亨利
出自維基百科，自由嘅百科全書
亨利（Thierry Daniel Henry，1977年8月17號—）係法國足球員，打前鋒。
亨利以前出身喺法國球會摩納哥，早響1998年世界盃佢就跟隨法國國家隊贏得冠軍，響世界盃佢重入咗三球。之但係佢當時人氣麻麻，尤其係響1999年轉會意大利祖雲達斯後，佢一直受傷患等因素影響，狀態非常之差。適逢阿仙奴斟介佢，亨利只打咗祖雲達斯半年，就諗都唔諗答應加盟阿仙奴。
響阿仙奴佢係超級大前鋒，係當年全世界最勁前鋒之一。佢幾乎年年都贏得英超神射手，有兩屆英超聯冠軍都係阿仙奴贏得：2001-02年嗰屆佢輕易砌低幾乎年年贏冠軍嘅曼聯、2003-04年嗰屆更係全季38場保持不敗。2006年世界盃佢響決賽週射入三球，連同1998年嗰屆，佢響世界盃已經係法國入球最多嘅球員。佢重幾乎年年都得到歐洲足球先生提名，金靴獎亦都有佢份。
但喺2007年轉會巴塞隆拿之後，佢始終打唔出狀態，2008年佢得唔到歐洲足球先生選舉提名，係自1999年以嚟首次。
[編輯] 獎項
