出自維基百科,自由嘅百科全書
跳去: 定向搵嘢
呢度講動物,其他請睇象 (搞清楚)
en:Wikipedia:How to read a taxoboxHow to read a taxobox
非洲象
非洲象
物種分類
界 (Regnum): 動物界
門 (Phylum): 脊索動物門
亞門(Subphylum): 脊索動物亞門
綱 (Classis): 哺乳綱
目 (ordo): 長鼻目
Superfamily: 象科
科 (familia): 象科
Gray, 1821
Subfamilia

係目前世界上最大型嘅陸上哺乳動物,屬於長鼻目(Proboscidea)意指所有嘅象類,只有一科兩屬三種,即係象科非洲象屬亞洲象屬,非洲象有兩種:普通非洲象(又叫熱帶草原象或者灌木象)同非洲森林象,亞洲象可細分成 4 種:印度象錫蘭象蘇門答臘象馬來西亞象。兩者廣泛分布喺非洲撒哈拉沙漠以南、南亞東南亞甚至中國南部邊境嘅熱帶同埋亞熱帶地區。象因為咁大隻,所以叫大象,加上睇來笨重,又俾人叫做大笨象

象嘅懷孕期係 20 - 24 個月,係眾哺乳動物之首。啱啱出世嘅象 BB 就有 100 千克重,要到 8 - 14 歲先至性成熟。據報導1974年安哥拉獵殺咗最大嘅象有 13.5 重。

象皮厚,冇乜毛,鼻同上唇黐埋,變成一條好似鞭一樣、圓筒狀長鼻,上頜有兩隻又長又大嘅門牙,就係所謂嘅「象牙」,口裏面一般每邊有三隻前磨牙同三隻後磨牙,攞嚟食高纖維嘅嘢食,樹葉、草等等,磨牙唔係一次過生晒出嚟,而家嘅磨牙磨爛之後,新嘅磨牙就生出嚟,所以如果最後一隻(第六隻)磨牙大約喺 60 歲磨左右爛之後,老象可能會因為營養不良而死,如果餵佢食磨爛咗嘅食物,可能可以繼續生存倒。

品種[編輯]

亞洲象又叫印度象,分佈喺南亞東南亞,鼻尖有一個手指狀嘅突起,雌象冇象牙,即使係雄象亦有一半冇象牙或者象牙好細,耳仔比較細、圓,前腳有 5 隻腳趾,後腳有 4 隻腳趾,共有 19 對肋骨(其中蘇門答臘亞種有 20 對,但比非洲象少一對),頭骨有兩個突起,背脊拱起。性情温和,比較容易馴服。過往可再分 4 個亞種:印度象錫蘭象馬來西亞象蘇門答臘象

非洲象有兩種,最常見嘅係普通非洲象,係現存世界上最大嘅陸地動物,耳仔大;下面嘅部份尖,不論公乸都有長而彎嘅象牙,前腳有 4 隻腳趾,後腳有 3 隻腳趾(腳趾數目比亞洲象少一隻),共有 21 對肋骨,背脊平,身長 6 - 7.3 米,身高 3-4 米,重達 10 噸。性較兇猛,尤其係孤獨嘅雄象更為兇猛,唔易馴服。

另一種非洲象係瀕臨絕種嘅森林象,體型細,一般唔超過 2.5 米高,耳仔圓,下頜骨長而窄,前腳有 5 隻腳趾,後腳有 4 隻腳趾,同亞洲象一樣,象牙細而直,質地好硬。根據最近嘅基因分析證實佢同普通非洲象唔係同一種。

此外重有幾個亞種,馬來西亞有一種亞洲象亞種——婆羅洲侏儒象,體型更細。納米比亞有一種非洲象亞種——沙漠象,腳板底嘅肉墊較大,更適應缺水嘅生活,非常知道節約用水,而且識響沙漠搵水源。

響古時重有體形更大嘅長毛象——長毛象,家下已經絕種,不過響北方西伯利亞嘅凍土地帶,有猛獁象嘅屍體出土。

習性[編輯]

象由於少毛,容易生皮膚病,所以要成日沖涼或沖泥槳浴,象皮厚,有皺紋,有啲皺紋路成十幾厘米深,皮膚淺灰色,由於洗泥浴有時看落似泥土嘅紅啡色,啡色嘅眼,有長嘅眼媚毛,有一種罕見嘅白化象,白象眼一般係藍色。

象嘅耳仔好大,有豐富嘅血管以便散熱,條尾唔長,頂端有毛刷。

象係食草動物,一日要用16個鐘嚟揾食,佢哋嘅消化系統效率唔高,只有4成食物可以被吸收,一隻成年象一日雖然可以吃到30到60千克食物,但當中有6成會痾返出去。

象在正常時每日要行3到6千米去揾食,但奔跑速度可以去到時速36千米。

用途[編輯]

亞洲象響南亞國家經常被馴服用來役使,響交通唔方便嘅森林地帶搬運木材等。非洲象其實都可以馴養,只係無亞洲象咁「機智靈敏」。

古代亦訓練作為戰象,馬其頓亞歷山大大帝攻打印度就係俾佢哋從未見過嘅戰象擊敗。後來迦太基漢尼拔將軍越過阿爾卑斯山攻打羅馬時亦用戰象。漢尼拔將軍所用嘅象可能係家下已經滅絕嘅北非種象。

象牙[編輯]

由於象牙可以製造珍貴嘅工藝品,象經常遭到偷獵者嘅襲擊,作為大型動物,佢哋嘅生育周期較長,因此非常容易滅絕。目前各國為保護象已經禁止象牙交易。中國法律亦已經規定禁止象牙交易同繼續生產象牙製品。

象同歷史文化[編輯]

同大象嘅骨頭比較

象喺古代中國多數係南方鄰國進貢嘅禮品,皇家多馴養象嚟喺典禮時顯示威儀。

泰國,大象係國家象徵。泰國好多嘅府徵都有象嘅圖案。相傳白象古時泰北嘅蘭納泰王朝帶嚟好運,自此成為泰國嘅國寶。泰國皇室勳章最高級嘅係皇家白象勳章。因為2006年從2月到7月大象數目增長三倍,而泰國用象來做的士。

喺香港,雖然重未發現過大象化石,但學者估計響幾千年前,后海灣沼澤森林吐露港一帶附近曾經出現過大象[1]

以前荔園動物園亦曾經養過象,但喺1989年2月染急性肺炎而俾人整死咗。屍體其後被運往將軍澳垃圾堆填區。而1975年時,據講泰國一個馬戲團曾來港表演,但反應唔理想,於是將9隻大象寄居荔園,重要籌錢將嗰班大象送返泰國。

關於香港養大象嘅記錄,請睇荔園動物園

參考[編輯]

  1. 香港歷史博物館,「自然生態環境」展館內螢光幕

相關文章[編輯]

出面網頁[編輯]