，重確認若果中國公民嚮香港出世，都可以享有居港權。

影響

內地孕婦，無論係咪「雙非」（兩個家長都唔係香港人）都湧去香港生仔，日後全家都可以申請做香港人。香港政府既唔要求修正《基本法》，亦唔堵截。中介人公司同埋私家醫生大把生意。香港政府推動醫療產業，兼中國開放自由行，大量內地人去香港。之不過，香港政府無預備足夠醫生護士等人手，結果私立醫院額滿，連帶公立醫院都唔夠用，醫生畀私立醫院挖走。太多內地人去香港生仔，搞到香港醫院加價兼揀客，港人大肚婆爭到連床位都無，搞到要上街示威，出現反「蝗蟲」運動。