雙鍵

乙烯入面嘅雙鍵：
兩個 $p_{z}$ 軌道形成 π 鍵
兩個 $sp^{2}$ 雜化軌道形成 σ 鍵

價鍵理論嘅雙鍵係種共價鍵。兩個原子成雙鍵時，共享兩對電子。通常雙鍵係由一個 σ 鍵同一個 π 鍵組成。雙鍵一般比同種原子形成嘅單鍵短。

有碳－碳雙鍵嘅有機化合物叫烯。好多經典路易斯結構式裡面有雙鍵嘅物質實際上情況更複雜。例如二氧化碳經典結構式有兩個碳－氧雙鍵，現代價鍵理論則認為有兩個 Π₃⁴鍵。又比如硫酸根經典結構式裡面有個硫－氧雙鍵，現代價鍵理論一般認為係有個 Π₅⁸ 鍵。

如果形成雙鍵嘅兩個原子分別再用單鍵連住其它原子或基團，就可能會有幾何異構（順反異構）。