馬田壆
馬田壆（英文：Ma Tin Pok）係香港一個嚮元朗區十八鄉嘅村落，於僑興路與大樹下西路交界，座落喺馬田村、龍田村、西漁涌同深涌村之間。馬田壆村並唔係原居民村，唔從屬於其他村落，亦冇入十八鄉鄉事委員會。
史
[編輯]馬田壆一帶系山貝河合流嘅地方，兩河勒分別源至大棠同塘頭埔，該處起有馬田橋連結元朗新墟同十八鄉各村。1950年代起，馬田壆開始有人定居，逐漸發展成條雜姓村落，村口咁兩旁大多數系永久屋宇，周邊就以寮屋為主。事關馬田壆村為處河交匯噉，居民常受水浸困擾。政府於1963年落實元朗防洪工程計劃，將山貝河河道再起成條大明渠（元朗大坑渠）同數條支渠，現時馬田壆村內仍然保留著數條原山貝河河溪。早年有村民喺村內搭建咗一個簡單天后神位作供奉，祈求風調雨順。一九七四年，村民組織「合眾堂花炮會」共天后誕會景巡遊，並重修天后公，天后宮曾於一九八八年同2004年複修。1989年，馬田壆村花炮會新會所落成。[1][2]
軼事
[編輯]1990年代，馬田壆村多次有村民中六合彩到頭獎同二獎，引來香港電視台合風水師到村內採訪。
近年發展
[編輯]2006年，貫通元朗南嘅十八鄉路通車，將馬田壆村一分為二。2011年，恒基兆業就一幅位於馬田壆嘅地皮向城規會申請改扒地段以發展低密度住宅，但遭到否決。業主向居於應該噉嘅花農收地，惹法律糾紛同衝突，其間花農多次遭人騷擾，直到2018年遷出。車，將馬田壆村一分為二。[3][4][5][6][7]業主其後基於政府「青年宿舍計劃」，捐咗笪地出嚟起咗一座27層高嘅青年宿舍。宿舍喺2022年落成，由保良局營運，宿舍個名叫保良局李兆基青年綠洲。[8][9][10][11]
攷
[編輯]- ↑ Tere Wong (2017-06-18)。〈跑遊元朗十八鄉 (90) － 馬田壆、大樹下及南坑排天后廟，遊訪田香花園〉 (美國英文)。原先內容歸檔喺2022-09-22。
- ↑ Tere Wong (2012-03-18)。〈跑遊元朗十八鄉 (6) －馬田壆村天后宮〉 (美國英文)。原先內容歸檔喺2022-09-24。
- ↑ 〈收馬田壆地 恒地勝訴〉。蘋果日報。2014-03-06。原先內容歸檔喺2022-09-20。喺2022-09-19搵到。
- ↑ 〈田香花園花農恐被逼遷 隻身阻工人勘探〉。香港獨立媒體。2014-09-22。原先內容歸檔喺2022-09-22。喺2022-09-19搵到。
- ↑ 〈恒基探土 農民遭逼遷〉。《聞庫》。蘋果日報。2014-09-22。
- ↑ 鄧麗婷 (2017-01-22)。〈【摘去鮮花】四叔捐地迫遷花農 圍板陣下田香花園栽種最後的年花〉。《香港01》 (香港中文)。原先內容歸檔喺2022-09-22。
- ↑ 〈田香花園抗爭落幕 農夫：與被迫遷者繼續同行〉。《阡陌之間》 (臺灣中文)。2018-03-22。原先內容歸檔喺2022-09-22。
- ↑ 〈四叔向保良局捐地 選址元朗馬田壆 建青年宿舍〉。蘋果日報。2015-01-14。原先內容歸檔喺2022-09-22。
- ↑ 鄧穎琳 (2018-01-22)。〈元朗馬田壆青年宿舍最新設計圖曝光 部分樓層租戶或可養寵物〉。《香港01》 (香港中文)。原先內容歸檔喺2022-09-22。
- ↑ 〈獲四叔捐地元朗青年宿舍動土 單人房月租料2000元〉。香港經濟日報。2019-03-12。原先內容歸檔喺2022-09-20。
- ↑ 〈全港最大青年宿舍平頂 保良局李兆基青年綠洲今年招租〉。《香港01》 (香港中文)。2022-03-30。原先內容歸檔喺2022-09-22。
拎出去
[編輯]- 馬田壆嘅facebook頁
- 保良局李兆基青年綠洲 Wayback Machine嘅版面存檔備份