三國志大戰

出自維基百科,自由嘅百科全書
跳去: 定向搵嘢

三國志大戰世嘉(SEGA)開發嘅街機對戰遊戲,喺2005年3月15號正式開始運作,喺日本以外嘅地區,香港台灣馬來西亞新加坡亦都有機台。以三國時代為題材嘅戰略遊戲,玩家可以用唔同嘅武將卡攻佔人哋嘅城池同擊敗對手。

玩法[編輯]

玩家可以喺限定嘅卡片值(8 cost)揀幾張卡片上陣,喺限時之內攻陷人哋城池或者喺限時內自己城池嘅耐久值高啲為之贏。玩家可以用卡板指揮自己嘅部隊,喺適當時候用計謀或者兵法,令自己進入有利嘅戰況。

版本[編輯]

  • 三國志大戰1.0
  • 三國志大戰1.1(馬來西亞目前嘅版本,目前已經支援網路對戰)
  • 三國志大戰2.0(而家台灣以及上海嘅版本)(2.0版本為Chihiro,2.1版本係用Lindbergh基板)
  • 三國志大戰2.1(而家香港同新加坡嘅版本)
  • 三國志大戰3.0(而家日本嘅版本,香港部分地方都有)
  • 三國志大戰DS(移植到NDS,以2.0版本為基礎)
  • 三國志大戰.天(移植到NDS,以3.0版本為基礎)

勢力[編輯]

而家台灣、香港、新加坡、馬來西亞版本嘅遊戲,有6個勢力。

而目前日本版得四個勢力,分別係:

兵種[編輯]

遊戲中每一個武將各自有唔同嘅兵種。種類有 6 種,最常見嘅有騎兵兵]],另外重有步兵攻城等兵種。

  • 騎兵:遊戲入面郁得最快嘅兵種。行一段距離之後會變成突擊狀態,當喺突擊狀態中同人哋嘅部隊接觸,可以造成好大傷害。對弓兵較勁,但係俾槍兵剋,因為槍兵可以對騎兵嘅突擊進行迎擊
  • 槍兵:部隊前面會出現一排槍頭,喺人哋同自己未接觸之前,有得喺槍頭距離進行先制攻擊嘅能力:槍擊。另外,可以對人哋嘅騎兵突擊狀態進行迎擊,令騎兵造成巨大傷害。對騎兵較勁,但係郁得慢,對弓兵較差。
  • 弓兵:喺靜止狀態下,可以喺射程範圍對人哋進行射擊。對槍兵嘅威力較勁,但對騎兵較差。
  • 步兵:平均嘅部隊,冇乜特殊能力。
  • 攻城兵:攻城最勁嘅兵種,對城池可以造成嘅傷害最大,但係戰鬥力同移速係遊戲中最低。
  • 象兵:2.0 版本出場嘅兵種,近戰能力較高,行一段距離可以進入突擊狀態,撞到人哋可以將人哋嘅部隊強制打後。

計略[編輯]

遊戲入面,每一位武將都有一招計略,可以用嚟改變人哋同自己嘅戰略情勢,用嘅時候要扣自己嘅士氣。唔同計略消耗嘅士氣同效果都唔同,有啲重幾複雜,可以加強武力知力移動速度或者係射程距離等等,又有啲係可以造成瞬間傷害或者係回復自己兵力嘅計略,依照效果範圍唔同有所差異,種類可以話極之多。

下面簡單咁介紹下有邊幾種:

  • 單體強化型:增強自己嘅能力。
  • 號令型:喺效果範圍入面,我軍嘅部隊可以產生效果。
  • 妨害:喺效果範圍入面畀人負面效果。
  • 傷害型:對指定範圍入面嘅敵人造成瞬間傷害,扣幾多血以自己同敵人嘅知力差距決定。
  • 回復型:回復我方部隊嘅兵力。
  • 舞蹈型:發動之後效果會一直持續,直到發動者死為止。跳舞嘅時候,嗰個武將唔可以行。

上面大致將幾種做區分,其他詳細內容重有好多,另外重有反計等等嘅計略。

由於種類複雜多元同埋消耗嘅士氣唔同,點樣設計、排列,要用嘅計略組合,或者點樣喺耗費嘅士氣、效果、武將嘅能力值之中揀一隻,成為玩三國志大戰嘅重要主題。

士氣[編輯]

士氣係三國志大戰其中一項重要元素,用計略嘅時候會扣一定嘅士氣。士氣會隨住戰鬥而逐漸增加,開戰時由0開始。如果有啲武將有魅力嘅特技,就可以增加開戰時嘅士氣,但唔會增加士氣累積速度。

最大士氣上限係12顆。如果我方部隊勢力係以單一勢力為主,咁士氣上限就係12顆;如果混合一個勢力,咁上限係9顆;混合兩個勢力以上,上限6顆。最低士氣下限係6顆。

特殊能力[編輯]

一啲卡牌會附加特殊能力,增加戰力同本身嘅實用價值,係好多玩家揀卡組合卡組時考慮嘅其中一個因素。

特殊能力分為:勇猛防柵魅力伏兵復活連計2.0版新增)、募兵2.0版新增)同埋覺醒2.1版新增)

  • 勇猛:一騎討時出現全無雙(金色條)嘅機會率增加,只要拍中金色部分就可以打出「無雙」。
  • 防柵:開戰時,嗰個部隊既正前方會出現一道防柵。開戰前可以隨意喺我方陣地內部署,交戰時防柵可以抵擋對方大約7次撞擊。
  • 魅力:戰鬥開始時增加0.5 士氣。效果可以疊加,牌組入面愈多武將有呢項能力,開戰時有嘅士氣就愈多。
  • 伏兵:戰鬥開始時為隱形狀態,接觸人哋嘅部隊就現形,重根據自己同對方嘅知力差畀對方巨大傷害。移動速度極低,接觸人哋嘅部隊、傷害性地形、防柵同進入攻城狀態即解除伏兵狀態。
  • 復活:縮短嗰個部隊撇退後嘅復活時間10秒。
  • 連計:2.0 版新增嘅特殊能力,需要配合計略入面有連計嘅武將用。武將發動計略之連計時,場上如果其他武將都有連計,計略範圍就係「發動計略武將同擁有連計武將之間嘅距離」,否則範圍係「自身極細圓形」。距離愈長,寬度愈短,反之距離愈短,寬度愈長。呢個特技喺3.0版本廢除。
  • 募兵:2.0 版新增嘅特殊能力,只要喺戰場上靜止唔郁即可慢慢回復兵力,回覆速度同自城中兵力回復速度相同。攻城、亂戰或者受弓兵射擊時會停止回復,但係中毒期間可以回復。
  • 覺醒:2.1版新增嘅特殊能力,擁有呢個技能嘅武將每隔33c(遊戲中1c≈2.4秒),武力同知力都會上升1點。覺醒唔會受到任何事件或者動作(好似入城或者撤退等)影響。

兵法[編輯]

兵法嘅效果可以對場上所有部隊(我方或者敵方)發生效力,每場戰鬥只可以用一次。

遊戲中嘅兵法有16種:

  • 再起之法:撤退嘅部隊復活,兵力回復。(2.0版改為縮短復活時間,等級愈高縮短嘅時間愈多。)
  • 正兵之法:我軍所有部隊武力上升。
  • 速軍之法:我軍所有部隊移速上升。
  • 連環之法:人哋所有部隊移速下降。
  • 增援之法:我軍場上所有部隊回復兵力。
  • 衝軍之法:我軍所有部隊武力上升,移速下降。
  • 再建之法:我軍所有防柵強度回復。
  • 神速之大攻勢:我軍所有騎兵武力、移速上升。
  • 車輪之大攻勢:自軍所有槍兵武力上升、全方位無敵槍頭攻擊。
  • 遠弓之大攻勢:自軍所有弓兵武力、射程距離上升。
  • 魏軍之大攻勢:我軍勢力嘅部隊武力上升。
  • 蜀軍之大攻勢:我軍勢力嘅部隊武力上升。
  • 吳軍之大攻勢:我軍勢力嘅部隊武力上升。
  • 西涼軍之大攻勢:我軍西涼勢力嘅部隊武力上升。
  • 袁紹軍之大攻勢:我軍勢力嘅部隊武力上升。
  • 他軍之大攻勢:我軍勢力嘅部隊武力上升。

除咗再起之法一開始就有,其他兵法得到既方式係O係戰鬥結束之後隨機發生,多數有條件限制。

所有兵法嘅開始等級係由 1 開始,每回合戰鬥結束後隨機獲得「寶玉」,「寶玉」可以提升兵法嘅等級,隨住等級提升,可以令兵法嘅效果增強或者效果時間延長。等級10時標示為「MASTER」。

2.0版本以上,兵法等級提升至「MASTER」之後,可隨機得到「外傳」附加喺兵法上,用嘅時候會另增額外嘅效果。一項兵法最多可以裝兩個「外傳」。

3.0 版之後,兵法會俾「奧義」取代。

軍師系統[編輯]

軍師卡係三國志大戰3.0先出嘅新系列,3.0版本取代咗1.0-2.1嘅兵法

軍師卡通常有兩個效果,就以「他國」嘅賈詡為例,一個效果係「再起興軍」(返生時間減少),第二個係「精兵戰陣」(範圍內我方武將武力上升)。兩個效果只可以揀一個,兼且一場只可以用一次。

用返賈詡做例子,軍師係賈詡嘅話,武將卡就唔可以用賈詡。

重有,效果係有分屬性嘅,「再起興軍」(天),「精兵戰陣」(人),3.0嘅武將卡都有分屬性,如果嗰個武將屬性係天,用埋「再起興軍」嘅話,效果更好。

武將卡作畫[編輯]

除此之外,喺2.0版以後,另有LE(Legend)版本嘅卡片,分別以三國時代為題材嘅名作為主題,包括橫山光輝三國志本宮廣志吞食天地山原義人龍狼傳。3.0版本再追加蒼天航路(原作:李學仁/作畫:王欣太)系列LE武將卡。

參考[編輯]

出面網頁[編輯]