陳亞扁
提示：呢篇文講嘅唔係陳水扁。| 陳亞扁 | |
|---|---|
| 出世 | 1927年12月16號 中國崖州陵水縣（今日係海南陵水） |
| 死 | 2017年5月11號（89歲） 中國海南陵水 |
| 出名原因 | 抗日戰爭時期嘅慰安婦 |
陳亞扁（粵拼：can4 aa3 bin2；1927年12月16號—2017年5月11號[1]）係中國抗日戰爭時期嘅慰安婦人士之一，崖州陵水縣（今日係海南陵水）嘅黎族人。曾經喺抗日戰爭年間，1942年春俾日軍捉咗做性奴隸，嗰年夏天被轉到崖縣藤橋慰安所（今日係三亞吉陽區瓊崖專區嘅椰風酒店後面）而變成慰安婦直到日軍投降為止。後嚟喺2001年7月同黃有良、林亞金等8位海南慰安婦事件生還者一齊去日本搞咗長達10年官司嘅起訴，但日本法院以「個人冇權向國家起訴」嘅理由而敗訴咗好多次。
2017年5月11號寅時，佢喺陵水黎族自治縣嘅敬老院宿舍入面死咗，終年89歲[2]。
