虛擬私人網路（virtual private network，VPN）係種透過加密技術，用公用網路（例如互聯網）去模擬私人網路嘅通訊技術，原本係用來畀一啲有多過一個地點嘅公司唔使拉綫或者租綫都可以將唔同嘅地點駁埋，好似有私家嘅廣域網絡咁；後來亦都用來傳送內聯網網路訊息，即係當職員屋企或者職員部機係公司廣域網絡嘅一個地點。
而今（ji1 gaa1）好多人講 VPN 係指一種隱藏自己 IP 嘅服務，其實即係當用家係 VPN 供應商嘅一個地點。
